ନୂଆଦିଲ୍ଲୀ: ବିରୋଧୀ ଦଳ ନେତାଙ୍କୁ ଜେଲ ପଠାଯିବା ନେଇ ମୋଦୀ ସରକାର ଉପରେ ଏକଛତ୍ରବାଦର ଅଭିଯୋଗ ଆଣିଥିବା ଲୋକଙ୍କ ରାଜନାଥ ସିଂ କଡ଼ା ଜବାବ ଦେଇଛନ୍ତି । ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ କହିଛନ୍ତି ଯେ ଏମର୍ଜେନ୍ସି ଜରିଆରେ ଦେଶ ଉପରେ ଏକଛତ୍ରବାଦ ଲଦିଥିବା ଲୋକ ଆମ ଉପରେ ଅଭିଯୋଗ କରୁଛନ୍ତି । ଏଏନଆଇକୁ ଦେଇଥିବା ସାକ୍ଷାତକାରରେ ସେ ନିଜ ମାଆଙ୍କ ବିୟୋଗ କଥାକୁ ଉଲ୍ଲେଖ କରିଛନ୍ତି ଏବଂ କହିଛନ୍ତି ଯେ ସେତେବେଳେ ମୁଁ ଜେଲରେ ଥିଲି ଏବଂ ଅନ୍ତିମ ସଂସ୍କାର ପାଇଁ ମଧ୍ୟ ପେରୋଲ ମିଳି ନଥିଲା । ପୂରା କାହାଣୀକୁ ବର୍ଣ୍ଣନା କରି ରକ୍ଷା ମନ୍ତ୍ରୀ ଭାବୁକ ମଧ୍ୟ ହୋଇଥିଲେ । ସେ କହିଛନ୍ତି ଯେ ମୁଁ ମୋର ମାଆଙ୍କ ଶେଷ ଦର୍ଶନ ମଧ୍ୟ କରିପାରିଲି ନାହିଁ ।
#WATCH | ''I was not given parole to attend my mother's last rites during the Emergency, and now Congress call us dictators," Defence Minister Rajnath Singh reveals the untold story of the 1975 Emergency. pic.twitter.com/cvgoQ0KMoi
— ANI (@ANI) April 11, 2024
ରାଜନାଥ ସିଂ କହିଛନ୍ତି, 'ମୁଁ ଏମର୍ଜେନ୍ସିରେ ଜେଲରେ ବନ୍ଦୀ ଥିଲି । ମୋର ମାଆଙ୍କ ସ୍ୱାସ୍ଥ୍ୟ ଖରାପ ଥିଲା। ଏବଂ ତାଙ୍କୁ ବାରଣାସୀର ମାତା ଅମୃତାନନ୍ଦମୟୀ ହସ୍ପିଟାଲରେ ଭର୍ତ୍ତି କରାଯାଇଥିଲା । ମୋ ମାଆ ୨୭ ଦିନ ଯାଏ ହସ୍ପିଟାଲରେ ଭର୍ତ୍ତି ଥିଲେ । ପରେ ବ୍ରେନ୍ ହେମରେଜରୁ ତାଙ୍କର ପରଲୋକ ଘଟିଲା । ମୋତେ ମୋ ମାଆଙ୍କ ଶେଷ ଦର୍ଶନ ପାଇଁ ମଧ୍ୟ ପେରୋଲ ଦିଆଗଲା ନାହିଁ ।'
ସେହିପରି କେବଳ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପରେ ବିଜେପିର ନିର୍ଭରତାକୁ ନେଇ ପ୍ରଶ୍ନ କରାଯାଇଥିଲା । ଯାହା ଉପରେ ରାଜନାଥ ସିଂ କହିଥିଲେ ଯେ ନରେନ୍ଦ୍ର ମୋଦୀ ତୃତୀୟ ଥର ହିଁ ନୁହେଁ ବରଂ ଚତୁର୍ଥ ଥର ମଧ୍ୟ ପ୍ରଧାନମନ୍ତ୍ରୀ ହେବେ । ଯେପର୍ଯ୍ୟନ୍ତ ସୁସ୍ଥ ଏବଂ ସକ୍ଷମ ହେବେ, ସେପର୍ଯ୍ୟନ୍ତ ପ୍ରଧାନମନ୍ତ୍ରୀ ହୋଇ ରହିବେ । ଏହି ସମୟରେ ସେ ପାକିସ୍ତାନକୁ ନେଇ ମଧ୍ୟ ନିଶାନ କରିଛନ୍ତି ।
