ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଠମଲ୍ଲିକ: ଦନ୍ତା ହାତୀର ମୃତଦେହ ଠାବ, ଶରୀରରେ ରହିଛି ଅନେକ କ୍ଷତଚିହ୍ନ
  • ||
  • ସମ୍ୱଲପୁର: ଜଳିଗଲା ଘରୋଇ ବସ୍ ନାଗରାଜ୍, ଅଳ୍ପକେ ବର୍ତ୍ତିଗଲେ କଣ୍ଡକ୍ଟର
  • ||
  • ବୌଦ୍ଧ: ନାଳରୁ ବ୍ୟାଙ୍କ୍ କର୍ମଚାରୀଙ୍କ ମୃତଦେହ ଉଦ୍ଧାର, ପାଖରେ ପଡିଛି ବାଇକ ଓ ମଦବୋତଲ
  • ||
  • ଭୁବନେଶ୍ୱର: ବରିଷ୍ଠ ଅଭିନେତ୍ରୀଙ୍କ ବିୟୋଗରେ ମୁଖ୍ୟମନ୍ତ୍ରୀଙ୍କ ଶୋକ
  • ||
  • ଭଦ୍ରକ: ଭୟାବହ ଅଗ୍ନିକାଣ୍ଡରେ ଜଳିଗଲା ୧୫ ବଖରା, ୨ ଗୋ-ମାତା ଜୀବନ୍ତ ଦଗ୍ଧ
  • ||
  • କଟକ: ବରିଷ୍ଠ ଅଭିନେତ୍ରୀ ଝରଣା ଦାସଙ୍କ ପରଲୋକ, ୮୨ ବର୍ଷ ବୟସରେ ଦେହାନ୍ତ
  • ||

ସଡ଼କ ଦୁର୍ଘଟଣାରେ ବଦଳି ଗଲା ଜୀବନର ମୋଡ, ଚିକିତ୍ସାରେ ଅର୍ଥ ସାଜିଛି ବାଧକ

19/11/2022 at 11:48 AM

ଚଣ୍ଡିଖୋଲ ୧୯/୧୧: ପୋଲିସ ଚାକିରୀ ପାଇଁ ଇଣ୍ଟରଭ୍ୟୁ ପାଇଁ ଯାଉଥିବା ବେଳେ ସଡ଼କ ଦୁର୍ଘଟଣା ବଦଳାଇ ଦେଲା ଜୀବନର ମୋଡ଼ । ଦୀର୍ଘ ୬ ବର୍ଷ ଧରି ଗୋଡ଼ ଯନ୍ତ୍ରଣାରେ ଶାରୀରିକ ଅକ୍ଷମ ହୋଇ ପଡି ରହିଛନ୍ତି ଘରେ । ଚିକିତ୍ସା ପାଇଁ ଅର୍ଥସାଜିଛି ବାଧକ । ଆମେ କହୁଛୁ ଯାଜପୁର ଜିଲ୍ଲା ବଡ଼ଚଣା ବ୍ଲକ ବାଲିକୁଦା ଗ୍ରାମର ପ୍ରଶାନ୍ତ କୁମାର ଓଝାଙ୍କ କଥା ।

ପ୍ରଶାନ୍ତ ୨୦୧୬ରେ ପୋଲିସ ଚାକିରୀ ପାଇଁ ଇଣ୍ଟରଭିୟୁ ଦେବାକୁ ଯାଉଥିବା ବେଳେ ସଡ଼କ ଦୁର୍ଘଟଣାରେ ଗୋଡ଼ରେ ଜୋରରେ ଆଘାତ ଲାଗିଥିଲା । ମେଡିକାଲରେ ଚିକିତ୍ସା ହେଉଥିଲେ । ଏ ନେଇ ଡାକ୍ତରଙ୍କ ପରାମର୍ଶ ଅନୁଯାଇ ସେ ୬ ଥର ଗୋଡ଼ର ସର୍ଜରୀ କରିଥିଲେ ସୁଦ୍ଧା ଆଜି ବି ସେହି ଗୋଡ଼ ଯନ୍ତ୍ରଣାରେ ଜର୍ଜରିତ ହେଉଛନ୍ତି ପ୍ରଶାନ୍ତ । ସେହିଦିନ ଠୁ ଶାରୀରିକ ଅକ୍ଷମ ଭାବେ ଘରେ ପଡି ରହିଛନ୍ତି ।

ଘରର ଆର୍ଥିକ ପରିସ୍ଥିତି ବେଶ ଶୋଚନୀୟ ହୋଇ ପଡିଛି । ପ୍ରଶାନ୍ତଙ୍କ ବାପା ଦିନ ମଜୁରିଆ ଭାବେ କାମ କରି ଯେଉଁ ରୋଜଗାର କରୁଛନ୍ତି ସେଥିରେ ପରିବାର ଚଳାଇବା ବେଶ କଷ୍ଟସାଧ୍ୟ ହୋଇ ପଡୁଛି । ପ୍ରଶାନ୍ତଙ୍କ ପୋଲିସ ଚାକିରୀ କରିବାର ସ୍ୱପ୍ନ ସ୍ବପ୍ନରେ ହିଁ ରହିଗଲା । ୬ ଥର ସର୍ଜରୀ ପରେ ଗୋଡ଼ ଯନ୍ତ୍ରଣା କମୁ ନଥିବାରୁ ଗୋଡ଼ କଟାଯିବ ବୋଲି ଡାକ୍ତର କହିଛନ୍ତି ।

ଛଅ ବର୍ଷ ଧରି ଚିକିତ୍ସାରେ ପରିବାର ପକ୍ଷରୁ ବହୁ ଅର୍ଥ ଖର୍ଚ୍ଚ କରି ସାରିଲେଣି । ଏବେ ଔଷଧ କିଣିବା ପାଇଁ କି ଅଧିକ ଚିକିତ୍ସା ପାଇଁ ପାଖରେ ଅର୍ଥ ନଥିବାରୁ ଜୀବନ ସହ ସଂଘର୍ଷ କରୁଛନ୍ତି ପ୍ରଶାନ୍ତ । କେନ୍ଦ୍ରାପଡ଼ା କ୍ରେଡିଟ କୋ ଅପରେଟିଭ ବ୍ୟାଙ୍କ୍ ପକ୍ଷରୁ ପ୍ରଶାନ୍ତଙ୍କ ପାଖରେ ପହଂଚି କିଛି ଆର୍ଥିକ ସହାୟତା କରିଛନ୍ତି.ସରକାରୀ ସ୍ତରରେ ପରିବାରକୁ ସହଯୋଗ କରିବା ପାଇଁ ପରିବାର ଲୋକେ ସରକାରଙ୍କ ପାଖରେ ନିବେଦନ କରିଛନ୍ତି ।

   Related Posts