ନବରଙ୍ଗପୁର ୧୩/୦୨: ନବରଙ୍ଗପୁର ମୁଖ୍ୟ ଚିକିତ୍ସାଳୟରେ ଦିବ୍ୟାଙ୍ଗ ଯୁବକଙ୍କ ଉନ୍ମୁକ୍ତ କାଣ୍ଡ । ବ୍ଲେଡ଼ରେ ନିଜ ବେକ କାଟି ଆତ୍ମହତ୍ୟା ଉଦ୍ୟମ ସହ ରୋଗୀ ସମ୍ପର୍କୀୟଙ୍କ ବିଶ୍ରାମ ଗୃହ ଉପରେ ଚଢ଼ି ଡେଉଁ ପଡି ଆତ୍ମହତ୍ୟା ଉଦ୍ୟମ ।

ଦୀର୍ଘ ସମୟର କସରତ ପରେ ଅଗ୍ନିଶମ ବାହିନୀ, ମେଡ଼ିକାଲ କର୍ମଚାରୀ ଓ ମେଡ଼ିକାଲରେ ଥିବା ରୋଗୀଙ୍କ ସମ୍ପର୍କିୟଙ୍କ ଉଦ୍ୟମରେ ଉଦ୍ଧାର । ଯୁବକର ନାମ ଶ୍ୟାମ ହରିଜନ ବୋଲି ସୂଚନା ମିଳିଛି । ସେ ମେଡ଼ିକାଲ ନିକଟରେ ରହୁଥିବା ସୂଚନା ମିଳିଛି ।

ତେବେ କାହିଁକି ଏଭଳି ଉଦ୍ୟମ କରିଥିଲା ସେ ନେଇ କୌଣସି ସ୍ପଷ୍ଟ ସୂଚନା ମିଳିନଥିବା ବେଳେ ମେଡ଼ିକାଲ ରେ ତାହାର ଚିକିତ୍ସା ଜାରି ରହିଛି । ଅନ୍ୟପଟେ ଯୁବକର ଠିକଣା ଖୋଜି ତା ପରିବାର ସହ ଯୋଗାଯୋଗ କରିବାକୁ ଚେଷ୍ଟା କରୁଛି ପୋଲିସ ।