ଗୁଜରାଟ ୩୦/୦୫: ଶେଷ ହୋଇଛି IPL ୨୦୨୩ । ସମସ୍ତଙ୍କୁ ପଛରେ ପକାଇ ବାଜି ମାରିଛି ଚେନ୍ନାଇ । ବେଶ ରୋମାଞ୍ଚ ଥିଲା ଫାଇନାଲ୍ ଫାଇଟ୍ । ଯାହାକୁ ଦୁଇ ମାସ ଧରି ଅପେକ୍ଷା କରି ରହିଥିଲେ ଫ୍ୟାନ୍ସ । ବର୍ଷା ହେତୁ ୨୮ମେ ରବିବାର ଦିନ ଏହି ଖେଳାଯାଇପାରିନଥିଲା ମ୍ୟାଚ୍ । ସୋମବାର ରିଜର୍ଭ ଡେ ପାଇଁ ଏହାକୁ ସ୍ଥଗିତ ରଖାଯାଇଥିଲା । ସୋମବାର ଆରମ୍ଭ ଥିଲା ଫାଇନାଲ୍ ମୁକାବିଲା । ମ୍ୟାଚ୍ ପୂର୍ବରୁ ମୈଦାନକୁ ଟସ୍ ପକାଇବାକୁ ଆସିଥିଲେ ଉଭୟ ଦଳର କ୍ୟାପଟେନ୍ ହାର୍ଦ୍ଦିକ ପାଣ୍ଡ୍ୟା ଓ ମହେନ୍ଦ୍ର ସିଂହ ଧୋନୀ । ହେଲେ ଟସ୍ ସମୟରେ ଦେଖିବାକୁ ମିଳିଥିଲା ଅଜବ ଦୃଶ୍ୟ । ଯାହାକି କ୍ୱଚିତ୍ ଦେଖିବାକୁ ମିଳିଥିାଏ ।

🚨 Toss Update 🚨

Chennai Super Kings win the toss and elect to field first against Gujarat Titans.

Follow the match ▶️ https://t.co/WsYLvLrRhp#TATAIPL | #Final | #CSKvGT pic.twitter.com/HYMcLKhfKy

— IndianPremierLeague (@IPL) May 29, 2023

ଇଣ୍ଡିଆନ୍ ପ୍ରିମିୟର ଲିଗ୍ ର ୧୬ ତମ ସିଜନର ଫାଇନାଲ୍‌ରେ ମହେନ୍ଦ୍ର ସିଂ ଧୋନି ଟସ୍ ସମୟରେ କିଛି ଅଲଗା କରୁଥିବା ଦେଖିବାକୁ ମିଳିଥିଲା । ଅର୍ଥାତ୍ ବାମ ହାତରେ ଟସ୍‌ ପକାଇଥିଲେ ଧୋନୀ । ଯଦିଓ ଏହା ପ୍ରଥମ ନୁହେଁ, ସେ ଏମିତି ପୂର୍ବରୁ କରିସାରିଛନ୍ତି । ରାହୁଲ ଦ୍ରାବିଡଙ୍କ ଅଧିନାୟକତ୍ୱରେ ରାଜସ୍ଥାନ ରୟାଲ୍ସ ବିପକ୍ଷରେ ମହେନ୍ଦ୍ର ସିଂ ଧୋନି ମଧ୍ୟ ବାମହାତରେ ପକାଇଥିଲେ ଟସ୍ ।

ସେତେବେଳେ ବି ମହେନ୍ଦ୍ର ସିଂ ଧୋନିଙ୍କ ଏମିତି କାମ ବେଶ୍ ଭାଇରାଲ ହୋଇଥିଲା । ବାମ ହାତରେ ଟସ୍ ପକାଉଥିବାବେଳର ଭିଡିଏ ବି ସେୟାର କରିଥିଲେ ଲୋକେ । ଲୋକେ ବି ଏହି ଭିଡିଓ ଉପରେ ବହୁତ କମେଣ୍ଟ କରିଥିଲେ । ଏବେ ମଧ୍ୟ ଦୀର୍ଘ ବର୍ଷ ପରେ ଇଣ୍ଡିଆନ୍ ପ୍ରିମିୟର ଲିଗର ଟ୍ୱିଟ୍ ପୃଷ୍ଠାରେ ଏମିତି ଏକ ଭିଡିଓ ସେୟାର ହୋଇଛି । ସେୟାର ହୋଇଥିବା ଭିଡିଓରେ ଧୋନି ବାମ୍ ହାତରେ ଟସ୍ ପକାୁଥିବାରେ ନଜର ଆସିଥିଲେ ।

ସୂଚନା ଥଉକି, ଭାରତୀୟ ପ୍ରିମିୟର ଲିଗର ଏହି ନୂତନ ସିଜନ୍‌ରେ ମହେନ୍ଦ୍ର ସିଂ ଧୋନିଙ୍କ ନାମକୁ ନେଇ ଅନେକ ଆଲୋଚନା ହୋଇଛି । ଗତ ସିଜନରେ ଚେନ୍ନାଇ ସୁପର କିଙ୍ଗ୍ସର ଦଳ, ଯାହାର ଯାତ୍ରା ୯ ନମ୍ବରରେ ଶେଷ ହୋଇଥିଲା । ହେଲେ ଏଥର ଫାଇନାଲରେ ପ୍ରଥମ ସ୍ଥାନ ଅଧିକାର କରିଥିଲା ଟିମ୍ । ଆହୁରି ବି ଚର୍ଚ୍ଚା ହେଉଥିଲା କି ଏହି ସିଜିନ୍‌ଙ୍କ ଧୋନୀଙ୍କର ଶେଷ ସିଜିନ ହୋଇପାରେ । କିନ୍ତୁ ଧୋନୀ ଏନେଇ କୌଣସି ସଂକେତ ଦେଇନଥିଲେ ।