ଢେଙ୍କାନାଳ: ଖେଳ ଓ ଖେଳାଳିଙ୍କୁ ପ୍ରୋତ୍ସାହିତ କରିବାକୁ ଯାଇ କେନ୍ଦ୍ର ସରକାରଙ୍କ ପକ୍ଷରୁ ଖେଲୋ ଇଣ୍ଡିଆ ମାଧ୍ୟମରେ  ଜାତୀୟ ସ୍ତରୀୟ ପ୍ରତିଯୋଗିତା ଚାଲୁରହିଛି। ତେବେ ମଧ୍ୟ ପ୍ରଦେଶର ଭୋପାଳ ଠାରେ ଏହି  ଖେଲୋ ଇଣ୍ଡିଆରେ ଖୋ ଖୋ ଖେଳ ପାଇଁ ଅଂଶ ଗ୍ରହଣ କରି ସର୍ବ ଭାରତୀୟ ସ୍ତରରେ ଓଡିଶା ଖୋଖ ଟିମ ତୃତୀୟ ସ୍ଥାନ ହାସଲ କରି ବ୍ରୋଞ୍ଜ ପଦକ ଅକ୍ତିଆର କରି ଓଡିଶା ପାଇଁ ଗୌରବ ଆଣିଛନ୍ତି ।

ତେବେ ଓଡିଶା ଖୋଖୋ ଦଳରେ ସାମିଲ ହୋଇଥିବା ଢେଙ୍କାନାଳ ଜିଲ୍ଲାର  ୩ଜଣ ଖୋଖୋ ଖେଳାଳି ନିଜର ଦକ୍ଷତା ଦେଖାଇ ବେଶ କୃତିତ୍ୱ ହାସଲ କରିଛନ୍ତି । ଢେଙ୍କାନାଳ ଜିଲ୍ଲାରେ ସତ୍ୟ ରଞ୍ଜନ ସ୍ପୋର୍ସ ଏକାଡେମୀର ଖୋଖୋ କୋଚ୍ ରଂଜନ ସାହୁଙ୍କ ତତ୍ୱବାଧାନରେ ପ୍ରଶିକ୍ଷଣ ନେଉଥିବା କାଣ୍ଡବିନ୍ଧା ଗ୍ରାମର ଆଶୁତୋଷ ସାହୁ, ମୁନା ବେହେରା ଓ ସୌମ୍ୟ ରଞ୍ଜନ ବାରିକ ନାମକ ଏହି ତିନି ଖୋଖୋ  ଖେଳାଳିଙ୍କ ଦମଦାର ଖେଳ  ଓଡିଶାକୁ ଏହି ସଫଳତା ଆଣିବା ଦିଗରେ ପ୍ରମୁଖ ଭୂମିକା ନେଇଥିଲେ ବୋଲି ଜଣାପଡିଛି।

ଢେଙ୍କାନାଲ ଜିଲ୍ଲା ପ୍ରଶାସନ ପକ୍ଷରୁ ମଙ୍ଗଳବାର ଏହି ତିନି ଖେଳାଳିଙ୍କୁ ଜିଲା କର୍ଯ୍ୟାଳୟ ଠାରେ ସମ୍ବର୍ଦ୍ଧିତ କରାଯାଇଛି । ଏହି ଅବସରରେ ଜିଲ୍ଲାପାଳ ସରୋଜ ସେଠି, ଜିଲ୍ଲା କ୍ରୀଡା ସଂଘ ସମ୍ପାଦକ ନଳିନୀ କାନ୍ତ ଦାସ ଓ ଜିଲ୍ଲା କ୍ରୀଡା ଆଧିକାରୀ ପ୍ରଦୀପ ମହାନ୍ତି  ପ୍ରମୁଖ ଏହି ତିନି ଖେଳାଳି , କୋଚ୍ ରଞ୍ଜନ ସାହୁ ଓ ସତ୍ୟ ରଞ୍ଜନ ସ୍ପୋର୍ସ ଏକାଡେମୀର ସଭାପତି ସତ୍ୟରଞ୍ଜନ ପାତ୍ରଙ୍କ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧନା ଦେଇଥିଲେ ।