ଆଙ୍କର: କୁମାର ପୂର୍ଣ୍ଣମୀରୁ ଆରମ୍ଭ ହୋଇଥିବା ଢେଙ୍କାନାଳର ପ୍ରସିଦ୍ଧ ଗଜଲଷ୍ମୀ ପୂଜାର ଆଜି ଅଷ୍ଟମ ଦିବସ । ଆସନ୍ତା ୮ତାରିଖରେ ମା'ଙ୍କ ଭସାଣି ଉତ୍ସବ । ଆଉ ମାତ୍ର ୩ଦିନ ରହିଥିବାରୁ ପୂଜା ପେଣ୍ଡାଲଗୁଡିକରେ ଦର୍ଶକଙ୍କ ସଂଖ୍ୟା ବଢିପାରେ ଲାଗିଛି । ପୂଜା ବଜାରରେ ମନ ମୋହୁଛି ରଙ୍ଗୀନ ଆଲୋକ ମାଳା ଓ ସୁଉଚ୍ଚ ତୋରଣ । ଚଳିତ ଥର ଗଣେଶ ବଜାର ଲଷ୍ମୀପୂଜା ପ୍ରତିଷ୍ଠା ତାର ୭୫ ବର୍ଷ ଅବସରରେ ହୀରକ ଜୟନ୍ତୀ ପାଳନ କରୁଛି । ଆଜି ସମାରୋହରେ କେନ୍ଦ୍ର ଶିକ୍ଷା, ଦକ୍ଷତା ବିକାଶ ଓ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମୁଖ୍ୟ ଅତିଥି ଭାବେ ଯୋଗ ଦେଇଛନ୍ତି ।

{"id":865925,"sizeSlug":"full","linkDestination":"none"}

ଗଡଜାତ ଆନ୍ଦୋଳନ ହେଉ ବା ସ୍ଵାଧୀନତା ସଂଗ୍ରାମରେ ସର୍ବ କନିଷ୍ଠ ବାଜି ରାଉତ ଆବ ସଂସ୍କୃତି ସାହିତ୍ୟ ଆଦି କ୍ଷେତ୍ରରେ ସ୍ୱତନ୍ତ୍ର ସ୍ଥାନ ନେଇଛି ଢେଙ୍କାନାଲ ଜିଲ୍ଲା । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଆମ ଦେଶ ବିଶ୍ୱ ଅର୍ଥନୀତିରେ ୫ମ ସ୍ଥାନ ନେଇପାରିଛି । ଏଥିରେ ଢେଙ୍କାନାଳର ଭୂମିକା ରହିଛି । ଜିଲ୍ଲାର ଉତ୍ପଦିତ ସାମଗ୍ରୀର ବିପଣନ ସୃଷ୍ଟି କରି ସାଧାରଣ ଲୋକଙ୍କର  ଆର୍ଥିକ ବିକାଶ ସୃଷ୍ଟି କରିବାରେ ସହାୟକ ହେବ ବୋଲି କେନ୍ଦ୍ରମନ୍ତ୍ରୀ ଏହି ଅବସରରେ କହିଥିଲେ । ଶେଷରେ ଲଷ୍ମୀପୂଜା ଅବସରରେ ଢେଙ୍କାନାଶ ତଥା ଢେଙ୍କାନାଳକୁ ଆସୁଥିବା ଶ୍ରଦ୍ଧାଳୁ ଓ ଦର୍ଶକଙ୍କୁ ଶୁଭେଚ୍ଛା ଜଣାଇ ଥିଲେ ।

Also Read: ତିନିଦିନିଆ ୟୁଏଇ ଗସ୍ତ ସାରି ଫେରିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଦକ୍ଷତା ତାଲିମ ସହ ବିଦେଶରେ ନିଯୁକ୍ତି ଦେବା ପାଇଁ ଚୁକ୍ତି ସ୍ୱାକ୍ଷର