ମୁମ୍ବାଇ ୨୮।୦୨: ହିନ୍ଦୀ ସିନେମାର କିମ୍ବଦନ୍ତୀ ଅଭିନେତା ଧର୍ମେନ୍ଦ୍ର । ସେ ଉଭୟ ବ୍ୟକ୍ତିଗତ ଏବଂ ବୃତ୍ତିଗତ ଜୀବନ ପାଇଁ ବେଶ୍ ଚର୍ଚ୍ଚାରେ ରହଥାନ୍ତି । ବଲିଉଡକୁ ୧୦୦ରୁ ଅଧିକ ହିଟ୍ ଫିଲ୍ମ ଦେଇଥିବା ଧର୍ମେନ୍ଦ୍ରଙ୍କର ଅନେକ ଫ୍ୟାନ୍ ଫଲୋଅର୍ସ ରହିଛନ୍ତି । ଏହି ରୋମାଣ୍ଟିକ ହିରୋ ୨ଟି ବିବାହ କରିଥିବା ବେଳେ ତାଙ୍କର ୬ ସନ୍ତାନ ରହିଛନ୍ତି । କିନ୍ତୁ ପ୍ରାୟ କମ୍ ଫ୍ୟାନ୍ସଙ୍କୁ ଜଣା ଏହି ଅଭିନେତାଙ୍କ ପିଲାମାନେ ନିଜ ଜୀବନରେ କଣ କରନ୍ତି । କିଛି ସନ୍ତାନ ବଡ ପରଦାରେ ନଜର ଆସି ସାରିଥିବା ବେଳେ ଅନ୍ୟମାନେ କଣ କରନ୍ତି ଆସନ୍ତୁ ଜାଣିବା...
ଧର୍ମେନ୍ଦ୍ରଙ୍କର ୬ ସନ୍ତାନ । ଏମାନଙ୍କ ମଧ୍ୟରୁ ବଡ଼ ପରଦାରେ ଇଶା, ଶନି ଏବଂ ବବି ଦେଓଲଙ୍କୁ ଦେଖିବାକୁ ମିଳିସାରିଛି । କିନ୍ତୁ ଅନ୍ୟମାନେ ପ୍ରାୟ ଲାଇମଲାଇଟରୁ ଦୂରେଇ ରହିଥାନ୍ତି । ଧର୍ମେନ୍ଦ୍ରଙ୍କର ପ୍ରଥମ ବିବାହ ମାତ୍ର ୧୯ ବର୍ଷ ବୟସରେ ହୋଇଥିଲା । ସେତେବେଳେ ସେ ପ୍ରକାଶ କୌରଙ୍କୁ ବିବାହ କରିଥିଲେ । ଧର୍ମେନ୍ଦ୍ର ଏବଂ ପ୍ରକାଶଙ୍କର ୪ଟି ସନ୍ତାନ ଥିଲେ । ଅଜୟ ସିଂ (ସନ୍ନି ଦେଓଲ), ବିଜୟ ସିଂ (ବବି ଦେଓଲ), ବିଜେତା ଏବଂ ଅଜେତା ଦେଓଲ । ଏହାପରେ ଧର୍ମେନ୍ଦ୍ର ୧୯୮୦ରେ ଦ୍ୱିତୀୟ ଥର ପାଇଁ ହେମା ମାଳିନୀଙ୍କୁ ବିବାହ କରିଥିଲେ । ହେମା ଏବଂ ଧର୍ମେନ୍ଦ୍ରଙ୍କର ୨ଟି ଝିଅ ରହିଛନ୍ତି । ସେମାନେ ହେଲେ ଇଶା ଏବଂ ଅହାନା ଦେଓଲ ।
ଆସନ୍ତୁ ଜାଣିବା ଧର୍ମେନ୍ଦ୍ରଙ୍କ ପିଲାମାନେ କ’ଣ କାମ କରନ୍ତି ?
ବଲିଉଡ ଅଭିନେତା ଧର୍ମେନ୍ଦ୍ରଙ୍କର ବଡ ପୁଅ ସନ୍ନି ଦେଓଲ ଜଣେ ବଲିଉଡ ଅଭିନେତା ହେବା ସହ ଜଣେ ରାଜନେତା ମଧ୍ୟ । ତାଙ୍କ ସାନ ପୁଅ ବବି ଦେଓଲ ମଧ୍ୟ ଅଭିନୟରେ ନିଜର ନାଁ କରିଛନ୍ତି । କିନ୍ତୁ ଧର୍ମେନ୍ଦ୍ର ଏବଂ ପ୍ରକାଶ କୌରଙ୍କ ୨ ଝିଅ ବିଜେତା ଏବଂ ଅଜେତା ଲାଇମଲାଇଟ୍ ଠାରୁ ଦୂରରେ ରହିବାକୁ ପସନ୍ଦ କରନ୍ତି । ସୂଚନା ଅନୁଯାୟୀ, ଉଭୟ ବିବାହିତ । ବିବାହ ପରେ ଅଜେତା କାଲିଫର୍ଣ୍ଣିଆରେ ସେଟେଲ୍ ହୋଇଯାଇଥିବା ବେଳେ ବିଜେତାଙ୍କର ଏକ ପ୍ରଡକ୍ସନ୍ ହାଉସ୍ ରହିଛି । ଯାହାର ନାମ ବିଜେତା ପ୍ରଡକ୍ସନ୍ ହାଉସ୍ ମଧ୍ୟ ରହିଛି । ଏଣ୍ଟରଟେନମେଣ୍ଟ ଖବର ଅନୁଯାୟୀ ବିଜେତା ମଧ୍ୟ ଆମେରିକାରେ ରୁହନ୍ତି ।
ସେହିପରି ଧର୍ମେନ୍ଦ୍ର ଏବଂ ହେମା ମାଳିନୀଙ୍କ ଝିଅ ଇଶା ନିଜ ମାତା-ପିତାଙ୍କ ଭଳି ଫିଲ୍ମ ଇଣ୍ଡଷ୍ଟ୍ରି ସହ ଯୋଡି ହୋଇ ରହିଛନ୍ତି । ଇଶା ବିଜନେସମ୍ୟାନ୍ ଭରତ ତାଖତାନୀଙ୍କୁ ବିବାହ କରିଛନ୍ତି । ସେହିପରି ହେମାଙ୍କ ସାନ ଝିଅ ଅହାନା ଦେଓଲ ଜଣେ ଶାସ୍ତ୍ରୀୟ ନୃତ୍ୟଶିଳ୍ପୀ ଅଟନ୍ତି । ସେ ମଧ୍ୟ ବିଜନେସମ୍ୟାନ୍ ବୈଭବ କୁମାରଙ୍କୁ ବିବାହ କରିଛନ୍ତି ।
