ଓଡ଼ିଶା ବିନା ଷ୍ଟିଲ୍ ଇଣ୍ତଷ୍ଟ୍ରିର କଳ୍ପନା କରାଯାଇପାରିବ ନାହିଁ । ଆଗକୁ ଏହି ଧାରା ଆହୁରି ବଢିବ । ଓଡିଶା ହେବ ଷ୍ଟିଲ ହବ । ଏହା କହିଛନ୍ତି କେନ୍ଦ୍ର ଇସ୍ପାତ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସେହିପରି ରାଜ୍ୟରେ ଲଘୁ ଓ କୁଟୀର ଶିଳ୍ପର ପୁର୍ନଉଦ୍ଧାର କରାଯିବ ବୋଲି ବିଭାଗୀୟ ମନ୍ତ୍ରୀ ପ୍ରତାପ ଷଡଙ୍ଗୀ କହିଛନ୍ତି । କେନ୍ଦ୍ରରେ ମନ୍ତ୍ରୀ ଭାବେ ଦାୟୀତ୍ବ ନେବା ପରେ ଦୁଇ ମନ୍ତ୍ରୀ ଓଡିଶା ଫେରି ପୁରୀରେ ଜଗନ୍ନାଥଙ୍କ ଦର୍ଶନ କରିଛନ୍ତି । ଦୁଇ ମନ୍ତ୍ରୀଙ୍କୁ ଏୟାର ପୋର୍ଟରେ ବିପୁଳ ସ୍ବାଗତ କରାଯାଇଥିଲା । ଅପରାହ୍ନରେ ଭୁବନେଶ୍ବରେ ଦୁଇ କେନ୍ଦ୍ରମନ୍ତ୍ରୀଙ୍କ ସହ ଦଳର ନବ ନିର୍ବାଚିତ ବିଧାୟକ ଓ ସାଂସଦଙ୍କୁ ସ୍ବତନ୍ତ୍ର ସମ୍ବର୍ଦ୍ଧନା ଓଡ଼ିଶା ବିଜେପି ପକ୍ଷରୁ ଦିଆଯାଇଛି ।…
{"id":121079}![](https://www.prameyanews7.com/wp-content/uploads/2019/06/vlcsnap-0489-12-09-10h13m22s166.jpg)
ଓଡିଶା ହେବ ଷ୍ଟିଲ ହବ୍ । ରାଜ୍ୟ ସରକାରଙ୍କ ସହଯୋଗରେ ଓଡ଼ିଶା ଷ୍ଟିଲ୍ ଉତ୍ପାଦନର ପ୍ରମୁଖ କେନ୍ଦ୍ର ପାଲଟିବ । ଭାରତବର୍ଷରେ ଷ୍ଟିଲ୍ କ୍ଷେତ୍ରରେ ୬ ରୁ ୮ ପ୍ରତିଶତ ଗ୍ରୋଥ୍ ରେଟ ଥିବାବେଳେ ଏଥିରେ ଓଡିଶାର ଅବଦାନ ଯଥେଷ୍ଟ ରହିଛି । ଆଗକୁ ଏହି ଧାରା ଆହୁରୀ ବଢିବ । କେବଳ ଷ୍ଟିଲ ହବ ନୁହେଁ ଇସ୍ପାତ ଶିଳ୍ପ ସହ ଜଡିତ ଆନୁଷଙ୍ଗୀକ ଶିଳ୍ପ କ୍ଷେତ୍ରରେ ରାଜ୍ୟରେ ବିକାଶ କରାଯିବ । କେନ୍ଦ୍ରମନ୍ତ୍ରୀ ଭାବେ ଦାୟିତ୍ବ ନେଇ ଓଡିଶା ଫେରିବା ପରେ ଜଗନ୍ନାଥଙ୍କ ଦର୍ଶନ କରି ଏହା କହିଛନ୍ତି କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ ବାଷ୍ପ ଏବଂ ଇସ୍ପାତ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।
{"id":121082}![](https://www.prameyanews7.com/wp-content/uploads/2019/06/4-10-1.jpg)
ଧର୍ମେନ୍ଦ୍ର ପ୍ରଧାନଙ୍କ ସହ କେନ୍ଦ୍ରମନ୍ତ୍ରୀ ଭାବେ ଦାୟୀତ୍ବ ନେଇଥିବା ପ୍ରତାପ ଷଡଙ୍ଗୀ ବି ଶ୍ରୀଜିୟୁଙ୍କୁ ଦର୍ଶନ କରିଥିଲେ । ଶ୍ରୀମନ୍ଦିରରେ ମହାପ୍ରଭୁଙ୍କ ଦର୍ଶନ ପରେ ଦୁଇ କେନ୍ଦ୍ରମନ୍ତ୍ରୀ ସ୍ବତନ୍ତ୍ର ସର୍କିଟ ହାଉସରେ ବାତ୍ୟା ଫୋନିର କ୍ଷୟକ୍ଷତି ନେଇ ସମୀକ୍ଷା କରିଥିଲେ । ମୋଦିଙ୍କ ଦ୍ବିତୀୟ ପାଳିର ସରକାରରେ ସ୍ଥାନ ପାଇଥିବା ଦୁଇ ମନ୍ତ୍ରୀ କହିଛନ୍ତି ମନ, ପ୍ରାଣ ଦେଇ ଦେଶବାସୀଙ୍କ ଆକାଂକ୍ଷା ପୂରଣ କରିବା ଦିଗରେ କାର୍ଯ୍ୟ କରିବେ ।
{"id":121080}![](https://www.prameyanews7.com/wp-content/uploads/2019/06/vlcsnap-4649-04-22-00h18m18s073.jpg)
ଦୁଇ କେନ୍ଦ୍ରମନ୍ତ୍ରୀଙ୍କୁ ପାରମ୍ପରିକ ନୃତ୍ୟ ଓ ବାଦ୍ୟ ସହ ସ୍ବାଗତ କରିଥିଲେ ଦଳର ଶତାଧିକ ନେତା ଓ କର୍ମୀ । ଆଉ ଏ ହେଉଛି ଅପରାହ୍ନରେ ଭୁବନେଶ୍ବର ପ୍ରଦର୍ଶନୀ ପଡିଆରେ ଆୟୋଜିତ ହୋଇଥିବା ବିଜେପିର ସମ୍ବର୍ଦ୍ଧନା ସଭା । ଏହି ସଭାରେ ଦୁଇ କେନ୍ଦ୍ରମନ୍ତ୍ରୀଙ୍କ ସହ ଦଳର ନବନିର୍ବାଚିତ ସାଂସଦ ଓ ବିଧାୟକଙ୍କୁ ସମ୍ବର୍ଦ୍ଧନା ଦିଆଯାଇଥିଲା । ଏଥିରେ ରାଜ୍ୟ ପ୍ରଭାରୀ, ରାଜ୍ୟ ସଭାପତି ଓ ବରିଷ୍ଠ ନେତା ମାନେ ଉପସ୍ଥିତ ଥିଲେ ।
{"id":121081}![](https://www.prameyanews7.com/wp-content/uploads/2019/06/vlcsnap-5432-08-21-00h28m42s613.jpg)
ବିଜେଡି ସୁପ୍ରିମୋ ନବୀନ ପଟ୍ଟନାୟକ ମୁଖ୍ୟମନ୍ତ୍ରୀ ଭାବେ ଶପଥ ନେବା ଲାଗି ଯେଉଁଠି ଉତ୍ସବ ଆୟୋଜନ ହୋଇଥିଲା ଆଜି ବିଜେପି ସେଇଠି ନିଜର ନେତା ଓ କର୍ମୀଙ୍କୁ ନେଇ ସ୍ବାଗତ କାର୍ଯ୍ୟକ୍ରମ ଆୟୋଜନ କରି ଆରମ୍ଭରୁ ଶକ୍ତି ପ୍ରଦର୍ଶନ କରିଛି।