scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଠକି ଦେଲା ଧରମ ଭାଇ : ମନ୍ଦିରରେ ସୂତା ବାନ୍ଧି କରିଥିଲା ଭଉଣୀ, ଟଙ୍କା ଭର୍ତ୍ତି ବ୍ୟାଗ୍ ଧରି ଚମ୍ପଟ ମାରିଲା

23/02/2021 at 11:13 AM

ଭୁବନେଶ୍ୱର,୨୩/୦୨: ଧରମ ଭଉଣୀକୁ ଚକମା ଦେଖାଇଲା ଧରମ ଭାଇ । ଲୁଟି ନେଲା ୩୦ ହଜାର ଟଙ୍କା । ମନ୍ଦିରରେ ମିଠା ଖୁଆଇ ହାତରେ ସୁତୁଲି ବାନ୍ଧି ଧରମ ଭଉଣୀ କରିଥିଲା । କିନ୍ତୁ ୨ ଲକ୍ଷ ଟଙ୍କାର ଲୋଭ ଦେଖାଇ ୩୦ ହଜାର ଟଙ୍କା ନେଇ ଚମ୍ପଟ ମାରିଥିଲା ଧରମ ଭାଇ । ଶେଷରେ ପୋଲିସ ହାତରେ ଧରାପଡ଼ିଲା । ଗିରଫ ଯୁବକ ହେଲେ ବସନ୍ତ କୁମାର ସ୍ୱାଇଁ । ତାଙ୍କ ଘର ପୁରୀ ଜିଲ୍ଲା ନିମାପଡ଼ା ଥାନା ଅନ୍ତର୍ଗତ ଓଳିକଣା ବୋଲି ଜଣାପଡିଛି । ଖାରବେଳନଗର ଥାନା ପୋଲିସ ବସନ୍ତଙ୍କ ଠାରୁ ୩୦ ହଜାର ଟଙ୍କା ଓ ଏକ ସ୍କୁଟି ଜବତ କରିଛି ।

ସୂଚନା ଅନୁଯାୟୀ,ସହିଦନଗର ବିଶ୍ୱେଶ୍ୱର ବସ୍ତିରେ ରହୁଛନ୍ତି ଲଳିତା ମୁଣ୍ଡା । ବସନ୍ତ ତାଙ୍କ ମୋବାଇଲ ଫୋନ୍‌କୁ ବାରମ୍ବାର ଫୋନ୍‌ କରି ମୁଁ ତୁମର ଧରମ ଭାଇ ବୋଲି ପରିଚୟ ଦେଲା । ଏଭଳି ବାରମ୍ବାର ଫୋନ୍‌ କରି ଲଳିତାଙ୍କୁ ସେ ଫସାଇବାରେ ସକ୍ଷମ ହୋଇଥିଲା । ଲଳିତାଙ୍କର ଆର୍ଥିକ ସମସ୍ୟା ଥିଲା । ତେଣୁ ସେ ବସନ୍ତଙ୍କୁ ଜଣାଇବା ସହ ତାଙ୍କୁ ୩ ଲକ୍ଷ ଟଙ୍କା ମାଗିଥିଲେ । ବସନ୍ତ ତାଙ୍କୁ ୨ ଲକ୍ଷ ଟଙ୍କା ଦେବାର ପ୍ରତିଶ୍ରୁତି ଦେଇଥିଲେ । ବସନ୍ତଙ୍କ ଗତ ୧୦ ତାରିଖରେ ଲଳିତାଙ୍କୁ ରାମ ମନ୍ଦିରକୁ ଡ଼କାଇଥିଲେ । ସେଠାରେ ଲଳିତା ତାଙ୍କ ଭଉଣୀଙ୍କ ସହ ଦିନ ୧୧ଟାବେଳେ ପହଞ୍ଚିବା ପରେ ବସନ୍ତ ତାଙ୍କ ହାତରେ ସୂତା ବାନ୍ଧି ଧରମ ଭଉଣୀ କରିଥିଲେ । ତାଙ୍କ ଆକାଉଣ୍ଟ୍‌ ବଡ଼ଗଡ଼ରେ ଏକ ବ୍ୟାଙ୍କରେ ଥିବା କହି ଲଳିତା ଓ ତାଙ୍କ ଭଉଣୀଙ୍କୁ ସ୍କୁଟିରେ ବସାଇଥିଲେ ।

ଲଳିତାଙ୍କ ଭ୍ୟାନିଟିକୁ ନେଇ ସେ ସ୍କୁଟି ହ୍ୟାଣ୍ଡେଲରେ ଓହଳାଇଥିଲେ । ସେମାନଙ୍କୁ ନେଇ ସେ କଳ୍ପନା ଛକରେ ପହଞ୍ଚିଥିଲେ । ଏହି ସମୟରେ ଟ୍ରାଫିକ୍‌ ରେଡ୍‌ ସିଗନାଲ ଦେଇଥିଲା । ଆଗରେ ଟ୍ରାଫିକ୍‌ ଚେକିଂ ଚାଲିଛି କହି ଲଳିତା ଓ ତାଙ୍କ ଭଉଣୀଙ୍କୁ ଚାଲି ଚାଲି ରାସ୍ତା ପାର ହେବାକୁ କହିଥିଲେ । ଲଳିତା ଓ ତାଙ୍କ ଭଉଣୀ ଚାଲି ଚାଲି ଯାଉଥିଲାବେଳେ ଟ୍ରାଫିକ୍‌ ଗ୍ରୀନ୍‌ ସିଗ୍‌ନାଲ ଦେଇଥିଲା । ଏତିକିବେଳେ ବସନ୍ତ ଭ୍ୟାନିଟି ବ୍ୟାଗ୍‌ ସହ ଦ୍ରୁତଗତିରେ ସେଠାରୁ ଚମ୍ପଟ ମାରିଥିଲା ।

ତେବେ ଭ୍ୟାନିଟିରେ ଲଳିତାଙ୍କର ୩୦ ହଜାର ଟଙ୍କା, ଏଟିଏମ୍‌ ଓ ବ୍ୟାଙ୍କ୍‌ ପାସ୍‌ବୁକ୍‌ ଥିଲା । କିଛି ସମୟ ଅପେକ୍ଷା କରିବା ପରେ ଲଳିତା ଧରମ ଭାଇ ବସନ୍ତଙ୍କ ମୋବାଇଲ ଫୋନ୍‌କୁ କଲ୍‌ କରିଥିଲେ । ହେଲେ ମୋବାଇଲ ସୁଇଚ୍‌ଅଫ୍‌ ଥିଲା । ଠକାମିର ଶିକାର ହୋଇଥିବା ଜାଣି ଲଳିତା ଏନେଇ ଖାରବେଳନଗର ଥାନାରେ ଅଭିଯୋଗ କରିଥିଲେ । ସିସିଟିଭି ଫୁଟେଜ୍‌ ଓ ବସନ୍ତଙ୍କ ମୋବାଇଲ ନମ୍ବରକୁ ଟ୍ରାକିଂ କରି ତାଙ୍କୁ ଗିରଫ କରିବା ସହ ୩୦ ହଜାର ଟଙ୍କା ଓ ଏକ ସ୍କୁଟି ଜବତ କରିଥିଲା ପୋଲିସ ।

   Related Posts