ଧାମନଗର, ୧୪|୦୮ :  ଭଦ୍ରକ ଜିଲ୍ଲାରେ ଦିନକୁ ଦିନ କରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି । ଏହାକୁ ନଜରରେ ରଖି ପ୍ରଶାସନ ତରଫରୁ  ଧାମନଗର ବିଜ୍ଞାପିତ ଅଞ୍ଚଳ ପରିଷଦରେ କଟକଣାକୁ ବୃଦ୍ଧି କରାଯାଇଛି ।

କଟକଣା ଅନୁସାରେ, ଏବେ ଧାମନଗର ଏନଏସିରେ ଦିନ ୨ଟା ପର୍ଯ୍ୟନ୍ତ ଦୋକାନ ବଜାର ଖୋଲା ରହିବ । ୩ଟା ପରେ ସର୍ବସାଧାରଣଙ୍କ ଯାତାୟାତ ଉପରେ କଟକଣା ଲାଗୁ କରାଯାଇଛି । ଏହି କଟକଣା ଅଗଷ୍ଟ ମାସ ୩୧ ତାରିଖ ପର୍ଯ୍ୟନ୍ତ ବଳବତ୍ତର ରହିବ ।

ସୂଚନାଯୋଗ୍ୟ,  ଜିଲ୍ଲାରେ ଶୁକ୍ରବାର ଚିହ୍ନଟ ୧୧୮ ସଂକ୍ରମିତଙ୍କ ମଧ୍ୟରୁ ଧାମନଗର ବ୍ଲକରୁ ୧୧ ଜଣ ଆକ୍ରାନ୍ତ ରହିଛନ୍ତି ।