scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ବିପଦ ସଙ୍କେତ ଉପରେ ଦେବୀ, ଦୟା ଓ ରାଜୁଆ ନଦୀ, ସ୍ଥିତି ପରଖିଲେ ପୁରୀ ଜିଲ୍ଲାପାଳ

15/08/2022 at 5:10 PM

ନିମାପଡ଼ା/କାକଟପୁର, ୧୫/୦୮: ବିପଦ ସଂକେତର ପାଖାପାଖି ହୋଇଛି ଦୟା ଓ ରାଜୁଆ ନଦୀର ଜଳସ୍ତର । ବନ୍ଧ ଉପରେ ପ୍ରବାହିତ ହେଉଛି ବନ୍ୟା ଜଳ । ଯାହାକୁ ନେଇ ସ୍ଥାନୀୟ ବାସିନ୍ଦା ଭୟଭୀତ ହୋଇଥିବା ଦେଖିବାକୁ ମିଳିଛି । ଦୟା ଓ ରାଜୁଆ ନଦୀ ତଟବର୍ତ୍ତି ଅଞ୍ଚଳର ୫୭ ଗୋଟି ପଞ୍ଚାୟତର ୨୫ରୁ ଅଧିକ ଗାଁ ଏବେ ବନ୍ୟା ଆଶଙ୍କାରେ ରହିଛି ।

ବଡ଼ସ, ଦୋକନ୍ଦା, ନାନକେରା, ଗଡ଼ବଳଭଦ୍ରପୁର, କୋଠତୋଟା ଆଦି ପଞ୍ଚାୟତର ୨୫ଟି ଗାଁର ଲୋକେ ଏବେ ସମ୍ଭାବ୍ୟ ବନ୍ୟା ଆଶଙ୍କାରେ ରହିଛନ୍ତି । ଦୟା ଓ ରାଜୁଆର ଦୁର୍ବଳ ନଦୀବନ୍ଧ ଯୋଗୁଁ ସ୍ଥାନୀୟ ଲୋକେ ଭୟଭୀତ ଭିତରେ ରହିଥିଲେ ମଧ୍ୟ ଗ୍ରାମବାସୀଙ୍କ ପକ୍ଷରୁ ସଜାଗ ରହିଥିବା ସୁଚନା ମିଳିଛି । ଏଭଳି ସ୍ଥିତିରେ ପୁରୀ ଜିଲ୍ଲାପାଳ ଦୁର୍ବଳ ସ୍ଥାନ ପରିଦର୍ଶନ କରିଥିବା ବେଳେ ସ୍ଥାନୀୟ ବିଧାୟକ ମଧ୍ୟ ପରିଦର୍ଶନ କରି ଉଦବେଗ ପ୍ରକାଶ କରିଛନ୍ତି । ପୁର୍ବରୁ ନଦୀବନ୍ଧ ନିର୍ମାଣ କାର୍ଯ୍ୟ ଅତି ନିମ୍ନମାନର ହୋଇଥିବା ଯୋଗୁଁ ସ୍ଥାନୀୟ ବାସିନ୍ଦାମାନେ ବିଭାଗକୁ ଅଙ୍ଗୁଳି ନିର୍ଦ୍ଦେଶ କରିଛନ୍ତି । ସ୍ଥିତି ଉପରେ ପୁରା ନଜର ରଖିବା ସହିତ ପ୍ରଶାସନ ସବୁ ପ୍ରକାର ପ୍ରସ୍ତୁତ କରିଥିବା ଜିଲ୍ଲାପାଳ କହିଛନ୍ତି ।

ଅନ୍ୟପଟେ ଦେବୀନଦୀରେ ବନ୍ୟାଜଳ ବିପଦ ସଙ୍କେତ ଉପରେ ଚାଲୁଛି । ଦେବୀ ନଦୀରେ ୪.୯୮ମିଟର ହେଉଛି ବିପଦ ସଙ୍କେତ । ଏବେ ଦେବୀ ନଦୀର ବାଉରିଆକଣ ଠାରେ ୫.୧୦ମିଟର ଉପରେ ବନ୍ୟାଜଳ ଚାଲୁଥିବା ଦେଖିବାକୁ ମିଳିଛି ।

   Related Posts