ମୁମ୍ୱାଇ ୨୪/୦୩: ଦିନକୁ ଦିନ ରୋଚକ ମୋଡ ନେଉଛି ମହାରାଷ୍ଟ୍ର ରାଜନୀତି । ଏହାରି ଭିତରେ ନଜର ଆସିଛି ଆଶ୍ଚର୍ଯ୍ୟଚକିତ କଲା ଭଳି ଦୃଶ୍ୟ । ଗୋଟିଏ ଫ୍ରେମରେ ନଜର ଆସିଥିଲେ ମହାରାଷ୍ଟ୍ରର ଉପ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ ଓ ଶିବସେନାର ନେତା ଉଦ୍ଧବ ଠାକରେ ।

wp:html

#WATCH | Maharashtra Deputy CM Devendra Fadnavis and former CM Uddhav Thackeray were seen having a conversation on their way to Vidhan Sabha today. pic.twitter.com/NXrTs2jJag

— ANI (@ANI) March 23, 2023

/wp:html

ତେବେ ସବୁଠୁ ଚମକାଇଦେବା ଭଳି ଘଟଣା ହେଉଛି ଭେଟ ହେବା ପରେ ସେମାନେ ପରସ୍ପରକୁ ଦେଖି ସ୍ମିତ ହାସ୍ୟ ଦେବା ସହ କଥା ବି ହୋଇଥିଲେ। ଉଭୟ ନେତା ବିଧାନସଭାକୁ ଆସୁଥିବା ବେଳେ ନଜର ଆସିଥିଲା ଏମିତି ଦୃଶ୍ୟ । ଦଳୀୟ ସ୍ତରରେ ଉଭୟ ନେତା ପରସ୍ପରକୁ ସମାଲୋଚନା କରୁଥିବା ବେଳେ କ୍ୟାମେରା ସାମ୍ନାରେ ଅତି ସ୍ୱଭାବିକ ଢଙ୍ଗରେ ନଜର ଆସିଥିଲେ । ଏମିତିକି ସ୍ୱାଭାବିକ ଢଙ୍ଗରେ କଥା ବି ହୋଇଥିଲେ ।

ସୂଚନା ଥାଉକି, ମହାରାଷ୍ଟ୍ର ବିଦ୍ୟା ଭବନରେ ମାର୍ଚ୍ଚ ୨୩ରେ ଥିଲା ବୈଠକ । ଉଭୟ ନେତା ଏହି ବୈଠକରେ ଯୋଗଦେବାକୁ ଯାଉଥିଲେ । କିଛି ସମୟ ଆସିବେ ଉଭୟ ଉଭୟଙ୍କୁ ବାଟରେ ଭେଟିଥିଲେ । କିଛି ସମୟ ଚାଲିଚାଲି ଆସିବା ପରେ ଉଭୟ କଥାବାର୍ତ୍ତା ଆରମ୍ଭ କରିଥିଲେ । ଯାହାକି କ୍ୟାମେରାରେ କଏଦ ହୋଇଥିଲା । ୨୦୧୯ ମହାରାଷ୍ଟ୍ର ବିଧାନସଭା ନିର୍ବାଚନ ପରେ ଶିବସେନା ମୁଖ୍ୟମନ୍ତ୍ରୀ ଆସନକୁ ନେଇ ସୃଷ୍ଟି ହୋଇଥିବା ତିକ୍ତତା ଯୋଗୁ ବିଜେପି ହାତ ଛାଡ଼ି ଦେଇଥିଲା । ସେବେଠାରୁ ଫଡନାଭିସ ନିୟମିତ ଭାବେ ଶିବସେନା ଓ ଉଦ୍ଧବ ଠାକରେଙ୍କୁ ସମାଲୋଚନା କରି ଆସୁଛନ୍ତି ।