ଖୋର୍ଦ୍ଧା ୧୩।୦୭: ଚାରିଆଡେ କରୋନା ଜନିତ ଲକ୍ଡାଉନ୍ ଜାରି ରହିଛି । ତେବେ ଏହି କରୋନା ଲକଡାଉନ ସମୟରେ ଚୋରା ଦେଶୀ ମଦ ବେପାରୀଙ୍କ ପ୍ରାଦୃର୍ଭାବ ବେଗୁନିଆ ଅଞ୍ଚଳରେ ବୃଦ୍ଧି ପାଇଥିବାର ଲାଗିଛି । ସେହିପରି ଦେଶୀ ମଦ ବେପାରୀଙ୍କ ଉପରେ କଡା ପଦକ୍ଷେପ ଗ୍ରହଣ କରୁଛି ବେଗୁନିଆ ପୋଲିସ ।
{"id":299713,"sizeSlug":"large"}ସୂଚନାଯୋଗ୍ୟ ଯେ, ବେଗୁନିଆ ଥାନା ଅନ୍ତର୍ଗତ ଏକଡାଳିଆ ହଡାବନ୍ଧ କାଜୁ ଜଙ୍ଗଲରେ ମଦ ରନ୍ଧା ହେଉଥିବା ପୋଲିସ ବିଶ୍ୱସ୍ତ ସୂତ୍ରରୁ ଖବର ପାଇଥିଲା , ଏବଂ ବେଗୁନିଆ ଥାନା ଅଧିକାରୀଙ୍କ ନେତୃତ୍ୱରେ ଜଙ୍ଗଲରେ ଚଢ଼ାଉ କରିଥିଲା । ପୋଲିସ ଚଢ଼ାଉ ଖବର ପାଇ ମଦ ବ୍ୟବସାୟୀ ମାନେ ଖସି ଯାଇଥିବା ବେଳେ ଘଟଣାସ୍ଥଳରୁ ପୋଲିସ ଦେଢ଼ ହଜାର ଲିଟରରୁ ଅଧିକ ପୋଚ ଜବତ କରି ନଷ୍ଟ କରିବା ସହ ୩୦ ଲିଟର ଦେଶୀ ମଦ ଜବତ କରିଥିବା ଜଣାପଡ଼ିଛି । ସେହିଭଳି କିଛି ଦିନ ତଳେ ବେଗୁନିଆ ପୋଲିସ ପକ୍ଷରୁ କଣ୍ଟାବାଡ କାଜୁ ଜଙ୍ଗଲରେ ଚଢ଼ାଉ କରି ହଜାରେ ଲିଟର ପୋଚ ନଷ୍ଟ କରି ଜଣକୁ ଗିରଫ କରିଥିଲା ।