ନୂଆଦିଲ୍ଲୀ: ମିଆଁମାରର ନୋବେଲେ ପୁରସ୍କାର ବିଜେତା ଆଙ୍ଗ ସାନ ସୁଙ୍କୁ ସୋମବାର ୬ ବର୍ଷର ଅତିରିକ୍ତ ଦଣ୍ଡ ଶୁଣାଯାଇଛି । ପୂର୍ବରୁ ତାଙ୍କୁ ୪ ବର୍ଷର ଜେଲ ଦଣ୍ଡ ଦିଆଯାଇଥିଲା । ଏହି ନିର୍ଦ୍ଦେଶ ପରେ ୭୭ ବର୍ଷୀୟ ସୁ ସମର୍ଥିକଙ୍କ ମଧ୍ୟରେ ଅସନ୍ତୋଷ ବଢିପାରେ । ସୂଚନା ଅନୁସାରେ ଜେଲ ପରିସରରେ ଥିବା ଏକ କୋର୍ଟ ଏକ ଦାନ ମାମଲାରେ ତାଙ୍କୁ ଦୋଷୀ ସାବ୍ୟସ୍ତ କରିଛନ୍ତି ।
ମିଆଁମାରରେ ଶାସନ ପରିବର୍ତ୍ତନ ପରଠାରୁ ଚତୁର୍ଥ ଥର ସୁଙ୍କୁ ଦୋଷୀ ସାବ୍ୟସ୍ତ କରି ତାଙ୍କୁ ଦଣ୍ଡ ଶୁଣାଯାଇଛି । ମେଣ୍ଡଲ ଅଞ୍ଚଳର ହାଇକୋର୍ଟ ଜଜ ମିଣ୍ଟ ମାନ ଏହି ନିଷ୍ପତ୍ତି ଶୁଣାଇ କହିଛନ୍ତି, ସୁଙ୍କ ପାଇଁ ଦେଶକୁ ୧୩ ମିଲିୟନ ଡଲାରର କ୍ଷତି ହୋଇଛି । ଅଭିଯୋଗ ଅନୁସାରେ ଡା.ଖିନ ନାମକ ଏକ ଫାଉଣ୍ଡେସନର ହେଡକ୍ୱାଟର ନିର୍ମାଣ କରିବା ପାଇଁ ସେ ଯେଉଁ ଜମି ଅଧିଗ୍ରହଣ କରିଥିଲେ ତାହା କମ ମୂଲ୍ୟରେ ନେଇଥିଲେ । ଇଣ୍ଟରନାଲ ରେଭେନ୍ୟୁ ଡିପାର୍ଟମେଣ୍ଟ ଏହାର ମୂଲ୍ୟ ଅଧିକ ନିର୍ଦ୍ଧାରଣ କରିଥିଲା।
ଜୁଣ୍ଟାର ଅଭିଯୋଗ ରାଜଧାନୀରେ ନିଜ ଘର ନିର୍ମାଣରେ ଲୁ ଲୋକଙ୍କ ଦାନ ଅର୍ଥକୁ ଅପବ୍ୟବହାର କରିଛନ୍ତି । ସେହିପରି ବ୍ୟବସାୟୀଙ୍କ ଠାରୁ ସେ ଲାଞ୍ଚ ନେଇଥିବା ଅଭିଯୋଗ ହୋଇଛି। ଅନ୍ୟପଟେ ଜୁଣ୍ଟାର ଏହି ସମସ୍ତ ଅଭିଯୋଗକୁ ଖଣ୍ଡନ କରି ନିର୍ଦ୍ଦୋଷ ଥିବା ଲୁ କହିଥିଲେ।