scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

କରୋନା ଯୋଗୁ ଡେନମାର୍କ ହତ୍ୟା କରିବ ୧୭ ନିୟୁତ ମୂଷା, ଯୋଜନା ପ୍ରସ୍ତୁତ

6/11/2020 at 4:13 PM

କୋପେନହେଗେନ୍‌:  କରୋନା ଭାଇରସ ପ୍ରକୋପ ସାରା ବିଶ୍ୱରେ ଜାରି ରହିଛି। ବିଭିନ୍ନ ଦେଶ ଭୂତାଣୁ ନିୟନ୍ତ୍ରଣ ଲାଗି ନିଜନିଜ ଉପାୟ ଅବଲମ୍ବନ କରୁଛନ୍ତି। ଏଥିରେ ଡେନମାର୍କ ୧୭ ନିୟୁତ ମୂଷାଙ୍କୁ ମାରିବା ଲାଗି ଯୋଜନା ପ୍ରସ୍ତୁତ କରିଥିବା ଜଣାପ଼ଡିଛି। ପ୍ରାଣୀଙ୍କଠାରେ ହେଉଥିବା କରୋନା ଭାଇରସ ସଂକ୍ରମଣର ପରିବର୍ତ୍ତନକୁ ଦୃଷ୍ଟିରେ ରଖି ସରକାର ଏହି ପଦକ୍ଷେପ ନେବାକୁ ଯାଉଛନ୍ତି।

ପ୍ରସଙ୍ଗରେ ପ୍ରଧାନମନ୍ତ୍ରୀ ମେଟେ ଫ୍ରେଡରିକ୍‌ସେନ୍‌ ସ୍ୱାସ୍ଥ୍ୟ ଅଧିକାରୀଙ୍କ ତଥ୍ୟକୁ ଆଧାର କରି କହିଛନ୍ତି ଯେ ମଣିଷ ଠାରେ ସଂକ୍ରମଣ କରୁଥିବା କରୋନା ଭୂତାଣୁ ମୂଷାଙ୍କୁ ମଧ୍ୟ ସଂକ୍ରମିତ କରୁଛି। ଏପରି ମୂଷଙ୍କ ଠାରେ ମଣିଷ ଭଳି କରୋନା ଲକ୍ଷଣ ମଧ୍ୟ ଦେଖାଯାଉଛି। ଏଣୁ ଦେଶରେ ମୂଷାଙ୍କ ବଂଶ ନିପାତ ଲାଗି ସରକାର ବିଚାର କରୁଥିବା ପ୍ରଧାନମନ୍ତ୍ରୀ କହିଛନ୍ତି।

ଜନତାଙ୍କର ଦାୟିତ୍ୱ ଆମ ଉପରେ ନ୍ୟସ୍ତ। ସେହି ଅନୁସାରେ ଆମେ ଆମ ଲୋକଙ୍କ ପ୍ରାଣ ରକ୍ଷା ଲାଗି ପଦକ୍ଷେପ ନେଉଛୁ ବୋଲି ପ୍ରଧାନମନ୍ତ୍ରୀ କହିଛନ୍ତି । ଏଣୁ କରୋନା ଭୂତାଣୁରେ  ଦେଖାଯାଇଥିବା ପରିବର୍ତ୍ତନ ଏବେ ବାକି ଦୁନିଆ ଲାଗି ନୂଆ ଆହ୍ୱାନ ବୋଲି ସେ କହିଛନ୍ତି।  ମୂଷାଙ୍କଠାରେ ମିଳୁଥିବା କରୋନା ଭାଇରସ ଆଣ୍ଟବଡ଼ି ପ୍ରତି କମ୍‌ ସମ୍ବେଦନଶୀଳ ବୋଲି ବୈଜ୍ଞାନିକ କହିଛନ୍ତି ।

ଜେନେଭାରେ ଡବ୍ଲୁଏଚଓ ଅଧିକାରୀ ଗଣମାଧ୍ୟମକୁ ଦେଇଥିବା ସୂଚନାରେ ଡେନମାର୍କରେ ଲୋକଙ୍କୁ ମୂଷାଙ୍କଠାରୁ କରୋନା ବ୍ୟାପୁଥିବାର କହିଥିଲେ। ଏପରି ସଂକ୍ରମିତ ଲୋକଙ୍କଠାରେ ଭୂାତାଣୁଠାରେ ଆନୁବଂଶିକ ପରିବର୍ତ୍ତନ ଦେଖାଯାଇଛି। ଏଣୁ ସରକାର ମୂଷାମାରଣ ଅଭିଯାନ ହାତକୁ ନେବେ ବୋଲି ଜଣାପଡିଛି।  

   Related Posts