AKK 2023
MONGINIS 728X90
Hari omm 2
AKK2023
hari om films
WEB_F-8
MONGINIS 728X90
Showcase2022
HARI-OMM_728X90_B
WEB_F-9
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଫୁଲବାଣୀ: ଗୋଛାପଡା ପୋଲିସକୁ ସଫଳତା, କ୍ୱିଣ୍ଟାଲରୁ ଅଧିକ ଗଂଜେଇ ଜବତ
  • ||
  • ଭୁବନେଶ୍ୱର: ରାଜଧାନୀରେ କଙ୍ଗାରୁକୋର୍ଟ, ଯୁବତୀଙ୍କୁ ଖୁଣ୍ଟରେ ବାନ୍ଧି ମାଡ଼
  • ||
  • ପ୍ରକାଶ ପାଇଲା ଜେଇଇ (ମେନ୍‌) ସେସନ-୧ ରେଜଲ୍ଟ, ଓ୍ୱେବସାଇଟ୍‌ରେ ଦେଖିପାରିବେ ଛାତ୍ରଛାତ୍ରୀ
  • ||
  • ଫେବୃୟାରୀରେ ଅଧିକ ରହିବ ତାପମାତ୍ରା, ଜଳବାୟୁ ଶୁଷ୍କ ଥିବାରୁ ଜଙ୍ଗଲରେ ଲାଗୁଛି ନିଆଁ
  • ||

ଦିଲ୍ଲୀରେ ରେକର୍ଡ ହେଲା ଋତୁର ସର୍ବ ନିମ୍ନ ତାପମାତ୍ରା, ହାରାହାରି ଠାରୁ ୫ ଡିଗ୍ରି ସେଲସିୟସ୍‌ କମ୍‌

7/01/2023 at 6:51 PM

ନୂଆଦିଲ୍ଲୀ ୭।୧: ଦିଲ୍ଲୀରେ ଶନିବାର ସର୍ବନିମ୍ନ ତାପମାତ୍ରା ୨.୨ ଡିଗ୍ରି ସେଲସିୟସ୍ ରେକର୍ଡ ହୋଇଛି। ଯାହା ହାରାହାରି ତାପମାତ୍ରାଠାରୁ ୫ ଡିଗ୍ରି ସେଲସିୟସ୍‌ କମ୍ ହୋଇଥିବା ବେଳେ ଚଳିତ ଋତୁର ଏ ପର୍ଯ୍ୟନ୍ତ ସର୍ବନିମ୍ନ ତାପମାତ୍ରା ବୋଲି କୁହାଯାଇଛି। ଭାରତୀୟ ପାଣିପାଗ ବିଭାଗ (ଆଇଏମଡି) ଏହି ସୂଚନା ଦେଇଛନ୍ତି। ସେହିପରି ଘନ କୁହୁଡି ଯୋଗୁ ପାଲମରେ ଦୃଶ୍ୟତା (ଭିଜିବିଲିଟି) ୫୦ ମିଟରକୁ ଖସି ଆସିଛି।

ତାପମାତ୍ରା ହ୍ରାସ ସାଙ୍ଗକୁ ବହଳ କୁହୁଡି ସଡକ ଓ ରେଳ ଯାତାୟାତକୁ ପ୍ରଭାବିତ କରିଛି। ଶନିବାର ଇନ୍ଦିରାଗାନ୍ଧି ଅନ୍ତର୍ଜାତୀୟ ବିମାନ ବନ୍ଦର ନିକଟସ୍ଥ ପାଲାମ ଅବଜରଭେଟରୀରେ ପୂର୍ବାହ୍ନରେ ଭିଜିବିଲିଟି ମାତ୍ର ୨୫ ମିଟର ଥିଲା। ସେହିପରି ଶନିବାର କୁହୁଡି ଯୋଗୁ ୩୬ ଟ୍ରେନ୍ ୧ରୁ ୭ ଘଣ୍ଟା ବିଳମ୍ବରେ ଯାତ୍ରା କରୁଥିବାର ରେଳବାଇ ମୁଖପାତ୍ର କହିଛନ୍ତି। ଆଇଏମଡିଙ୍କ ଅନୁସାରେ ଯେତେବେଳେ ଭିଜିବିଲିଟି ଶୁନ୍ୟ ଓ ୫୦ ମିଟର ମଧ୍ୟରେ ରହିଯାଏ ସେତେବେଳେ କୁହୁଡି ବହଳ ହୋଇଯାଇଥାଏ।

ଦିଲ୍ଲୀ ପ୍ରାଥମିକ ପାଣିପାଗ କେନ୍ଦ୍ର ସଫଦରଜଙ୍ଗ ଶନିବାର ସର୍ବନିମ୍ନ ତାପମାତ୍ରା ୨.୨ ଡିଗ୍ରି ରେକର୍ଡ କରିଛି। ସେହିପରି ଲୋଧି ରୋଡ, ଆୟାନଗର ଓ ରିଜ ପାଣିପାଗ କେନ୍ଦ୍ରରେ ସର୍ବନିମ୍ନ ତାପମାତ୍ରା ଯଥାକ୍ରମେ ୩.୪ ଓ ୧.୫ ଡିଗ୍ରି ସେଲସିୟସ ରେକର୍ଡ କରାଯାଇଛି। ପାଣିପାଗ ବିଭାଗ ଦିନବେଳା ମୁଖ୍ୟତଃ ଆକାଶ ସଫା ରହିବା ଓ ମଧ୍ୟମରୁ ଘନ କୁହୁଡି ପୂର୍ବାନୁମାନ କରିଥିବା ବେଳେ ଥଣ୍ଡାସ୍ଥିତିର ଅନୁମାନ କରିଛନ୍ତି। ଦିନରେ ସର୍ବାଧିକ ତାପମାତ୍ରା ୧୬ ଡିଗ୍ରି ସେଲସିୟସ୍‌ ଆଖପାଖରେ ରହିପାରେ ବୋଲି ପୂର୍ବାନୁମାନ କରାଯାଇଛି।

   Related Posts