ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅର୍ଚ୍ଚନା ନାଗ ଗିରଫ ମାମଲା, ଇଡିରେ ହାଜର ହେଲେ ହୋଟେଲ ମାଲିକ
  • ||
  • ଟାଙ୍ଗୀ : ଅଧୁରା ରହିଗଲା ଜଗା ଦର୍ଶନ, ଦୁର୍ଘଟଣାରେ ଚାଲିଗଲା ୪ ଜୀବନ
  • ||

ପଞ୍ଜାବ ଫରିଦକୋଟ୍ ପ୍ରଦୀପ ସିଂହ ମର୍ଡର ମାମଲା, ୪ ସୁଟରଙ୍କୁ ଗିରଫ କଲା ପୋଲିସ, ହତ୍ୟାକାଣ୍ଡରେ ଖଲିସ୍ତାନୀ କନେକସନ୍

11/11/2022 at 2:10 PM

ଚଣ୍ଡିଗଡ଼: ପଞ୍ଜାବ ଫରିଦକୋଟ୍ ଡେରା ସଚ୍ଚା ସୌଦା ପ୍ରେମୀ ପ୍ରଦୀପ ସିଂହ ହତ୍ୟା ଘଟଣାରେ ପୋଲିସକୁ ସଫଳତା । ପଞ୍ଜାବ ଇଣ୍ଟେଲିଜେନ୍ସି ଓ ଦିଲ୍ଲୀ ପୋଲିସର ସ୍ବତନ୍ତ୍ର ସ୍କ୍ବାର୍ଡ ୪ଜଣ ସୁଟରଙ୍କୁ ଗିରଫ କରିଛି । ସମସ୍ତ ଅପରାଧି ଗୋଲ୍ଡି ବରାଡ଼ ଗ୍ୟାଙ୍ଗର ସୁଟର । ଏମାନେ ପ୍ରଦୀପ ସିଂହଙ୍କୁ ମାରିବା ପାଇଁ ପୂର୍ବରୁ ଯୋଜନା କରିଥିଲେ । ଦିଲ୍ଲୀ ପୋଲିସ ଧରିଥିବା ୪ ଅଭିଯୁକ୍ତଙ୍କ ମଧ୍ୟରୁ ଦୁଇ ଜଣ ହରିୟାଣା ଓ ଦୁଇ ଜଣ ପଞ୍ଜାବର ବୋଲି ଜଣାପଡ଼ିଛି । ସମସ୍ତ ଅପରାଧିଙ୍କୁ ପୋଲିସ ପଚରାଉଚରା କରୁଛି ।

ପୋଲିସ ସୂଚନା ଅନୁଯାୟୀ, ପ୍ରଦୀପ ସିଂହଙ୍କୁ ମାରିବା ପୂର୍ବରୁ ବିଧିବଦ୍ଧ ଯୋଜନା ହୋଇଥିଲେ । ୬ ସୁଟର ଓ ତାଙ୍କ ସହଯୋଗୀ ପ୍ରଦୀପଙ୍କ ଉପରକୁ ୬୦ ରାଉଣ୍ଡ ଗୁଳି କରିଥିଲେ । ସମସ୍ତ ସୁଟରଙ୍କୁ ଦିଲ୍ଲୀ ପୋଲିସର ସ୍ବତନ୍ତ୍ର ସ୍କ୍ବାର୍ଡ ପ୍ରଥମେ ଚିହ୍ନଟ କରିିଥିଲା । ପରେ ଏମାନଙ୍କ ମଧ୍ୟରୁ ୪ଜଣଙ୍କୁ ଧରିଛି ପୋଲିସ । ଏହି ହତ୍ୟାକାଣ୍ଡରେ ଗୋଲ୍ଡି ବରାଡ଼, ଲାରେଂଶ ବିଷ୍ଣୋୟୀ ଗ୍ୟାଙ୍ଗ ଏବଂ ଖଲିସ୍ତାନୀ ଆତଙ୍କୀ ହରବିନ୍ଦର ସିଂହ ସାମିଲ ଥିବା ଜଣାପଡ଼ିଛି । ତେବେ ଘଟଣାରେ ଆଉ କାହାର ସମ୍ପୃକ୍ତି ରହିଛି । ସୁଟର ବାହାରୁ ଆସିଥିଲେ ନା ପଞ୍ଜାବ-ହରିୟାଣାର ସୁଟର । ଏମାନଙ୍କ ପଛରେ କେତେ ଟଙ୍କା ଖର୍ଚ୍ଚ ହୋଇଥିଲା, ସମସ୍ତ ଦିଗରୁ ତନତନ୍ କରି ତଦନ୍ତ କରୁଛି ସ୍ପେଶାଲ ଟିମ୍ ।

ଗତ ଗୁରୁବାର ଡେରା ସଚ୍ଚା ସୌଦା ପ୍ରେମୀ ପ୍ରଦୀପ ସିଂହଙ୍କୁ ଗୁଳିକରି ହତ୍ୟା କରାଯାଇଥିଲା । ପ୍ରଦୀପ ଦୋକାନ ଖୋଲିବାକୁ ଯାଉଥିବାବେଳେ ଅଭିଯୁକ୍ତ ମାନେ ବାଇକରେ ଆସି ଅତର୍କିତ ଗୁଳି କରିଥିଲେ । ଘଟଣା ପରେ ଗୋଲ୍ଡି ବରାଡ଼ ଗ୍ୟାଙ୍ଗ ଏହାକୁ ନିଜ ଉପରକୁ ନେଇଥିଲା ।

   Related Posts