ନୂଆଦିଲ୍ଲୀ ୦୫।୦୫: ଦେଶରେ କରୋନା ସ୍ଥିତି ନେଇ ଲକ୍ଡାଉନ୍ ୩.୦ ଚାଲିଛି । ତୃତୀୟ ପର୍ଯ୍ୟାୟ ଲକ୍ଡାଉନ୍ରେ କିଛି ସାମଗ୍ରୀର ବିକ୍ରି ଉପରେ କଟକଣା ହଟାଇଛନ୍ତି ସରକାର । ସୋମବାର ଠାରୁ ଦେଶରେ ଲକ୍ଡାଉନ୍ର ୩ୟ ପର୍ଯ୍ୟାୟ ଆରମ୍ଭ ହୋଇଛି । ଏହି ପର୍ଯ୍ୟାୟରେ ଖାସ୍ କରି ମଦ ବିକ୍ରି ଉପରେ କଟକଣା କୋହଳ କରିଛନ୍ତି । ଯାହାକୁ ନଜରରେ ରଖି ଗତକାଲି ଦେଶର ବିଭିନ୍ନ ସ୍ଥାନରୁ ମଦ ଜୋରସୋରରେ ବିକ୍ରି ଓ ଦୋକାନ ସମ୍ମୁଖରେ ଲମ୍ବାଲାଇନ୍ ଲାଗିଥିବାର ଦେଖିବାକୁ ମିଳିଥିଲା । ମଦ କିଣିବାକୁ ଲୋକମାନେ ସକାଳ ୫.୩୦ରେ ଦୋକାନ ସମ୍ମୁଖରେ ଲମ୍ବାଇ ଲାଇନ ଲଗାଇଦେଉଛନ୍ତି। କିନ୍ତୁ ଦିଲ୍ଲୀରେ ଏବେ ମଦ ମହଙ୍ଗା ହୋଇଯାଇଛି । ଦିଲ୍ଲୀ ସରକାର ମଦ ମୁଲ୍ୟରେ ୭୦ପ୍ରତିଶତ ବୃଦ୍ଧି କରିଛନ୍ତି । କିନ୍ତୁ ଏହା ପରେ ବି ମଦ ଦୋକାନରେ ଭିଡ ଦେଖିବାକୁ ମିଳିଥିଲା ।
{"id":264868,"width":571,"height":327,"sizeSlug":"large"}
ମଙ୍ଗଳବାର ଠାରୁ ଦିଲ୍ଲୀରେ ମଦ ମହଙ୍ଗା ହେବ। କେଜ୍ରିୱାଲ ସରକାର ମଦ ଉପରେ ‘ସ୍ୱତନ୍ତ୍ର କରୋନା ଫି’ ଲାଗୁ କରିବାକୁ ନିଷ୍ପତ୍ତି ନେଇଛନ୍ତି। ଏହି ଫିସ୍ ଏମ୍ଆର୍ପି ଉପରେ ୭୦ ପ୍ରତିଶତ ଲାଗିବ । ମଙ୍ଗଳବାର ଠାରୁ ଦିଲ୍ଲୀ ସରକାରଙ୍କ ଏହି ନିଷ୍ପତ୍ତି ଲାଗୁ ହେବ। ଏହାପୂର୍ବରୁ ହରିୟାଣା ସରକାର ମଧ୍ୟ ମଦ୍ୟପାନ ଉପରେ କୋଭିଡ-୧୯ ସେସ ଲଗାଇ ଲୋକଙ୍କୁ ଏକ ଶକ୍ତ ଝଟକା ଦେଇଥିଲେ।
{"id":264869,"sizeSlug":"large"}
ସୋମବାର ଠାରୁ ଦେଶରେ ତୃତୀୟ ପର୍ଯ୍ୟାୟ ଲକଡାଉନ୍ ଆରମ୍ଭ ହୋଇଛି। କରୋନା କାରଣରୁ, ଲକଡାଉନ୍ ଦୁଇ ସପ୍ତାହ ପାଇଁ ମେ ୧୭ ପର୍ଯ୍ୟନ୍ତ ବୃଦ୍ଧି କରାଯାଇଛି। ତେବେ ଏଥର ବିସ୍ତାରିତ ଲକଡାଉନରେ ଅନେକ ରିହାତି ମଧ୍ୟ ଦିଆଯାଇଛି। ମଦ୍ୟପାନ ବିକ୍ରିକୁ ମଧ୍ୟ ଏଥିରେ ଅନୁମୋଦନ କରାଯାଇଛି। ଗତକାଲି ଠାରୁ ଦେଶର ଅନେକ ସହରରେ ମଦ ଦୋକାନ ମଧ୍ୟ ଖୋଲାଯାଇଥିଲା। ଦୋକାନ ବାହାରେ ଲମ୍ବା ଧାଡି ଦେଖିବାକୁ ମିଳିଥିଲା। ଏହି ଅବଧି ମଧ୍ୟରେ, ସାମାଜିକ ଦୂରତାକୁ ଅବମାନନା କରିଥିଲେ।
{"id":264870,"sizeSlug":"large"}
ଦିଲ୍ଲୀର ମଦ ଦୋକାନଗୁଡିକରେ ସାମାଜିକ ଦୂରତା ଅନୁପସ୍ଥିତିରେ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡକ୍ଟର ହର୍ଷ ବର୍ଦ୍ଧନ କହିଛନ୍ତି ଯେ ଯଦି ଏହି ପ୍ରକାର ଘଟଣା କୌଣସି ସ୍ଥାନରେ ଘଟୁଛି ତେବେ ତାହା ମୋତେ ବିଭ୍ରାନ୍ତ କରୁଛି। କେନ୍ଦ୍ର ମନ୍ତ୍ରୀ କହିଛନ୍ତି, କୌଣସି ସରକାର ଏପରି ନିଷ୍ପତ୍ତି ନେଇଥିବାରୁ ମୁଁ ଦୁଃଖିତ ଓ ଆଶ୍ଚର୍ଯ୍ୟ। ସେ କହିଛନ୍ତି ଯେ ଯଦି କୌଣସି ନିଷ୍ପତ୍ତି ନିଆଯାଇଛି ତେବେ ଏହାର ସମୀକ୍ଷା କରାଯିବା ଆବଶ୍ୟକ। ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ମଧ୍ୟ ସାମାଜିକ ଦୂରତା ଅବମାନନାକୁ ନେଇ ଅସନ୍ତୋଷ ବ୍ୟକ୍ତ କରିଛନ୍ତି। ସେ କହିଛନ୍ତି ଯେ, ଯଦି କୌଣସି ସ୍ଥାନରେ ସାମାଜିକ ଦୂରତା ଅନୁସରଣ କରାଯାଉ ନାହିଁ, ତେବେ ଆମକୁ ସେହି ଅଞ୍ଚଳକୁ ସିଲ୍ କରିବାକୁ ପଡିବ। ଦିଲ୍ଲୀରେ ଲୋକଙ୍କ ସ୍ୱାସ୍ଥ୍ୟ ପାଇଁ ଆମକୁ କଠୋର ପଦକ୍ଷେପ ନେବାକୁ ପଡ଼ିବ ବୋଲି ସେ କହିଛନ୍ତି।
