ନୂଆଦିଲ୍ଲୀ: ଜାଡରେ ଥରୁଛି ପୂରା ଦିଲ୍ଲୀ । ଶୀତ ଲହରୀ ଯୋଗୁଁ ଜନଜୀବନ ଅସ୍ତବ୍ୟସ୍ତ ହୋଇପଡିଛି । ଏହାରି ଭିତରେ ଦିଲ୍ଲୀ ସରକାର ସବୁ ଘରୋଇ ସ୍କୁଲକୁ ଜାନୁଆରୀ ୧୫ ଯାଏଁ ବନ୍ଦ ରଖିବାକୁ ନିର୍ଦ୍ଦେଶ ଦେଇଛନ୍ତି । ଭୀଷଣ ଥଣ୍ଡା ଏବଂ ଶୀତ ଲହରକୁ ନଜରରେ ରଖି ଦିଲ୍ଲୀ ସରକାରଙ୍କ ଶିକ୍ଷା ବିଭାଗ ଏହି ନିର୍ଦ୍ଦେଶ ଜାରି କରିଛନ୍ତି । ଦିଲ୍ଲୀ ସରକାରଙ୍କ ନିର୍ଦ୍ଦେଶ ଅନୁସାରେ, ସବୁ ଘରୋଇ ସ୍କୁଲ ଜାନୁଆରୀ ୧୫ ବନ୍ଦ ରହିବ ।

wp:html

All private schools of Delhi are advised to remain closed till 15th January 2023 in wake of cold wave prevailing in Delhi: Directorate of Education, Government of Delhi pic.twitter.com/1Jd4qrkris

— ANI (@ANI) January 8, 2023

/wp:html

ସୂଚନା ଅନୁସାରେ, ଦିଲ୍ଲୀର ଘରୋଇ ସ୍କୁଲ ଆସନ୍ତାକାଲିଠାରୁ ଖୋଲିଥାନ୍ତା । ସରକାରଙ୍କ ଏହି ନିର୍ଦ୍ଦେଶ ପରେ ଜାନୁଆରୀ ୧୫ ଯାଏ ସ୍କୁଲ ବନ୍ଦ ରହିବ । ଅର୍ଥାତ ଏବେ ପିଲାମାନଙ୍କୁ ଆହୁରି ୭ ଦିନ ଅଧିକ ଛୁଟି ମିଳିବ । ଦିଲ୍ଲୀ ସରକାର ସବୁ ସରକାରୀ ସ୍କୁଲ ଗୁଡିକ ପୂର୍ବରୁ ଜାନୁଆରୀ ୧୨ ଯାଏ ବନ୍ଦ ରଖିବାକୁ ନିର୍ଦ୍ଦେଶ ଜାରି କରିଥିଲେ । ସରକାରୀ ସ୍କୁଲ ଗୁଡିକରେ ନବମରୁ ଦ୍ୱାଦଶ ଶ୍ରେଣୀ ଛାତ୍ରଛାତ୍ରୀଙ୍କୁ ଛୁଟି ଦିଆଯାଇ ନାହିଁ । ସେମାନଙ୍କୁ ରେମେଡିୟଲ କ୍ଲାସ ଦିଆଯାଉଛି । ରେମେଡିୟଲ କ୍ଲାସ ଗୋଟିଏ ପ୍ରକାର ଏକଷ୍ଟ୍ରା କ୍ଲାସ । ନବମରୁ ଦ୍ୱାଦଶ ପିଲାଙ୍କ ବୋର୍ଡ ପରୀକ୍ଷା ଥିବାରୁ ସେମାନଙ୍କୁ ରେମେଡିୟଲ କ୍ଲାସ ଦିଆଯାଉଛି ।