vridhi excotica
star kirano
ori homes
vridhi excotica
star kirano
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟେନିସକୁ ଅଲବିଦା କହିଥାନ୍ତେ ରାଫେଲ ନାଦାଲ ! କିନ୍ତୁ…
  • ||
  • ଖୋର୍ଦ୍ଧା : ରାସ୍ତାକଡ଼କୁ ଖସିଲା ‘ଲିଙ୍ଗରାଜ’, ବସ୍‌ରେ ଥିଲେ ୨୦ରୁ ଅଧିକ ଯାତ୍ରୀ…
  • ||
  • ରାଜ୍ୟରେ ବଢୁଛି କରୋନା ଗ୍ରାଫ୍, ୨୪ ଘଣ୍ଟାରେ ଚିହ୍ନଟ ହେଲେ ୩୪୬ କୋଭିଡ୍ ପଜିଟିଭ୍
  • ||
  • ଜୁଲାଇ ୫ରେ ମାଟ୍ରିକ୍‌ ରେଜଲ୍ଟ ! ସୋମବାର ହୋଇପାରେ ଘୋଷଣା
  • ||
  • ବିଜେପି ରାଷ୍ଟ୍ରୀୟ କାର୍ଯ୍ୟକାରିଣୀ ବୈଠକ, ଶେଷଦିନରେ ନେତାଙ୍କୁ ଗୁରୁମନ୍ତ୍ର ଦେବେ ମୋଦୀ
  • ||
  • ସାମ୍ନାକୁ ଆସିଲେ କହ୍ନେୟାଲାଲ ହତ୍ୟାକାଣ୍ଡର ପ୍ରତ୍ୟକ୍ଷଦର୍ଶୀ, ବଖାଣିଲେ ଛାତିଥରା କାହାଣୀ
  • ||
  • ମୌସୁମୀକୁ ସକ୍ରିୟ କରିବ ଲଘୁଚାପ : ରବିବାର ଓ ସୋମବାର ଏହି ସବୁ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା
  • ||

ଡାକ୍ତର ଘୋଷିତ କଲେ ମୃତ : ଘରକୁ ପହଞ୍ଚିବାବେଳେ ଜୀବିତ ହୋଇଗଲେ ଯୁବତୀ

27/08/2020 at 9:36 AM

ମିରଟ ୨୭/୮: ମୃତ୍ୟୁ ପରେ କେହି ଜୀବିତ ହୋଇଯିବା , ଏହା କେବଳ କାହାଣୀରେ ଶୁଣିବାକୁ ମିଳିଥାଏ। କିନ୍ତୁ ମଓ୍ବାନା ସହରରେ ଏପରି ଘଟଣା ସାମନାକୁ ଆସିଛି। ଏଠାରେ ମୋହଲ୍ଲା ମୁନ୍ନାଲାଲ ବାସିନ୍ଦା ଜଣେ ଯୁବତୀ ମୃତ୍ୟୁର କିଛି ଘଣ୍ଟା ପରେ ହଠାତ୍ ଜୀବିତ ହୋଇଯାଇଛନ୍ତି। ତାଙ୍କୁ ଦିଲ୍ଲୀର ଏକ ହସ୍ପିଟାଲରେ ମୃତ ଘୋଷିତ କରି ଦିଆଯାଇଥିଲା। ଯୁବତୀଙ୍କୁ ପୋତିବା ପାଇଁ ସମସ୍ତ ପ୍ରସ୍ତୁତି କରାଯାଇଥିଲା କିନ୍ତୁ ହଠାତ୍ ଯୁବତୀଙ୍କ ଶରୀର ହଲଚଲ ହୋଇଥିଲା। ପରିବାର ଲୋକଙ୍କ ମଧ୍ୟରେ ହଇଚଇ ସୃଷ୍ଟି ହୋଇଥିଲା। ବର୍ତ୍ତମାନ, ଯୁବତୀଙ୍କୁ ଘରେ ଅକ୍ସିଜେନ୍ ଦିଆଯାଉଛି।

କୁହାଯାଉଛି ଯେ ୨୦ବର୍ଷ ବୟସ୍କା ଆସମା ଅଗଷ୍ଟ ୨୪ତାରିଖରେ ହଠାତ୍ ହୃଦଘାତ ହେବାରୁ ବେହୋଶ ହୋଇଯାଇଥିଲେ। ଗୁରୁତର ଅବସ୍ଥାରେ ପରିବାର ଲୋକେ ତାଙ୍କୁ ଦିଲ୍ଲୀର ଅଲଶିଫା ହସ୍ପିଟାଲରେ ଭର୍ତ୍ତି କରିଥିଲେ। ପରିବାର ଲୋକେ କହିଥିଲେ ଯେ ବୁଧବାର ସକାଳେ ହସ୍ପିଟାଲରେ ଆସମାଙ୍କୁ ମୃତ ଘୋ​‌ଷିତ କରାଯାଇଥିଲା। ଏହା ପରେ ପରିବାର ଲୋକେ ଶବ ନେଇ ମଓ୍ବାନା ଫେରୁଥିଲେ।

ପରିବାର ଲୋକେ ଘରେ ଫୋନ୍ କରି ଦେଇଥିଲେ ଏବଂ କହିଥିଲେ ଯେ ଶବକୁ ପୋତିବା ପାଇଁ ସମସ୍ତ ପ୍ରସ୍ତୁତି କରାଯାଉ। କବର ମଧ୍ୟ ଖୋଳା ଯାଇଥିଲା। ଏହି ସବୁ ମଧ୍ୟରେ ବିଳମ୍ବିତ ସନ୍ଧ୍ୟାରେ ପରିବାର ଲୋକେ ଶବ ନେଇ ମଓ୍ବାନା ନେଇ ଘରକୁ ପହଞ୍ଚିବାରୁ ହଠାତ୍ ଆସମାଙ୍କ ହାତ ଗୋଡ଼ ହଲିବାକୁ ଲାଗିଥିଲା। ପରିବାର ଲୋକେ ଆଶ୍ଚର୍ଯ୍ୟ ହୋଇଯାଇଥିଲେ। ଆସମା ଜୀବିତ ଥିବାର ସୂଚନା ପରେ ନଗର ପାଳିକାଙ୍କ କବର ଖୋଳିବା ପାଇଁ ଲଗାଯାଇଥିବା ଲାଇଟ୍ ଫେରାଯାଇଥିଲା ତଥା ପୋତିବା ପାଇଁ ପ୍ରସ୍ତୁତି ରୋକାଯାଇଥିଲା।

ବର୍ତ୍ତମାନ ଯୁବତୀ ଜୀବିତ ଅଛନ୍ତି। ସ୍ଥାନୀୟ ଚିକିତ୍ସକଙ୍କୁ ଡକାଯାଇ ତାଙ୍କର ଚିକିତ୍ସା କରାଯାଉଛି। ସ୍ବାସ୍ଥ୍ୟ ଗମ୍ଭୀର ରହିଥିବାରୁ ତାଙ୍କୁ କୃତ୍ରିମ ଅକ୍ସିଜେନ୍ ଦିଆଯାଉଛି। ପରିବାର ଲୋକେ ଦିଲ୍ଲୀର ହସ୍ପିଟାଲ ସହ ମଧ୍ୟ ଯୋଗାଯୋଗ କରୁଛନ୍ତି।

   Related Posts