Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତରେ ଭିଏଲସି ମିଡିଆ ପ୍ଲେୟାର ବ୍ୟାନ୍, ଓ୍ୱେବସାଇଟରେ ଆସୁଛି ଆଇଟି ଆକ୍ଟ ମେସେଜ୍
  • ||
  • ୨୪ ଘଣ୍ଟାରେ ଘନୀଭୂତ ହେବ ଲଘୁଚାପ, ପ୍ରଭାବରେ ଦୁଇଦିନ ପ୍ରବଳ ବର୍ଷିବ
  • ||
  • ରେଳ ଧାରଣାରୁ ମିଳିଲା ମନ୍ତ୍ରୀଙ୍କ ଭଣଜାଙ୍କ ମୃତଦେହ, ହତ୍ୟା ନା ଆତ୍ମହତ୍ୟା ?
  • ||
  • ଦେଶରେ ଉପରତଳ କରୋନା ଗ୍ରାଫ୍, ୨୪ ଘଣ୍ଟାରେ ବାହାରିଲେ ୧୫୮୧୫ କରୋନା ପଜିଟିଭ୍
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୪୦୩ କୋଭିଡ୍ ପଜିଟିଭ୍
  • ||
  • କନ୍ନଡ ଗାୟକ ଶିବମୋଗା ସୁବାନାଙ୍କ ଦେହାନ୍ତ, ୮୩ ବର୍ଷ ବୟସରେ ହୃଦଘାତରେ ପରଲୋକ
  • ||
  • ଲଘୁଚାପ ସକ୍ରିୟ : ଦୁଇ ଦିନ ଯାଏଁ ପ୍ରବଳ ବର୍ଷା, ଫୁଲୁଛି ବିଭିନ୍ନ ନଦୀ
  • ||

ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରୀଓ୍ବାଲଙ୍କ ବାସଭବନ ଆଗରେ ଭଙ୍ଗାରୁଜା, ଆପ୍ କହିଲା-ଏସବୁ ବିଜେପିର କାରନାମା, ସଫେଇ ଦେଲା ବିଜେପି

13/12/2020 at 9:51 PM

ନୂଆଦିଲ୍ଲୀ ୧୩/୧୨ : ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରୀଓ୍ବାଲଙ୍କ ବାସଭବନ ବାହାରେ ଭଙ୍ଗାରୁଜା ହୋଇଥିବା ସୂଚନା ମିଳିଛି । କେଜରୀଓ୍ବାଲଙ୍କ କାର୍ଯ୍ୟାଳୟ ପକ୍ଷରୁ କୁହାଯାଇଛି ଯେ, ଧାରଣାରେ ବସିଥିବା ବିଜେପି ନେତାମାନେ ମୁଖ୍ୟମନ୍ତ୍ରୀଙ୍କ ଘର ଉପରକୁ ଆକ୍ରମଣ କରିବା ସହିତ ସିସିଟିଭି ଭଙ୍ଗାରୁଜା କରିଛନ୍ତି ।

ସେପଟେ ଆମ ଆଦମୀ ପାର୍ଟି ଶସ୍ତା ଏବଂ ହୀନ ରାଜନୀତି କରୁଥିବା ଦିଲ୍ଲୀ ବିଜେପି ସଫେଇ ଦେଇଛି । ଧାରଣାରେ ବସିଥିବା ମହିଳା କାଉନସିଲରଙ୍କ ଉପରେ ନଜର ରଖିବା ପାଇଁ ନୂଆ ସିସିଟିଭି ଲଗାଯାଇଛି । ଯେତେବେଳେକି ମୁଖ୍ୟମନ୍ତ୍ରୀଙ୍କ ଘର ବାହାରେ ପୂର୍ବରୁ ମଧ୍ୟ ଅନେକ କ୍ୟାମେରା ଲାଗିଛି । ଏହା ମହିଳାଙ୍କ ଗୋପନୀୟତା ଉପରେ ଆକ୍ରମଣ ଓ ଆପର ମହିଳା ବିରୋଧୀ କାର୍ଯ୍ୟକଳାପ ପୁଣି ଥରେ ପ୍ରକାଶ ପାଇଛି ବୋଲି ବିଜେପି ପାଲଟା ଅଭିଯୋଗ କରିଛି ।

ବିଜେପି ମେୟର ଜୟ ପ୍ରକାଶ କହିଛନ୍ତି ଆମେମାନେ ଗତ ୭ ଦିନ ହେଲା ମୁଖ୍ୟମନ୍ତ୍ରୀଙ୍କ ଘର ସାମ୍ନାରେ ବସିଛୁ କିନ୍ତୁ ମୁଖ୍ୟମନ୍ତ୍ରୀ ଦେଖାକରିବା ତ ଦୂର ବରଂ କଥା ହେବା ପାଇଁ ମଧ୍ୟ ଚାହୁଁନାହାନ୍ତି । ତେବେ ଧାରଣାସ୍ଥଳରେ ମହିଳାମାନେ ଶୋଇଥିଲେ । ମୁଖ୍ୟମନ୍ତ୍ରୀ କାର୍ଯ୍ୟାଳୟର ଲୋକମାନେ ମହିଳାମାନଙ୍କ ପ୍ରାଇଭେସିକୁ ଧ୍ୟାନ ନରଖି ସେମାନେ ଶୋଇଥିବା ସ୍ଥାନରେ ସିସିଟିଭି କ୍ୟାମେରା ଲଗାଇଥିଲେ । ଏହାକୁ ତୀବ୍ର ବିରୋଧ କରିବା ସହିତ ସିସିଟିଭି କ୍ୟାମେରା ଲଗାଇ ଦେଇନଥିଲେ ମହିଳା ପରିଷଦର ସଦସ୍ୟ ।

ବିଜେପି କହିଛି ଯେ, ଆମେ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ପରିସରରେ କୌଣସି ଭଙ୍ଗାରୁଜା କରିନାହୁଁ କିମ୍ବା ସିସିଟିଭି ଭଙ୍ଗାରୁଜା କରିନାହୁଁ ।  ବିଜେପିର ଏହି ଜବାବରେ ଆପ୍ ପ୍ରଶ୍ନ କରିଛି ଯ, ବିଜେପିକୁ କ୍ୟାମେରାକୁ ଏକ ଡର କାହିଁକି? ବିଜେପି ନେତାମାନେ ସିସିଟିଭି ଭାଙ୍ଗି କଣ ପ୍ରମାଣିତ କରିବାକୁ ଚାହୁଁଛନ୍ତି ?

ଦିଲ୍ଲୀରେ ଅନେକ ଦିନ ହେଲା ୩ ଜଣ ଏମସିଡି ମେୟର ଏବଂ ଅନେକ କାଉନସିଲର ମୁଖ୍ୟମନ୍ତ୍ରୀଙ୍କ ବାସଭବନ ବାହାରେ ଧାରଣାରେ ବସିଛନ୍ତି । କେଜରୀୱାଲ ସରକାରଙ୍କ ଉପରେ ଚାପ ପକାଇବା ପାଇଁ, ସୋମବାରଠାରୁ ତିନିଜଣ ମେୟର ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ସାମ୍ନାରେ ଥିବା ଫୁଟପାଥରେ ହିଁ ମେୟର କାର୍ଯ୍ୟାଳୟ ଚଲାଇବେ ବୋଲି ନିଷ୍ପତ୍ତି ନେଇଛନ୍ତି ।  ଅର୍ଥାତ୍ ଏହି ଫୁଟପାଥରୁ ହିଁ ଦିଲ୍ଲୀର ଗୁରୁତ୍ୱପୂର୍ଣ୍ଣ ପ୍ରକଳ୍ପର ଫାଇଲଗୁଡ଼ିକ ପାସ୍ ହେବ ଏବଂ ଏଠାରେ ଅଧିକାରୀମାନଙ୍କ ସହିତ ଆଲୋଚନା ହେବ ।

   Related Posts