ମୁମ୍ବାଇ, ୨୨/୦୨: ମହିଳା ଆଇପିଏଲ ଫାଇନାଲରେ ଦିଲ୍ଲୀ କ୍ୟାପିଟାଲ୍ସ । ୟୁପି ୱାରିୟର୍ସକୁ ୫ ୱିକେଟ୍‌ରେ ହରାଇ ଫାଇନାଲରେ ସ୍ଥାନ ପକ୍କା କରିଛି ଦିଲ୍ଲୀ । ମ୍ୟାଚ୍‌ରେ ପ୍ରଥମେ ବ୍ୟାଟିଂ କରି ୟୁପି ୱାରିୟର୍ସ ୬ ୱିକେଟ୍‌ ହରାଇ ୧୩୮ ରନ୍‌ ସଂଗ୍ରହ କରିଥିଲା । ଏହାର ଜବାବରେ ଦିଲ୍ଲୀ କ୍ୟାପିଟାଲ୍ସ ୧୭ ଓଭର ୫ଟା ବଲରେ ମ୍ୟାଚ୍ ଜିତି ନେଇଛି । ୫ ୱିକେଟ୍‌ ହରାଇ ୧୪୨ ରନ୍‌ ସଂଗ୍ରହ କରିଥିଲା ଦିଲ୍ଲୀ କ୍ୟାପିଟାଲ୍ସ ।

ଦଳ ପକ୍ଷରୁ ମେଗ୍ ଲ୍ୟାନିଂ ୫ଚୌକା ଓ ୨ଛକା ମାଧ୍ୟମରେ ୩୯ ସଂଗ୍ରହ କରିଥିଲେ । ସେହିପରି ମରିଜାନ୍ କପ୍‌ ଅପରାଜିତ ୩୪ ରନ୍ କରିଥିବା ବେଳେ ଆଲିସ କ୍ୟାପ୍‌ସି ୪ଚୌକା, ୧ଛକା ମାଧ୍ୟମ ୩୪ ରନ୍‌ ସଂଗ୍ରହ କରି ଦଳ ବିଜୟୀ କରାଇଛନ୍ତି ।  

ଟସ୍‌ ଜିତି ଦିଲ୍ଲୀ କ୍ୟାପିଟାଲ୍ସ ଫିଲ୍ଡିଂ ନିଷ୍ପତ୍ତି ନେଇଥିଲା । ପ୍ରଥମେ ବ୍ୟାଟିଂ କରିଥିଲା ୟୁପି ୱାରିୟର୍ସ । ପ୍ରାରମ୍ଭରୁ ବ୍ୟାଟରମାନେ ଚିତ୍ତାକର୍ଷକ ବ୍ୟାଟିଂ କରିଥିଲେ ହେଁ ଅନ୍ତିମ ଓଭରରେ ଦଳ ଲୟ ହରାଇ ମାତ୍ର ୧୩୮ ରନ୍‌ କରିବାକୁ ସକ୍ଷମ ହୋଇଥିଲା । ଦଳ ପକ୍ଷରୁ ତଲିୟା ମ୍ୟାକ୍‌ଗ୍ରା ସର୍ବାଧିକ ୫୮ରନ୍‌ କରିଥିଲେ । ଅନ୍ୟମାନଙ୍କ ମଧ୍ୟରେ ଆଲିସା ହିଲି ୩୬, ଶ୍ୱେତା ସେରାୱତ ୧୯ ଓ ସିମରନ ଶେଖ ୧୧ ରନ୍‌ କରିଥିଲେ । ଦିଲ୍ଲୀ କ୍ୟାପିଟାଲ୍ସ ପକ୍ଷରୁ ଆଲିସ କ୍ୟାପ୍‌ସି ୩ଟି ଓ ରାଧା ଯାଦବ ୨ଟି ୱିକେଟ୍‌ ନେଇଥିଲେ । ଆସନ୍ତା ୨୬ ତାରିଖରେ ଫାଇନାଲ ମ୍ୟାଚ ଖେଳିଯିବ । ପ୍ରଥମ ଟାଇଟଲ ଜିତିବା ଲକ୍ଷ୍ୟରେ ରହିଛି ଦିଲ୍ଲୀ କ୍ୟାପିଟାଲ୍ସ ।