ନୂଆଦିଲ୍ଲୀ : ଦୀର୍ଘ ଦେଢ ବର୍ଷ ପରେ ଖୋଲିଲା ବୁରାରି ହରର୍ ହାଉସ ଗେଟ୍ । ଗୋଟିଏ ପରିବାରର ୧୧ ଜଣଙ୍କ ସନ୍ଦେହଜନକ ମୃତ୍ୟୁ ପରେ ଭୂତ କୋଠି ପାଲଟି ଯାଇଥିବା ଘରେ ପୁଣି ଶୁଭିଛି ମଣିଷର ସ୍ବର । ଆସବାବପାତ୍ର ଏବଂ ଆବଶ୍ୟକୀୟ ଜିନିଷ ପତ୍ର ଧରି ଏହି ଚର୍ଚ୍ଚିତ ଅଟ୍ଟାଳିକାରେ ଆସି ପହଞ୍ଚିଛନ୍ତି ଜଣେ ଚିକିତ୍ସକ ଓ ତାଙ୍କ ପରିବାର । ବୃତ୍ତିରେ ପାଥୋଲୋଜିଷ୍ଟ ଥିବା ଏହି ବ୍ୟକ୍ତି ଜଣକ ଭଡାରେ ଘରଟିକୁ ନେଇଛନ୍ତି । ତେବେ ବୁରାରି ହରର ହାଉସରେ ପୁଣି କେହି ରହିବା ନିଶ୍ଚିତ ଭାବେ ଏକ ଚର୍ଚ୍ଚିତ ଖବର ।
{"id":203756,"sizeSlug":"large"}ବୁରାରି ହରର ହାଉସକୁ ଭଡା ନେଇଥିବା ପାଥୋଲୋଜିଷ୍ଟ ଜଣକ ହେଲେ ମୋହନ ସିଂ କାଶ୍ୟପ । ସେ ତାଙ୍କ ପରିବାରକୁ ଧରି ରବିବାର ଏହି ଚର୍ଚ୍ଚିତ ମୃତ୍ୟୁର ଘରେ ପାଦ ଥାପିଛନ୍ତି । ତଳ ଘରେ ସେ ତାଙ୍କ ପାଥୋଲେଜି ଲ୍ୟାବ୍ ଖୋଲିବେ ଏବଂ ଉପର ମହଲାରେ ପରିବାର ସହ ରହିବେ ବୋଲି ସ୍ଥିର କରିଛନ୍ତି ।୨୦୧୮ ଜୁଲାଇ ପ୍ରଥମ ସପ୍ତାହରୁ ଚୁନ୍ଦୱାତ୍ ପରିବାରର ଏହି ଘରଟି ଖାଲି ପଡିଥିଲା ।
{"id":203757,"sizeSlug":"large"}୨୦୧୮ ମସିହା ଜୁଲାଇ ୧ ତାରିଖରେ ବୁରାରି ହାଉସରେ ଘଟିଥିଲା ସେହି ଭୟଙ୍କର ଗଣ ମୃତ୍ୟୁ । ଚୁନ୍ଦୱାତ ପରିବାରର ୧୦ ଜଣ ସଦସ୍ୟଙ୍କ ମୃତ ଶରୀର ଲୁହା ରେଲିଂରୁ ଝୁଲିକରି ଥିଲା । ସମସ୍ତଙ୍କ ହାତ ବନ୍ଧା ଯାଇଥିଲା । ତେବେ ପରିବାର ମୁଖ୍ୟ ତଥା ସବୁଠୁ ବୟୋଜ୍ୟେଷ୍ଠ ୭୭ ବର୍ଷୀୟା ନୟନାଦେବୀଙ୍କ ମୃତ ଦେହ ଚଟାଣରେ ପଡିଥିଲା ।କୌଣସି କାରଣରୁ ପରିବାରର ସମସ୍ତେ ଆତ୍ମହତ୍ୟା କରିଥିବା ଆଶଙ୍କା କରାଯାଉଥିଲା । ଚୁନ୍ଦୱାତ ପରିବାରର ତଥା ନୟନାଦେବୀଙ୍କ ଦୁଇ ସନ୍ତାନ ଓ ସେମାନଙ୍କ ପରିବାରରର କିଛି ଲୋକ ବାହାରେ ଥିବାରୁ ବର୍ତ୍ତିଯାଇଥିଲେ। କିନ୍ତୁ ପୁରା ଚୁନ୍ଦୱାତ ପରିବାର ପ୍ରାଣ ହରାଇଥିଲେ ।କୌଣସି ଧାର୍ମିକ ଅନ୍ଧବିଶ୍ୱାସରେ ପୁରା ପରିବାର ଆତ୍ମହତ୍ୟା କରିଥିବା ସନ୍ଦେହ ବି ହୋଇଥିଲା । କ୍ରାଇମବ୍ରାଞ୍ଚ ଘଟଣାର ତଦନ୍ତ କରିଥିଲେ । ଶ୍ୱାସରୁଦ୍ଧ ହୋଇ ୧୧ ଜଣ ଯାକ ମୃତ୍ୟୁ ବରଣ କରିଥିବା ନେଇ ଆସିଥିଲା ରିପୋର୍ଟ । ତେବେ ସେହି ଘଟଣା ପରଠୁ ଘରଟିକୁ ସିଲ୍ କରିଥିଲା ପୋଲିସ । ଗତ ଅକ୍ଟେବର ୧୯ ତାରିଖରେ ଚୁନ୍ଦୱାତ ପରିବାରର ସଦସ୍ୟ ଦିନେଶ ଚୁନ୍ଦୱାତଙ୍କୁ ପୋଲିସ ଘରଟିକୁ ହସ୍ତାନ୍ତର କରିଥିଲା ।
{"id":203758,"sizeSlug":"large"}ଘର ଭଡା ନେଇଥିବା ପାଥୋଲୋଜିଷ୍ଟ ମୋହନ ସିଂ କାଶ୍ୟପ ସେହି ନିକଟରେ ଆଗରୁ ରହୁଥିଲେ । ତାଙ୍କ ପିଲା ମାନେ ଦେଢ ବର୍ଷ ତଳେ ସେହି ଘରକୁ ଟ୍ୟୁସନ ଲାଗି ଆସୁଥିଲେ । ସେମାନେ ସେହି ଗଟମା ସଂପର୍କରେ ଜାଣନ୍ତି ,ଏବଂ ସେମାନେ ସେଠାରେ ରହିବାରେ ଭୟ କରନ୍ତି ନାହିଁ ବୋଲି କହିଛନ୍ତି କାଶ୍ୟପ । ତେବେ ସେହି ଘରେ ଥିବା ୧୧ ଟି ସନ୍ଦିଗ୍ଧ ପାଇପ୍ ସଂପର୍କରେ କାସ୍ୟପ କୁହନ୍ତି ଯେ, ସେଥିରୁ କେତେକକୁ ବାୟୁ ନିର୍ଗମନ ଲାଗି ରଖାଯାଇଛି ଓ କେତେକକୁ ବନ୍ଦ କରିଦିଆଯାଇଛି । ଘରେ ମୃତ୍ୟୁ ବରଣ କରିଥିବା ୧୧ ଜଣଙ୍କ ଜିନିଷ, ପତ୍ର ସବୁକୁ ଦିନେଶ ଚୁନ୍ଦୱାତ୍ ସ୍ଥାନାନ୍ତର କରିଦେଇଥିବାରୁ ସମସ୍ୟା ନାହିଁ । ଏବଂ ସେ ଭୂତ ପ୍ରେତରେ ବିଶ୍ୱାସ କରୁନଥିବା କହିଛନ୍ତି କାଶ୍ୟପ । ସେପଟେ ପୁଣି ତାଙ୍କ ପରିବାରର ଘରେ ଲୋକ ରହିଥିବାରୁ ଖୁସି ଜାହିର କରିଛନ୍ତି ଦୀନେଶ ।