ବାରଙ୍ଗ ୨୯/୦୫: ସ୍ଥାନୀୟ ନରାଜ ନିକଟସ୍ଥ ଜଙ୍ଗଲରୁ ଖାଦ୍ୟ ଅନ୍ୱେଷଣରେ ଚାଲି ଆସିଥିବା ଏକ ହରିଣକୁ କିଛି କୁକୁର ଆକ୍ରମଣ କରିଥିଲେ । ହରିଣଟି କୁକୁର ମାନଙ୍କ ଠାରୁ ନିଜକୁ ରକ୍ଷା କରିବା ପାଇଁ ନରାଜ ବ୍ରିଜ୍ ଉପରେ ଦୌଡୁଥିବା ବେଳେ ବ୍ରିଜ୍ ତଳକୁ ଖସିପଡିଥିଲା ।

ସ୍ଥାନୀୟ କିଛି ଲୋକ ଦମକଳ କେନ୍ଦ୍ରକୁ ଖବର ଦେବା ପରେ ଯଥା ଶୀଘ୍ର ବାରଙ୍ଗ ଦମକଳ ବାହିନୀ ପହଞ୍ଚି ରୋପ୍ ଲ୍ୟାଡର୍ ସାହାଯ୍ୟରେ ବ୍ରିଜ ମଝିରୁ ହରିଣକୁ ଉଦ୍ଧାର କରିଥିଲେ । ତେବେ ହରିଣ ଛୁଆଟି ବ୍ରିଜ୍ ଉପରୁ ପଡ଼ି ଆହତ ହୋଇଥିବା ବେଳେ ଅଗ୍ନିଶମ କର୍ମଚାରୀଙ୍କ ଦ୍ଵାରା ବନ ବିଭାଗକୁ ହସ୍ତାନ୍ତର କରାଯାଇଥିଲା । ବନ ବିଭାଗ ହରିଣ ଛୁଆଟିକୁ ଚିକିତ୍ସା ପାଇଁ ମେଡିକାଲ୍ ନେଇଥିବା ଜଣାପଡିଛି ।