ମୁମ୍ବାଇ୧୧।୦୭: ରଣବୀର ସିଂ ଏବଂ ଦୀପିକା ପାଦୁକୋନ ବଲିଉଡର ସବୁଠୁ ଲୋକପ୍ରିୟ ଦମ୍ପତିମାନଙ୍କ ମଧ୍ୟରୁ ଅନ୍ୟତମ । ଅଧିକାଂଶ ବଲିଉଡ ସେଲିବ୍ରେଟିଙ୍କ ପରି ସେମାନେ ମଧ୍ୟ ବିଳାସପୂର୍ଣ୍ଣ ଲାଇଫ୍ ଷ୍ଟାଇଲ୍ ବିତାନ୍ତି। ସେ ପ୍ରାୟତ ଦେଶ ତଥା ବିଶ୍ବ ଚମତ୍କାର ଏବଂ ସୁନ୍ଦର ସ୍ଥାନଗୁଡିକ ବଵୁଲୁଥିବାର ଦେଖିବାକୁ ମିଳିଛି। ଏହି ଦମ୍ପତି ମୁମ୍ବାଇର ବାନ୍ଦ୍ରାଠାରେ ଅବସ୍ଥିତ ଏକ ସୁନ୍ଦର ରେଜିଡେନ୍ଶିଆଲ୍ ଟାୱାର 'ସାଗର ରେଶମ୍'ରେ ଏକ ବିଳାସପୂର୍ଣ୍ଣ ଆପାର୍ଟମେଣ୍ଟ କିଣିଛନ୍ତି ।
ଗଣମାଧ୍ୟମ ରିପୋର୍ଟ ଅନୁଯାୟୀ, ଅଭିନେତା ଏହି ଘରକୁ ୧୧୯ କୋଟିରେ କିଣିଛନ୍ତି। ଏହି ଘର ଦେଶର ଅନ୍ୟ ଆପାର୍ଟମେଣ୍ଟ ତୁଳନାରେ ଏହା ସବୁଠାରୁ ମହଙ୍ଗା କାରବାରରେ ପରିଣତ ହୁଏ। ବିଶେଷ କଥା ହେଉଛି ଏହି ଟାୱାରଟି ସଲମାନ ଖାନଙ୍କ ଗାଲାକ୍ସି ଆପାର୍ଟମେଣ୍ଟ ଏବଂ ଶାହାରୁଖ ଖାନଙ୍କ ମନତ୍ ବଙ୍ଗଳା ମଧ୍ୟରେ ଅବସ୍ଥିତ । ରିପୋର୍ଟ ହୋଇଛି ଯେ ତାଙ୍କ ଆପାର୍ଟମେଣ୍ଟ ଟାୱାରର ୧୬, ୧୭, ୧୮ ଏବଂ ୧୯ ମହଲାରେ ଅବସ୍ଥିତ । ଏହାର ସମୁଦାୟ ୧୧,୨୬୬ ବର୍ଗଫୁଟ ଏବଂ ୧୩୦୦ ବର୍ଗଫୁଟର ଏକ ସ୍ୱତନ୍ତ୍ର ଟେରାସ୍ ଅଛି। ରଣବୀର ସିଂଙ୍କୁ ଏହି ଡିଲ୍ ଅଧୀନରେ ୧୯ଟି ପାର୍କିଂ ସ୍ଥାନ ମିଳିଛି।
ଏହି ବ୍ୟତୀତ ରଣବୀରଙ୍କ, ୱାର୍କ ଫ୍ରଣ୍ଟ ବିଷୟରେ କହିବାକୁ ଗଲେ ଅଭିନେତାଙ୍କୁ ଶେଷରେ 'ଜୟଶଭାଇ ଜୋରଦାର'ରେ ଦେଖିବାକୁ ମିଳିଥିଲେ । ଏହା ପରେ ଅଭିନେତା ରୋହିତ ଶେଟ୍ଟୀଙ୍କ 'ସର୍କସ' ଏବଂ କରଣ ଜୋହରଙ୍କ 'ରକି ଔର ରାନୀଙ୍କ ପ୍ରେମ କାହାଣୀ'ରେ ନଜର ଆସିବେ। ଯେଉଁଥିରେ ରଣବୀରଙ୍କ ବିପକ୍ଷରେ ଆଲିଆ ଭଟ୍ଟ ମୁଖ୍ୟ ଭୂମିକାରେ ଅଭିନୟ କରୁଛନ୍ତି।
