scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ସବୁଠାରୁ ସୁନ୍ଦରୀ ମହିଳା ତାଲିକାରେ ଏକମାତ୍ର ବଲିଉଡ ଅଭିନେତ୍ରୀ, ବିଶ୍ୱସୁନ୍ଦରୀଙ୍କୁ ଲାଗିପାରେ ଝଟ୍‌କା !

18/10/2022 at 9:05 AM

ମୁମ୍ୱାଇ ୧୮/୧୦: ବଲିଉଡରେ ସୁନ୍ଦରୀ ମହିଳାଙ୍କ କଥା ଉଠିଲେ ପ୍ରଥମେ ନାଁ ମୁହଁରେ ଆସେ, ଐଶର୍ଯ୍ୟା ରାୟ । ଏହି ନୀଳନୟନା ତଥା ବଚ୍ଚନ ପରିବାରର ବୋହୂ ଐଶ୍ୱର୍ଯ୍ୟା ରାୟଙ୍କୁ ଦୁନିଆର ସବୁଠୁ ସୁନ୍ଦର ସୁନ୍ଦରୀ ଭାବରେ ଗଣାଯାଏ । ହେଲେ ଏବେ ଲାଗୁଛି ଏହି ଆଉ ଚାଲୁନି ଏହି ସୁନ୍ଦରୀଙ୍କ ରାଜ୍ । ଏବେ ସେ ଏହି ଦୌଡରେ ପଛରେ ପଡିଗଲେଣି । ଯାହା ଜାଣିବା ଐଶ୍ୱର୍ଯ୍ୟା ନିଜେ ମଧ୍ୟ ଆଶ୍ଚର୍ଯ୍ୟ ହୋଇଯାଇଛନ୍ତି । ନିକଟରେ ଦୁନିଆର ସବୁଠାରୁ ସୁନ୍ଦର ଅଭିନେତ୍ରୀଙ୍କ ତାଲିକା ପ୍ରକାଶ ପାଇଛି । ଯେଉଁଥିରେ ଐଶ୍ୱର୍ଯ୍ୟାଙ୍କ ନାମ କୌଣସି ପୋଜିସନରେ ନାହିଁ । କିନ୍ତୁ ଅନ୍ୟ ଏକ ବଲିଉଡ ଅଭିନେତ୍ରୀ ଏହି ତାଲିକାରେ ସ୍ଥାନ ପାଇଛି ।
ସବୁଠୁ ସୁନ୍ଦର ମହିଳାଙ୍କ ତାଲିକା:
ଦୁନିଆର ଶ୍ରେଷ୍ଠ ୧୦ ଜଣ ସୁନ୍ଦର ମହିଳାଙ୍କ ତାଲିକା ପ୍ରକାଶ ପାଇଛି । ସେହି ଦୌଡରେ ଅଛନ୍ତି ବଲିଉଡ ଅଭିନେତ୍ରୀ ଦୀପିକା ପାଦୁକୋନ । ନିକଟରେ ବିଜ୍ଞାନ ଅନୁଯାୟୀ ଦୁନିଆର ସବୁଠୁ ସୁନ୍ଦର ମହିଳାଙ୍କ ତାଲିକା ପ୍ରକାଶ ପାଇଛି । ଯେଉଁଥିରେ ହଲିଉଡ ଅଭିନେତ୍ରୀ ଯୋଡି କୋମର ଏକ ନମ୍ବରରେ ଅଛନ୍ତି । ଏଥି ସହିତ ବଲିଉଡ ଅଭିନେତ୍ରୀ ଦୀପିକା ପାଦୁକୋନ ମଧ୍ୟ ଏହି ତାଲିକାରେ ସ୍ଥାନ ପାଇବାରେ ସଫଳ ହୋଇଥିଲେ । ସେମାନଙ୍କ ବ୍ୟତୀତ ଏହି ତାଲିକାରେ ବିୟୋନ୍ସ ଏବଂ କିମ୍ କାରଦାସିୟାନ୍ ମଧ୍ୟ ସ୍ଥାନ ପାଇଛନ୍ତି ।

କେଉଁ ଆଧାରରେ ନିର୍ଣ୍ଣୟ କରାଯାଇଥିଲା ସୌନ୍ଦର୍ଯ୍ୟ?
ସୂଚନା ଥାଉକି, ବ୍ରିଟେନର ପ୍ଲାଷ୍ଟିକ୍ ସର୍ଜନ ଡଃ ଜୁଲିଆନ୍ ଡି ସିଲଭା ନିକଟରେ ଦୁନିଆର ସବୁଠାରୁ ସୁନ୍ଦର ମହିଳାଙ୍କ ତାଲିକା ପ୍ରକାଶ କରିଛନ୍ତି । ଡକ୍ଟର ଜୁଲିଆନ୍ ଡି ସିଲଭା ବିଜ୍ଞାନ ଅନୁଯାୟୀ ଏହି ମହିଳାମାନଙ୍କର ତାଲିକା ପ୍ରକାଶ କରିଥିଲେ । ଯାହାକି ‘ଗୋଲଡେନ ରେସିଓ ଅପ୍ ବିୟୁଟି’ ନାମକ ଏକ ପ୍ରାଚୀନ ଗ୍ରୀକ୍ କୌଶଳରୁ ଅତ୍ୟାଧୁନିକ କମ୍ପ୍ୟୁଟରାଇଜଡ୍ ମ୍ୟାପିଂ କୌଶଳ ବ୍ୟବହାର କରି ବିଜ୍ଞାନ ଅନୁଯାୟୀ ଏହି ମହିଳାମାନଙ୍କର ତାଲିକା ପ୍ରକାଶ କରିଥିଲା । ତାଙ୍କ କହିବାନୁସାରେ, ଯୋଡି କୋମର ଦୁନିଆର ସବୁଠାରୁ ସୁନ୍ଦର ମହିଳା । ରିପୋର୍ଟ ଅନୁଯାୟୀ, ଯୋଡି କୋମରଙ୍କ ମୁହଁରେ ସର୍ବାଧିକ ଗୋଲଡେନ୍ ରେସିଓ ରହିଛି ।
ରେସ୍‌ରେ ଦୀପିକା:

ଯୋଡି ପରେ, ଜେଣ୍ଡାୟା ସର୍ବାଧିକ ଅନୁପାତ ୯୪.୩୭% ପାଇଛନ୍ତି । ଏଥି ସହିତ ତୃତୀୟ ସ୍ଥାନରେ ବେଲା ହଦିଦ୍ ୯୪.୩୫%, ଚତୁର୍ଥ ସ୍ଥାନରେ ବିୟୋନ୍ସ ୯୨.୪୪%, ପଞ୍ଚମ ସ୍ଥାନରେ ଆରିନା ଗ୍ରାଣ୍ଡେ ୯୧.୮୧%, ଷଷ୍ଠ ସ୍ଥାନରେ ଟେଲର ସିଫ୍ଟ ୯୧.୬୪%, ସପ୍ତମ ସ୍ଥାନରେ ଜୋର୍ଡାନ ଡନ୍ ୯୧.୩୯% , ଅଷ୍ଟମ ସ୍ଥାନ କିନ୍ତୁ କିମ କାର୍ଦାଶିଆନ୍ ୯୧.୨୮%, ନବମ ସ୍ଥାନରେ ଦୀପିକା ପାଦୁକୋନ୍ ୯୧.୨୨% ଏବଂ ଦଶମ ସ୍ଥାନରେ ହୋୟନ୍ ଜଙ୍ଗ ୮୯.୬୩% ନାମିତ । ଦୁନିଆର ଶ୍ରେଷ୍ଠ ୧୦ ଜଣ ସୁନ୍ଦର ମହିଳାଙ୍କ ମଧ୍ୟରେ ସ୍ଥାନ ପାଇବା ପରେ ଦୀପିକାଙ୍କୁ ସୋସିଆଲ ମିଡିଆରେ ଅନେକ ଅଭିନନ୍ଦନ ବାର୍ତ୍ତା ମିଳିଛି । ଏଥିରେ କୌଣସି ସନ୍ଦେହ ନାହିଁ ଯେ ଦୀପିକା ପାଦୁକୋନ ସବୁଠାରୁ ସୁନ୍ଦର ଅଭିନେତ୍ରୀ ।

   Related Posts