ମୁମ୍ବାଇ ୦୧/୧୦ : ବଲିଉଡ ଅଭିନେତ୍ରୀ ଦୀପିକା ପାଦୁକୋନ ଏକ ଆନ୍ତର୍ଜାତୀୟ ପ୍ଲାଟଫର୍ମ ଦ୍ୱାରା 'ବଲିଉଡରେ ଶ୍ରେଷ୍ଠ ଅଭିନେତ୍ରୀ' ହିସାବରେ ଚଳଚ୍ଚିତ୍ର ଇଣ୍ଡଷ୍ଟ୍ରିରେ ସଫଳତା ପାଇଁ 'ଗ୍ଲୋବାଲ୍ ଆଚିଭର୍ସ ଆୱାର୍ଡ ୨୦୨୧' କୁ ଜିତିଛନ୍ତି। ଏହି ତାଲିକାରେ ବାରାକ ଓବାମା, ଜେଫ୍ ବେଜୋସ୍, କ୍ରିଷ୍ଟିଆନୋ ରୋନାଲଡୋ ଆଦି ବିଶ୍ୱର ଅନ୍ୟାନ୍ୟ ଲୋକପ୍ରିୟ ନାଁ ଅନ୍ତର୍ଭୁକ୍ତ। ଗ୍ଲୋବାଲ୍ ଆୱାର୍ଡସ୍ ୨୦୨୧ କୁ ଚଳିତ ବର୍ଷ ୩୦୦୦ ରୁ ଅଧିକ ନାମାଙ୍କନ ଗ୍ରହଣ କରିଛି। ବିଜେତାଙ୍କ ନାଁ ସଟ ଲିଷ୍ଟ କରିବା ଜୁରୀଙ୍କ ପାଇଁ କଠିନ ଥିଲା କାରଣ ସମସ୍ତ ନାମାଙ୍କନର ନିଜ ନିଜ କ୍ଷେତ୍ରରେ ଏକ ସଫଳ ଟ୍ରାକ୍ ରେକର୍ଡ ରହିଛି।

{"id":520718,"sizeSlug":"full","linkDestination":"none"}

ଏହି ପୁରସ୍କାର ପାଇଁ ଫିଲ୍ମ ଇଣ୍ଡଷ୍ଟ୍ରିରୁ କେବଳ ଦୀପିକାଙ୍କ ନାଁ ମନୋନୀତ କରାଯାଇଥିଲା। ଏକମାତ୍ର ଭାରତୀୟ ଅଭିନେତା ଭାବେ ଏହି ପୁରସ୍କାର ପାଇବାରେ ସଫଳ ହୋଇଛନ୍ତି। ସେ ଜଣେ ଗ୍ଲୋବାଲ୍ ଆଇକନ୍ ଯିଏ କେବଳ ତାଙ୍କ ଫ୍ୟାଶନ୍ ଷ୍ଟେଟମେଣ୍ଟ୍ ନୁହେଁ ବରଂ ତାଙ୍କ ଚଳଚ୍ଚିତ୍ର ଏବଂ ପ୍ରଦର୍ଶନ ଦକ୍ଷତା ସହିତ ତାଙ୍କ ପ୍ରଶଂସକଙ୍କୁ ଆକର୍ଷିତ କରିଥାନ୍ତି। ଭାରତର ଶ୍ରେଷ୍ଠ ଅଭିନେତ୍ରୀ ଭାବେ ଜଣାଶୁଣା ଦୀପିକା ପାଦୁକୋନ ନିଜର କଠିନ ପରିଶ୍ରମ ବଳରେ ସଫଳତାର ସହିତ ନିଜର ନାମ ଅର୍ଜନ କରିଛନ୍ତି।