ନୂଆଦିଲ୍ଲୀ ୦୯।୦୯: ମା ହୋଇଛନ୍ତି ଦୀପିକା ପାଦୁକୋନ । ୮ ସେପ୍ଟେମ୍ବରରେ ଏକ କନ୍ୟା ସନ୍ତାନକୁ ଦେଇଛନ୍ତି ଜନ୍ମ । କିନ୍ତୁ ଦୀପିକାଙ୍କ ଝିଅ ଜନ୍ମ ହେବା ମାତ୍ରେ ହୋଇଛନ୍ତି କୋଟିକୋଟିର ମାଲିକାଣୀ । ଦୀପିକା ନିଜର ୧୭ ବର୍ଷର ଫିଲ୍ମ କ୍ୟାରିୟରରେ କେବଳ ଖ୍ୟାତି ଅର୍ଜନ କରିନାହାଁନ୍ତି, ବରଂ ବହୁତ ଟଙ୍କା ମଧ୍ୟ ବିପୁଳ ଧନ ମଧ୍ୟ ଅର୍ଜନ କରିଛନ୍ତି । ଗଣମାଧ୍ୟମ ରିପୋର୍ଟ ଅନୁଯାୟୀ, ଦୀପିକା ପାଦୁକୋନ ଗୋଟିଏ ଫିଲ୍ମ ପାଇଁ ପ୍ରାୟ ୩୦ କୋଟି ଟଙ୍କା ଫି ନେଇଥାନ୍ତି ।
ଅଭିନେତ୍ରୀ ବିଭିନ୍ନ ବିଜ୍ଞାପନ ଏବଂ ବ୍ରାଣ୍ଡ ଏଣ୍ଡୋର୍ସମେଣ୍ଟରୁ ପ୍ରତିବର୍ଷ ୪୦ କୋଟି ଟଙ୍କା ରୋଜଗାର କରନ୍ତି । ଏହାସହିତ ସେ ବ୍ୟବସାୟରୁ ମଧ୍ୟ ଭଲ ରୋଜଗାର କରନ୍ତି । ତାଙ୍କର ଏକ ବିୟୁଟି ବ୍ରାଣ୍ଡ ରହିଛି । ଏହାବ୍ୟତୀତ ସେ ଅନେକ ଲଗଜୁରୀ ଘର ଏବଂ କାରର ମାଲିକ ଅଟନ୍ତି । ଦୀପିକାଙ୍କ ମୋଟ ସମ୍ପତ୍ତି ହେଉଛି ୫୦୦ କୋଟି ଟଙ୍କା ।
ସେହିପରି 'ବ୍ୟାଣ୍ଡ ବାଜା ବାରାତ୍' ସହିତ ବଲିଉଡରେ ଏଣ୍ଟ୍ରି କରିଥିବା ରଣଭୀର ସିଂଙ୍କର ମଧ୍ୟ ବହୁତ ସମ୍ପତ୍ତି ରହିଛି । ଅଭିନେତା ଗୋଟିଏ ଫିଲ୍ମ ପାଇଁ ୩୦-୫୦ କୋଟି ଟଙ୍କା ଫି ନେଇଥାନ୍ତି । ରଣଭୀରଙ୍କ ବାର୍ଷିକ ଆୟ ୨୧ କୋଟି ଟଙ୍କା ବୋଲି କୁହାଯାଉଛି।
ଲଗଜୁରୀ ଘର ଏବଂ କାର କଲେକ୍ସନ ସହିତ ଅଭିନେତାଙ୍କର ମୋଟ ସମ୍ପତ୍ତି ୩୪୫ କୋଟି ଟଙ୍କା । ଫିଲ୍ମ ବ୍ୟତୀତ ରଣଭୀର ସିଂ ବ୍ୟବସାୟ ଏବଂ ବ୍ୟକ୍ତିଗତ ବିନିଯୋଗରୁ ବହୁତ ରୋଜଗାର କରନ୍ତି ।
ଦୀପିକା ଏବଂ ରଣଭୀରଙ୍କ ମୋଟ ସମ୍ପତ୍ତି ମିଶିଲେ ୭୪୫ କୋଟି ହେଉଛି । ଏହି ଅନୁଯାୟୀ ଦମ୍ପତିଙ୍କ ଝିଅ ଜନ୍ମ ହେବା ପରେ ସେ ୭୪୫ କୋଟିର ମାଲିକାଣୀ ହୋଇଛି ।
ଖବର ଅନୁଯାୟୀ ଦୀପିକା-ରଣଭୀର ମୁମ୍ବାଇର ବାନ୍ଦ୍ରାରେ ଏକ ବିଳାସପୂର୍ଣ୍ଣ ଆପାର୍ଟମେଣ୍ଟ ନେଇଛନ୍ତି । ଯାହାର ନିର୍ମାଣ କାର୍ଯ୍ୟ ଶେଷ ହେବାକୁ ଯାଉଛି । କୁହାଯାଉଛି ଏହାର ଦାମ୍ ୧୦୦ କୋଟି ଟଙ୍କା । ଏହା ମଧ୍ୟ କୁହାଯାଉଛି ଯେ ଦମ୍ପତି ସେମାନଙ୍କ ଝିଅକୁ ଏହି ନୂଆ ଘରେ ହିଁ ସ୍ବାଗତ କରିବେ ।
