ନୂଆଦିଲ୍ଳୀ ୦୪।୦୨: ଭାରତୀୟ କ୍ରିକେଟ୍ ଦଳର ଖେଳାଳି ଦୀପକ ଚହର। ଚେନ୍ନାଇ ସୁପର କିଙ୍ଗ୍ସର ଷ୍ଟାର ଦୀପକ ମଧ୍ୟ ଭାରତୀୟ ଦଳର ଜଣେ ପରିଚିତ ଚେହେରା। ତାଙ୍କର ଅଲରାଉଣ୍ଡର ପ୍ରଦର୍ଶନ ସହିତ ସେ ତାଙ୍କ ଦଳକୁ ଅନେକ ବିଜୟରେ ଆଗେଇ ନେଇଛନ୍ତି । ଫିଟନେସ୍ ଏବଂ ଆଘାତ ଜନିତ ସମସ୍ୟା ହେତୁ ସେ ବର୍ତ୍ତମାନ ଟିମ୍ ଇଣ୍ଡିଆରୁ ବାହାରେ ଅଛନ୍ତି, କିନ୍ତୁ ସେ ଏବେ ଚର୍ଚ୍ଚାରେ ରହିଛନ୍ତି।  ବର୍ତ୍ତମାନ ତାଙ୍କ ସହ ଏବଂ ପତ୍ନୀ ଜୟାଙ୍କ ସହ ଠକେଇ ମାମଲା ସାମ୍ନାକୁ ଆସିଛି। ହାଇଦ୍ରାବାଦ କ୍ରିକେଟ୍ ଆସୋସିଏସନର ପୂର୍ବତନ ମ୍ୟାନେଜର ଏବଂ ତାଙ୍କ ପୁଅ ଜୟାଙ୍କୁ ଠକିଥିବା ଅଭିଯୋଗ ହୋଇଛି। ଦୀପକଙ୍କ ବାପାଙ୍କ ଅଭିଯୋଗ ଉପରେ ମଧ୍ୟ ଏକ ମାମଲା ରୁଜୁ ହୋଇଛି। ରିପୋର୍ଟ ଅନୁଯାୟୀ, ଜୟା ଏକ ବ୍ୟବସାୟ ସଂପର୍କରେ ୧୦ ଲକ୍ଷ ଟଙ୍କା ଦେଇଥିଲେ। କିନ୍ତୁ ପଚାରିବାରୁ ତାଙ୍କୁ ମୃତ୍ୟୁ ଧମକ ଦିଆଯାଇଛି।

ଖବର ଅନୁଯାୟୀ, ହାଇଦ୍ରାବାଦ କ୍ରିକେଟ୍ ଆସୋସିଏସନର ପୂର୍ବତନ ମ୍ୟାନେଜର ତଥା ତାଙ୍କ ପୁଅ ଦୀପକଙ୍କ ପତ୍ନୀ ଜୟାଙ୍କୁ ୧୦ ଲକ୍ଷ ଟଙ୍କା ଠକିଛନ୍ତି। ପ୍ରକୃତରେ ଜୟା ତାଙ୍କୁ ବ୍ୟବସାୟିକ ପାର୍ଟନର କରିବା ପାଇଁ ଟଙ୍କା ଦେଇଥିଲେ । ଏହି ଏଗ୍ରିମେଣ୍ଟ ପାଇଁ ତାଙ୍କ ଆକାଉଣ୍ଟକୁ ଟଙ୍କା ପଠାଯାଇଥିଲା । କିନ୍ତୁ ଏହା ନହୋଇଥିବାରୁ  ଟଙ୍କା ମାଗିବାରୁ ଧମକ ଦିଆଯାଉଥିଲା । ଅଭିଯୋଗ ହୋଇଛି ଯେ ଆସୋସିଏସନର ପୂର୍ବତନ ମ୍ୟାନେଜରଙ୍କ ପୁଅ ଧମକ ଦେଇଛନ୍ତି ଏବଂ ମ୍ୟାନେଜର ମଧ୍ୟ ଜଣେ ପୂର୍ବତନ ଭାରତୀୟ କୋଚ୍‌ ହେବାର ଭୟ ଦେଖାଇଛନ୍ତି। ଦୀପକ ଚହରଙ୍କ ପିତାଙ୍କ ଅଭିଯୋଗରେ ପୋଲିସ ଷ୍ଟେସନରେ ଏକ ମାମଲା ରୁଜୁ ହୋଇଛି।

ଉଲ୍ଲେଖନୀୟ କଥା ହେଉଛି, ଦୀପକ ଚହରଙ୍କ ପରିବାର ଆଗ୍ରା ରେ ରୁହନ୍ତି । ଗତ ବର୍ଷ ଜୁନ୍ ୧ରେ ଦୀପକ ଏବଂ ଜୟା ବିବାହ କରିଥିଲେ। ଘନିଷ୍ଠ ସମ୍ପର୍କୀୟଙ୍କ ସହ ଅନେକ ବନ୍ଧୁ ମଧ୍ୟ ଏହି ଦୁଇଜଣଙ୍କ ବିବାହରେ ପହଞ୍ଚିଥିଲେ । ଏହି ଦୁଇଜଣଙ୍କର ବିବାହ ବହୁତ ଲୋକପ୍ରିୟ ଥିଲା ।ଦୀପକ ଏବଂ ଜୟା ଦୀର୍ଘ ସମୟ ଧରି ପରସ୍ପରକୁ ଡେଟ୍‌ କରିଥିଲେ ।