scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ବିଜେପିରେ ଯୋଗଦେଲେ ଓମାର ଅବଦୁଲ୍ଲାଙ୍କ ପୂର୍ବତନ ଉପଦେଷ୍ଟା ଦେବେନ୍ଦ୍ର ରାଣା, ନେସନାଲ କନଫରେନ୍ସ ବିରୁଦ୍ଧରେ କଲେ ସାଂଘାତିକ ଅଭିଯୋଗ

11/10/2021 at 6:56 PM

ନୂଆଦିଲ୍ଲୀ ୧୧/୧୦ : ଜାମ୍ମୁ କାଶ୍ମୀରରେ ବଢିବାରେ ଲାଗିଛି ବିଜେପିର ଦବଦବା । ନେସନାଲ କନଫରେନ୍ସ (NC) ପାର୍ଟିର ଜାମ୍ମୁ ସଭାପତି ଦେବେନ୍ଦ୍ର ସିଂହ ରାଣା ସୋମବାର ବିଜେପିରେ ଯୋଗଦେଇଛନ୍ତି । ପୂର୍ବରୁ ନେସନାଲ କନଫରେନ୍ସ ଦଳର ସଭାପତି ତଥା ପୂର୍ବତନ ମୁଖ୍ୟମନ୍ତ୍ରୀ ଓମାର ଅବଦୁଲ୍ଲାଙ୍କ ଉପଦେଷ୍ଟା ଭାବେ କାର୍ଯ୍ୟ କରିସାରିଛନ୍ତି ଦେବେନ୍ଦ୍ର ରାଣା । ସେ କେନ୍ଦ୍ରମନ୍ତ୍ରୀ ଜିତେନ୍ଦ୍ର ସିଂହଙ୍କ ସାନ ଭାଇ ।  

ତିନି ତିନି ଥରର ବିଧାୟକ ଦେବେନ୍ଦ୍ର ସିଂହ ରାଣା ନେସନାଲ କନଫରେନ୍ସ ପାର୍ଟିର ପ୍ରମୁଖ ଚେହେରା ଥିଲେ । ଗତ ୨୦୧୪ରେ ଜାମ୍ମୁ ବିଧାନସଭା ନିର୍ବାଚନରେ ବିଜେପି କ୍ଲିନ୍‌ ସ୍ବିପ୍‌ କରିଥିଲେ ସୁଦ୍ଧା ଏନ୍‌ସି ଦଳ ପକ୍ଷରୁ ପ୍ରାର୍ଥୀ ହୋଇ ନାଗ୍ରୋଟାରୁ ସେ ବିଜୟୀ ହୋଇଥିଲେ । ନେସନାଲ କନଫ​‌ରେନ୍ସ ଦଳର ଭୋଟ ବ୍ୟାଙ୍କ୍‌ ବଢାଇବାରେ ତାଙ୍କର ଗୁରୁତ୍ବପୂର୍ଣ୍ଣ ଭୂମିକା ରହିଥିଲା । ଏହା ବ୍ୟତିତ ହିନ୍ଦୁ ଜନସଂଖ୍ୟା ବହୁଳ ଜାମ୍ମୁରେ ତାଙ୍କର ଦବଦବା ରହିଛି  ।

ତେବେ ସୋମବାର କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଜିତେନ୍ଦ୍ର ସିଂହ ଏବଂ ହରଦୀପ ସିଂହ ପୁରୀଙ୍କ ଉପସ୍ଥିତିରେ ବିଜେପିରେ ଯୋଗଦେଇଛନ୍ତି ଦେବେନ୍ଦ୍ର ସିଂହ ରାଣା । ବିଜେପିରେ ଯୋଗଦେବା ପରେ ସେ କହିଛନ୍ତି, ‘ଜାମ୍ମୁ କାଶ୍ମୀରର ବିକାଶ ପାଇଁ ଜାମ୍ମୁ ଡିକ୍ଲାରେସନ୍‌ ଘୋଷଣା କରିଥିଲି । କିନ୍ତୁ ଜାମ୍ମୁକୁ ଅଣଦେଖା କରାଗଲା । ଏହା ସହିତ ଡୋଗ୍ରାମାନେ ମଧ୍ୟ ଅଣଦେଖା ହେଲେ । କିନ୍ତୁ ବିଜେପି ଏ ଦିଗ​‌ରେ କାର୍ଯ୍ୟ କରିବାକୁ ଆଗେଇ ଆସିଲା ତେଣୁ ଆଜି ମୁଁ ବିଜେପିରେ ଯୋଗଦେଲି ।’

ବିଜେପିରେ ଯୋଗଦେବା ପରେ ସେ କହିଛନ୍ତି, ଜାମ୍ମୁ କାଶ୍ମୀରର ବିକାଶ ପାଇଁ କାମ କରୁଥିଲି ଏବେ ଦଳ ପରିବର୍ତ୍ତନ ପରେ ଏ ଦିଗରେ ଆହୁରି ଉତ୍ସାହିତ ହୋଇ କାମ କରିବି । ଏହା ସହିତ ଜାମ୍ମୁ ଡିକ୍ଲାରେସନ୍‌ରେ ଯୋଗଦେବାକୁ ଅନ୍ୟମାନଙ୍କୁ ମଧ୍ୟ ଆମନ୍ତ୍ରିତ କରିଛନ୍ତି । ସେ କହିଛନ୍ତି କିଛି ଦଳ ରାଜ୍ୟକୁ ମଜବୁତ କରିବା ବଦଳରେ କେବଳ ରାଜନୀତି କରୁଛନ୍ତି ।

ରାଣାଙ୍କ ବ୍ୟତିତ ନେସନାଲ କନଫରେନ୍ସ ଦଳର ପୂର୍ବତନ ବିଧାୟକ ସୁରଜିତତ ସିଂହ ସ୍ଲାଥିୟା ବିଜେପିରେ ଯୋଗଦେଇଛନ୍ତି ।

   Related Posts