ବାଲେଶ୍ୱର ୩୦/୮: ବାଲେଶ୍ୱର ରେମୁଣାରେ ଚାଞ୍ଚଲ୍ୟ । ପରିତ୍ୟକ୍ତ ଘରୁ ମିଳିଲା ନାବାଳିକାର ମୃତଦେହ । ଦୁଷ୍କର୍ମ ପରେ ହତ୍ୟା ସନ୍ଦେହ । ଦୁଇ ଦିନ ତଳେ ଅପହରଣ ନେଇ ଥାନାରେ ଅଭିଯୋଗ କରିଥିଲେ ପରିବାର । ଘଟଣାସ୍ଥଳରେ ପୋଲିସ ପହଞ୍ଚି ଛାନଭିନ୍ କରିଛି ।
ସୂଚନା ଥାଉକି, ରେମୁଣାରେ ଥିବା ବାଲେଶ୍ଵର ଆଲଏଜ ନିକଟରେ ନିଖୋଜ ନାବାଳିକାର ଗଳିତ ମୃତ ଦେହ ଉଦ୍ଧାର କଲା ପୋଲିସ । ତିନିଦିନ ହେଲା ନାବାଳିକା ଜଣକ ନିଖୋଜ ଥିବା ପରିବାର ତରଫରୁ ଥାନାରେ ଅଭିଯୋଗ ହୋଇଥିଲା । ଏକ ପରିତ୍ୟକ୍ତ ବନ୍ଦ କୋଠରୀ ଭିତରେ ଦୁର୍ଗନ୍ଧ ହେବାରୁ ସ୍ଥାନିୟ ଲୋକ ପୋଲିସକୁ ସୂଚନା ଦେଇଥିଲେ ।
ପୋଲିସ ଘର ଭିତରୁ ନିଖୋଜ ଥିବା ନାବାଳିକା ମୃତଦେହ ଉଦ୍ଧାର କରିଛି । ସାଇଣ୍ଟଫିକ ଟିମ୍ ଘଟଣା ସ୍ଥଳରେ ପହଞ୍ଚି ତଦନ୍ତ କରିବା ପରେ ଶବ ବ୍ୟବଚ୍ଛେଦ ପାଇଁ ପଠାଯିବ । ୯ ବର୍ଷର ନାବାଳିକାକୁ ଦୁଷ୍କର୍ମ କରିବା ପରେ ହତ୍ୟା କରାଯାଇଥିବା ପରିବାର ତରଫରୁ ଅଭିଯୋଗ ହୋଇଛି। ଏହି ହତ୍ୟାକାଣ୍ଡରେ ସମ୍ପୃକ୍ତ ଥିବା ଅଭିଯୋଗରେ ଜଣକୁ ଅଟକ ରଖି ପଚରା ଉଚରା କରୁଛି ପୁଲିସ
