ଏନ୍‌ଏଚ୍ କଡରୁ ମିଳିଲା ମୃତଦେହ, ହତ୍ୟା ନା ଦୁର୍ଘଟଣା ଅସ୍ପଷ୍ଟ

Published By : Prameya-News7 Bureau | October 03, 2023 IST

ଟିଟିଲାଗଡ ୩।୧୦: ବଲାଙ୍ଗିର ଜିଲ୍ଲା ସଇଁନ୍ତଳା ଥାନାରୁ ମାତ୍ର ୧ କି.ମି. ଦୂର ତଥା ବରଗଡ ବୋରିଗୁମ୍ମା ୨୬ ନମ୍ବର ଜାତୀୟ ରାଜପଥ କଡ ହନୁମାନ ମନ୍ଦିର ନିକଟରେ ଜଣେ ବ୍ୟକ୍ତିଙ୍କ ରକ୍ତ ଜୁଡୁବୁଡୁ ଅବସ୍ଥାରେ ମୃତଦେହ ପଡିରହିଛି । ମୃତକ ହେଲେ ସଇଁନ୍ତଳା ନିକଟସ୍ଥ ଆମ୍ବପାଲି ଗ୍ରାମର ସରୋଜ ଗହୀର । ତାଙ୍କ ବୟସ ପାଖାପାଖି ୪୦ ବର୍ଷ ବୋଲି ଜଣାପଡିଛି ।

ସୂଚନାଯୋଗ୍ୟ ଯେ, ସୋମବାର ରାତି ପାଖାପାଖି ୧୦ଟା ପର୍ଯ୍ୟନ୍ତ ସଇଁନ୍ତଳା ସହରରେ ବୁଲୁଥିବାର ଦେଖିବାକୁ ମିଳିଥିଲା । ତେବେ ବିଳମ୍ବିତ ରାତିରେ ଏହି ଅଘଟଣ ଘଟିଥିବା ଅନୁମାନ କରାଯାଉଛି । ଏହା ସୁପରିକଳ୍ପିତ ହତ୍ୟା ନା ଏକ ଦୁର୍ଘଟଣାଜନିତ ମୃତ୍ୟୁ ତାହା ବର୍ତ୍ତମାନ ପର୍ଯ୍ୟନ୍ତ ସ୍ପଷ୍ଟ ହୋଇପାରିନାହିଁ ।

ଘଟଣାସ୍ଥଳରେ ସଇଁନ୍ତଳା ପୋଲିସ ପହଞ୍ଚି ପ୍ରାଥମିକ ତଦନ୍ତ ଆରମ୍ଭ କରିଛି ମୃତକ ଜିଲ୍ଲା ବାହାରେ ଦିନମଜୁରିଆ ଭାବରେ କାମ କରନ୍ତି । ସେ ସୋମବାର ହିଁ ନିଜ ଘରକୁ ଫେରୁଥିଲେ ଓ ଏହି ଅଘଟଣ ଘଟିଛି । ତେବେ ସବୁଠାରୁ ଆଶ୍ଚର୍ଯ୍ୟର କଥା ଗତ ରାତିରେ ମୃତକଙ୍କ ନିକଟରେ ଗୋଟିଏ ବ୍ୟାଗ୍ ପଡିଥିବା ଦେଖିବାକୁ ମିଳିଥିବା ବେଳେ ସକାଳୁ କିନ୍ତୁ ବ୍ୟାଗ୍‌ଟି ଉଭାନ ହୋଇଯାଇଥିଲା । 

ତେବେ ବ୍ୟାଗ୍‌ରେ କ’ଣ ଥିଲା ଓ ବ୍ୟାଗ୍‌ଟି କିଏ ନେଇଯାଇଛି ଓ କ’ଣ ପାଇଁ ମୃତକଙ୍କ ନିକଟରୁ ବ୍ୟାଗ୍ କେହି ନେଇଗଲା ନା ବ୍ୟାଗ୍‌ରେ ହିଁ କ’ଣ ରହସ୍ୟ ରହିଥିଲା ଯାହାକି ମୃତକଙ୍କ ମୃତ୍ୟୁର କାରଣ ପାଲଟିଲା ତାହା ଏବେ ବଡ ପ୍ରଶ୍ନବାଚୀ ସୃଷ୍ଟି କରିଛି ?

You Can Read :

wp:embed {"url":"https://www.prameyanews7.com/father-in-law-died-at-son-in-laws-house-in-kantabanji/","type":"wp-embed","providerNameSlug":"prameya-news-7"}
https://www.prameyanews7.com/father-in-law-died-at-son-in-laws-house-in-kantabanji/
/wp:embed

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.