ମୋହନା ୧୦।୦୯: ଶବ ସତ୍କାରକୁ ନେଇ ବିବାଦ। ଶବକୁ ମିଳିଲାନି ଶ୍ମଶାନ l ଶେଷରେ ମୃତଦେହକୁ ଅଟୋରେ ବୋହି ଅନ୍ୟ ସ୍ଥାନରେ କବର ଦେବାକୁ ନେଲେ ପରିବାର ଓ ଆତ୍ମୀୟ ସ୍ୱଜନ l ମୋହନା ବ୍ଲକ ଆଲିଗଣ୍ଡା ଗାଁରେ ଏ ଘଟଣା l

ଖବର ଅନୁଯାୟୀ, ଗାଁର ୪୦ ବର୍ଷୀୟ ମହିଳା ଏନେଡିନା ସିଂହଙ୍କର ଶନିବାର ମୃତ୍ଯୁ ହୋଇଥିଲା। ପରିବାର ଓ ଆତ୍ମୀୟ ସ୍ୱଜନ ତାଙ୍କ ମୃତଦେହକୁ କବର ଦେବାକୁ ଆଲିଗଣ୍ଡା ଗାଁ ସ୍ମଶାନକୁ ନେଇଥିଲେ l ହେଲେ ଏଥିପାଇଁ ସୁଯୋଗ ଦେଇନଥିଲେ ଗାଁ ଲୋକେ l ଯାହା ସୂଚନା ମିଳିଛି ସେହି ଶ୍ମଶାନ ହେଉଛି କ୍ୟାଥୋଲିକ ଖ୍ରୀଷ୍ଟିଆନ ସମ୍ପ୍ରଦାୟର l ତେବେ ମୃତ ମହିଳା ବାପଟିଷ୍ଟ ସମ୍ପ୍ରଦାୟର ହୋଇଥିବାରୁ ସତ୍କାର ପାଇଁ ସୁଯୋଗ ମିଳିନଥିଲା। ଏହା ପରେ ପରିବାର ଲୋକ ଅନ୍ୟ ସ୍ଥାନରେ କବର ଦେବା ପାଇଁ ଅଟୋରେ ବୋହି ନେଇଥିବା କହିଛନ୍ତି l