ପାଟଣାଗଡ ୨୧।୧୧: ବଲାଙ୍ଗିର ଜିଲ୍ଲାର ଖପ୍ରାଖୋଲ ବ୍ଲକ ଲାଠୋରରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ଲାଠୋର ଥାନା ଅନ୍ତର୍ଗତ ବାଗପଡାର ଠାନୁ ବାଗ ନାମକ ଜଣେ ୩୫ ବର୍ଷର ଯୁବକଙ୍କ ମୃତଦେହ ଅଗ୍ରସେନ ଭବନ ସମ୍ମୁଖରେ ଥିବା ଡ୍ରେନ ମଧ୍ୟରୁ ଉଦ୍ଧାର କରାଯାଇଛି । ମୃତ ଯୁବକ ସୋମବାର ବସ୍ତିକୁ କୌଣସି କାମ ପାଇଁ ଯାଇ ଆଉ ଘରକୁ ଫେରି ନଥିଲେ ।
ଯୁବକଙ୍କ ମୃତଦେହ ଡ୍ରେନରୁ ଉଦ୍ଧାର ହେବା ପରେ ତାହା ଲୋକଙ୍କ ମଧ୍ୟରେ ସନ୍ଦେହ ସୃଷ୍ଟି କରିବା ସହ ଏହା ଏକ ହତ୍ୟା ନା ଆତ୍ମହତ୍ୟା ସନ୍ଦେହ ସୃଷ୍ଟି କରିଛି । ମୃତକଙ୍କ ପରିବାରରେ ସ୍ତ୍ରୀ ଓ ଗୋଟିଏ ପୁଅ ଥିବା ଜଣାପଡିଛି । ଖବର ପାଇ ଲାଠୋର ଥାନା ଅଧିକାରୀ ଝସକେତନ ଭୋଇ ଘଟଣାସ୍ଥଳରେ ପହଞ୍ଚି ମୃତ ଶରୀରକୁ ଡ୍ରେନରୁ ବାହାର କରି ଶବ ବ୍ୟବଚ୍ଛେଦ ପାଇଁ ଖପ୍ରାଖୋଲ ଡାକ୍ତରଖାନାକୁ ପଠାଇଛନ୍ତି । ବ୍ୟବଚ୍ଛେଦ ପରେ ହତ୍ୟା ନା ଆତ୍ମହତ୍ୟା ଜଣାପଡ଼ିବ ବୋଲି ଥାନା ଅଧିକାରୀ ସୂଚନା ଦେଇଛନ୍ତି ।
You Can Read :
wp:embed {"url":"https://www.prameyanews7.com/430-elephants-and-35-tigers-died-in-last-five-years/","type":"wp-embed","providerNameSlug":"prameya-news-7"}
