ଆଉ ଦିନକ ପରେ ଦିନିକିଆ ସିରିଜ୍, ମୁମ୍ବାଇରେ ଗଲ୍ଲି କ୍ରିକେଟ୍ ଖେଳୁଛନ୍ତି David Warner
16/03/2023 at 8:34 AM
ମୁମ୍ବାଇ ୧୬।୦୩ : ଭିନ୍ନ ଅନ୍ଦାଜରେ ଅଷ୍ଟ୍ରେଲିଆର ଷ୍ଟାର ବ୍ୟାଟର । କ୍ରିକେଟ୍ ଫିଲ୍ଡରେ ନୁହେଁ ବରଂ ମୁମ୍ବାଇରେ ଗଲି କ୍ରିକେଟ୍ ଖେଳୁଥିବା ନଜର ଆସିଛନ୍ତି ଡେଭିଡ୍ ଓ୍ୱାର୍ଣ୍ଣର । ଯାହାର ଭିଡିଓ ଏବେ ସୋସିଆଲ୍ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି ।
ଖବର ଅନୁଯାୟୀ, ଅଷ୍ଟ୍ରେଲିଆ ଟିମ୍ ଏବେ ଭାରତ ଗସ୍ତରେ ଅଛି । ଟେଷ୍ଟ ସିରିଜ୍କୁ ୨-୧ରେ ଭାରତୀୟ ଟିମ୍ ଜିତିଥିବା ବେଳେ ଶୁକ୍ରବାର (ଆସନ୍ତାକାଲି)ଠୁ ଦିନିକିଆ ସିରିଜ୍ ଆରମ୍ଭ ହେବାକୁ ଯାଉଛି । ଉଭୟ ଟିମ୍ ଦିନିକିଆ ସିରିଜ୍କୁ କବ୍ଜା କରିବା ଲକ୍ଷ୍ୟ ଜୋରଦାର ପ୍ରୟାସ ଜାରି ରଖିଛନ୍ତି । ଉଭୟ ଟିମ୍ ଏଥିଲାଗି ନେଟ୍ସରେ ଖୁବ୍ ଝାଳ ମଧ୍ୟ ବୁହାଉଛନ୍ତି । ହେଲେ ଏସବୁ ଭିତରେ ଅଷ୍ଟ୍ରେଲିଆର ଷ୍ଟାର ବ୍ୟାଟର ଡେଭିଡ ଓ୍ୱାର୍ଣ୍ଣରଙ୍କୁ ଏକ ଭିନ୍ନ ଅନ୍ଦାଜରେ ଦେଖିବାକୁ ମିଳିଛି ।
ମୁମ୍ବାଇରେ ଗଲ୍ଲି କ୍ରିକେଟ୍ ଖେଳୁଥିବାର ନଜର ଆସିଛନ୍ତି ଡେଭିଡ୍ ଓ୍ୱାର୍ଣ୍ଣର । କିଛି ଛୋଟ ପିଲା ଓ ଭାରତୀୟ ସାଥୀଙ୍କୁ ନେଇ ମୁମ୍ବାଇର ଏକ ଗଳିରେ ଛୋଟ ପିଲାଙ୍କ ସହ କ୍ରିକେଟ୍ର ମଜା ନେଉଛନ୍ତି ଓ୍ୱାର୍ଣ୍ଣର । ଏପିରିକି ବୋଲିଂ କରୁଥିବା ସାଥୀଙ୍କୁ କେଉଁ ଜାଗାରେ ବୋଲିଂ କରିବାକୁ ମଧ୍ୟ କହୁଛନ୍ତି । କ୍ରିକେଟ୍ ଖେଳୁଥିବାର ଭିଡିଓ ଓ୍ୱାର୍ଣ୍ଣର ନିଜ ସୋସିଆଲ୍ ମିଡିଆ ଆକାଉଣ୍ଟରେ ପୋଷ୍ଟ କରିଛନ୍ତି । ଯାହା ଖୁବ୍ ଭାଇରାଲ ହେବାରେ ଲାଗିଛି ।
ସୂଚନାଯୋଗ୍ୟ ଯେ, ଭାରତ-ଅଷ୍ଟ୍ରେଲିଆ ମଧ୍ୟରେ ଚାଲିଥିବା ଟେଷ୍ଟ ସିରିଜ୍ରେ ଆହତ ଲାଗି ଶେଷ ଦୁଇଟି ମ୍ୟାଚ୍ରୁ ବାଦ୍ ପଡିଥିଲେ ଓ୍ୱାର୍ଣ୍ଣର । ଆଉ ଏବେ ଆଗାମୀ ଦିନିକିଆ ସିରିଜ୍ ପାଇଁ ତାଙ୍କୁ ଦଳରେ ସାମିଲ କରାଯାଇଛି । ଶୁକ୍ରବାର ଦିନ ମୁମ୍ବାଇରେ ଓ୍ୱାଙ୍ଖେଡ୍ ଷ୍ଟାଡିୟମ୍ରେ ଭାରତ-ଅଷ୍ଟ୍ରେଲିଆ ମଧ୍ୟରେ ଦିନିକିଆ ସିରିଜ୍ର ପ୍ରଥମ ମ୍ୟାଚ୍ ଖେଳାଯିବ । ଦ୍ୱିପହର ୧.୩୦ ସମୟରେ ପ୍ରଥମ ଦିନିକିଆ ମ୍ୟାଚ୍ ଖେଳାଯିବ ।
