ଭୁବନେଶ୍ୱର ୦୯।୦୫: ଭୁବନେଶ୍ୱର ସ୍ଥିତ ଡି.ଏ.ଭି ପୋଖରୀପୁଟ ଶିକ୍ଷାନୁଷ୍ଠାନର ଯିଏକି ସଦାସର୍ବଦା ସମାଜର କଲ୍ୟାଣରେ ନିଜକୁ ନିୟୋଜିତ କରିଥାଏ । ବର୍ତ୍ତମାନ ଚାରିଆଡେ କରୋନା  ଭାଇରସ ମହାମାରୀ ରୂପ ନେଇଥିବା ବେଳେ ଏହି ଶିକ୍ଷାନୁଷ୍ଠାନ ଜନ ମଙ୍ଗଳ କାର୍ଯ୍ୟରୁ ନିଜକୁ ନିବୃତ କରିନାହିଁ । ଆଜି ପିପୁଲ୍‌ ଫର୍‌ ସେବା, ମହତାବ ରୋଡ ଏବଂ ଉତ୍ତରାରେ ଅବସ୍ଥିତ ଦୁଇଟି ଆନନ୍ଦ ଆଶ୍ରମରେ ଥିବା ଜରାନିବାସକୁ ସହାୟତା ଯୋଗାଇଦେଇଛି ଏହି ଶିକ୍ଷାନୁଷ୍ଠାନ ।  ଡି.ଏ.ଭି ପୋଖରୀପୁଟ ଏହି ସବୁ ସ୍ଥାନରେ ଗୋଟିଏ ମାସର ଶୁଖିଲା ଖାଦ୍ୟ ଓ ଅନ୍ୟାନ୍ୟ ଜରୁରୀ ଉପକରଣ ପ୍ରଦାନ କରିଛି । ଡି.ଏ.ଭି ପୋଖରୀପୁଟର ଅଧ୍ୟକ୍ଷା ଡ.ସୁଜାତା ଓ ସହକର୍ମୀ ଏହି ଖାଦ୍ୟ ସାମଗ୍ରୀ ପ୍ରଦାନ କରିଥିଲେ ।