ନୟାଗଡ ୧୨|୧: ପୁଅ ବୋହୁଙ୍କ ପାରିବାରିକ କଳି, ଦଣ୍ଡ ଭୋଗୁଛନ୍ତି ବୁଢା ବାପା-ମାଆ। ପକ୍ଷାଘାତ ପୀଡିତ ଶ୍ବଶୁର ଏବଂ ରୋଗୀଣା ଶାଶୁଙ୍କୁ ଚିକିତ୍ସା ପାଇଁ ମଧ୍ୟ ବୋହୂ ଘର ବାହାରକୁ ଛାଡୁନାହାନ୍ତି । ବୋହୂ ଘରେ ତାଲା ପକାଇ ଦେଇ ବାହାରକୁ ଛାଡୁନଥିବା ଅଭିଯୋଗ । ନଜରବନ୍ଦିରେ ରୋଗୀଣା ବାପା-ମାଆ । ଏପଟେ ପୁଅ ମଧ୍ୟ ବାପାମାଙ୍କୁ ଦେଖିବାକୁ ଘରକୁ ଆସୁନାହାନ୍ତି । । ନୟାଗଡ ରାଜସୁନାଖଳା ଡିହଗଁ।ର ଏଭଳି ଅଭାବନୀୟ ଘଟଣା ଘଟିଛି । ମାମଲା ଥାନାକୁ ଯାଇଛି, ହେଲେ ସମାଧାନର ବାଟ ବାହାର କରିପାରିନି ପୋଲିସ । ସେପଟେ ସ୍ବାମୀ ପଚାରୁନଥିବାରୁ ଏଭଳି ପଦକ୍ଷେପ ନେଇଥିବା ସ୍ବୀକାର କରିଛି ବୋହୂ ।
{"id":72958}![](https://www.prameyanews7.com/wp-content/uploads/2019/01/vlcsnap-2019-01-12-10h55m25s923.jpg)
ସୂଚନା ଅନୁସାରେ ରଣପୁର ଖଣ୍ଡିଆବନ୍ଧ ଗଁ।ର କୁନି ଡିହଗଁ।ର ମନୋରଞ୍ଜନଙ୍କୁ ତିନିବର୍ଷ ତଳେ ବିବାହ କରିଥିଲେ । ବିବାହର କିଛି ବର୍ଷ ପରେ ସ୍ବାମୀ ସ୍ତ୍ରୀଙ୍କ ମଧ୍ୟରେ ଆରମ୍ଭ ହୋଇଥିଲା ବିବାଦ । କୁନି ବାପଘରକୁ ଚାଲିଯାଇଥିଲେ । ସେଠାରେ ତାଙ୍କର ଗୋଟିଏ ଝିଅ ଜନ୍ମ ହୋଇଥିଲା । ବାପଘରେ ଥାଇ କୁନି, ସ୍ବାମୀ ମନୋରଞନ, ଶାଶୁଶ୍ବଶୁର ଏବଂ ନଣନ୍ଦଙ୍କ ନାମରେ ଥାନାରେ ଏତଲା ଦେଇଥିଲେ। ତେବେ ତିନିମାସ ତଳେ କୁନି ଶ୍ବଶୁର ଘରକୁ ଆସି ଘରେ ରହିବା ସହ ଘରର ମୂଖ୍ୟ ଗେଟ୍ ରେ ତାଲା ପକାଇଦେଇଛନ୍ତି । ଫଳରେ ଶାଶୂ-ଶ୍ବଶୁର ଚିକିତ୍ସା ପାଇଁ ବାହାରକୁ ଯାଇ ପାରୁନାହାନ୍ତି ।
{"id":72959}![](https://www.prameyanews7.com/wp-content/uploads/2019/01/vlcsnap-2019-01-12-10h55m19s591.jpg)
ଏଭଳି ଅଭିଯୋଗ କରିଛନ୍ତି କୁନିଙ୍କ ନଣନ୍ଦ ପ୍ରଭାସିନୀ । ତେବେ କୁନି ମଧ୍ୟ ନିଜ ଜିଦ୍ ରେ ଅଟଳ । ସ୍ବାମୀ ମନୋରଞ୍ଜନ ଘଟଣାର ସମାଧାନ କରିବାକୁ ଦାବି କରିଛନ୍ତି । ପୋଲିସ ହସ୍ତକ୍ଷେପ କରିବାକୁ ଗାଁ ଲୋକ ଦାବି କରିଛନ୍ତି । ଅଭିଯୋଗ ପାଇବା ପରେ କାର୍ଯ୍ୟାନୁଷ୍ଠାନ ପାଇଁ ରଣପୁର ଥାନା ଅଧିକାରୀଙ୍କୁ ଅତିରିକ୍ତ ଏସ୍.ପି. ନିର୍ଦ୍ଦେଶ ଦେଇଛନ୍ତି ।