ଚଣ୍ଡିଖୋଲ ୬।୩: ଯାଜପୁର ଜିଲ୍ଲା ଦର୍ପଣ ତହସିଲ ଦୋଳ ମେଳଣ ଅନୁଷ୍ଠିତ ହୋଇଯାଇଛି । ବ୍ରିଟିଶ ଅମଳରୁ ପ୍ରାୟ ୭୦ବର୍ଷରୁ ଉର୍ଦ୍ଧ୍ବ ହେବ ମେଳଣ ଅନୁଷ୍ଠିତ ହୋଇଆସୁଛି । ରାଧାକୃଷ୍ଣଙ୍କ ମିଳନରେ ଉତ୍ସବ ମୁଖର ହୋଇଛି ସାରା ପରିବେଶ । ଦର୍ପଣ ତହସିଲ ପକ୍ଷରୁ ଏହି ମେଳଣ ଅନୁଷ୍ଠିତ ହୋଇଥାଏ । ବିଭିନ୍ନ ସ୍ଥାନରୁ ୧୨ଟି ଦୋଳ ବିମାନ ବାଜା ସଙ୍କୀର୍ତ୍ତନ ସହ ରୋଷଣୀ, ପାରମ୍ପରିକ ନୃତ୍ୟ କରି ମେଳଣ ପଡିଆରେ ଦୋଳ ବିମାନ ପହଞ୍ଚିଥିଲେ ।

ତହସିଲ ପ୍ରଶାସନ ପକ୍ଷରୁ ଦୋଳ ବିମାନକୁ ସ୍ୱାଗତ କରିବା ସହ ରାଧାକୃଷ୍ଣଙ୍କ ନିକଟରେ ଅଭିର ଅର୍ପଣ କରାଯାଇଥାଏ । ପରେ ଭୋଗପସରା ପ୍ରଦାନ କରାଯାଇଥିଲା । ଏହି ମେଳଣରେ ପ୍ରଶାସନ ଓ ଜନତାଙ୍କ ମଧ୍ୟରେ ଭାଇଚାରା ଦେଖିବାକୁ ମିଳିଥାଏ । ମେଳଣକୁ ଶାନ୍ତିଶୃଙ୍ଖଳାରେ ସମାପନ କରିବା ପାଇଁ ଧାନମଣ୍ଡଳ ବଜାର କମିଟି ପୋଲିସ ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି ।