ରାୟଗଡା, ୨୦।୦୨: ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ରାଇଲିମା ବୁଥରେ ଆଦିମ ଜନଜାତି ଡଙ୍ଗରିଆକନ୍ଧ ସମ୍ପ୍ରଦାୟର ଲୋକେ ମତଦାନ କେନ୍ଦ୍ରରୁ ଭୋଟ ବାକ୍ସ ଲୁଟି ନେଇଥିଲେ। ଭୋଟର ତାଲିକାରେ ନାମ ନଥିବା ପ୍ରତିବାଦରେ ଏହିଭଳି କରିଥିଲେ ଡଙ୍ଗରିଆକନ୍ଧ। ପରେ ପୋଲିସ ଭୋଟ ବାକ୍ସକୁ ଉଦ୍ଧାର କରିଛି। ଘଟଣାରୁ ଜଣାପଡିଛି ଯେ ରାଇଲିମା ବୁଥରେ ତଳମୁଶୁଡି ଓ ଉପରମୁଶୁଡି ଗ୍ରାମର ୧୨୦ ଜଣ ଭୋଟରଙ୍କ ନାମ ଗାଏବ ହୋଇଛି। ଭୋଟର ଆଜି ଭୋଟଦାନ ପାଇଁ ବୁଥକୁ ଆସିଲା ପରେ ଏହା ଜଣାପଡିଥିଲା। ଫଳରେ ଉତ୍ତେଜିତ ହୋଇ ଲୋକେ ମତଦାନ କେନ୍ଦ୍ରରୁ ଭୋଟ ବାକ୍ସ ନେଇଯାଇଥିଲେ। ଖବରପାଇ ପୋଲିସ ପହଞ୍ଚି ଲୁଟ କରିଥିବା ଲୋକଙ୍କୁ ଗୋଡାଇ ଭୋଟ ବାକ୍ସକୁ ଉଦ୍ଧାର କରିଥିଲେ। ଫଳରେ ରାଇଲିମା ବୁଥର ମତଦାନରେ ବ୍ୟାଘାତ ସୃଷ୍ଟି ହୋଇଛି।
ଦେଶ ପାଇଁ ନିଜ ମଙ୍ଗଳସୂତ୍ର ବଳିଦାନ ଦେଇଥିଲେ ମାଆ, ପ୍...