ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ORHDC ଦୁର୍ନୀତି ମାମଲା, IAS ବିନୋଦ କୁମାରଙ୍କ ସହ ୬ ଜଣଙ୍କୁ ଜେଲ୍‌ଦଣ୍ଡ ଶୁଣାଇଲେ ସ୍ପେଶାଲ୍‌ ଜଜ୍‌
  • ||
  • ଫିରୋଜାବାଦରେ ଛାତିଥରା ଅଗ୍ନିକାଣ୍ଡ, ଜିଅନ୍ତା ଜଳିଗଲେ ପରିବାରର ୬ଜଣ
  • ||
  • କୁହୁଡ଼ି ନେଲା ଜୀବନ; ରାସ୍ତା ଦେଖାନଯିବାରୁ ବସ୍‌କୁ ପିଟିଲା ଟ୍ରକ୍, ଦୁର୍ଘଟଣାରେ ଚାଲିଗଲା ୬ ଜୀବନ
  • ||
  • ଇଡିରେ ହାଜର ହେଲେ ଅବିନାଶ ପ୍ରିୟଦର୍ଶୀ, ସୁପ୍ରିମ ଅଟୋ ମୋବାଇଲ ମୁଖ୍ୟ ପରିଚାଳକ ହେଲେ ଅବିନାଶ
  • ||

ବିଦ୍ୟୁତ୍ ଆଘାତରେ ଦମ୍ପତ୍ତି ମୃତ, ଅଳ୍ପକେ ବର୍ତ୍ତିଲା ଝିଅ

10/08/2022 at 9:38 AM

ବଡବିଲ ୧୦/୦୮: ବିଦ୍ୟୁତ୍ ଆଘାତରେ ଦମ୍ପତ୍ତି ମୃତ, ମୃତ୍ୟୁ ମୁଖରୁ ଅଳ୍ପକେ ବର୍ତ୍ତିଲା ୫ ବର୍ଷର ଝିଅ । ଏଭଳି ଅଭାବନୀୟ ଘଟଣା ଘଟିଛି ଯୋଡ଼ା ଥାନା, ଅଁସେଇକଳା ପଂଚାୟତ, ଜାମୁକୁଣ୍ଡିଆ ଗାଁରେ । ମୃତ ଦମ୍ପତ୍ତି ହେଉଛନ୍ତି ମାନ୍ଦୁରୁ ମୁଣ୍ଡା ଓ ରାଇମଣୀ ମୁଣ୍ଡା । ତାଙ୍କର ୫ ବର୍ଷର ଝିଅ ଆରନୀ ବିଦ୍ୟୁତ୍ କରେଣ୍ଟ ସଂସ୍ପର୍ଶରେ ଆସି ଆହତ ହୋଇଥିବା ଜଣାପଡିଛି।

ସୂଚନା ଅନୁଯାୟୀ, ଗତ ରାତି ପ୍ରାୟ ୮ଟା ସମୟରେ ଏହି ଅଘଟଣ ଘଟିଛି । ମାନ୍ଦୁରୁ ମୁଣ୍ଡା ସ୍ତ୍ରୀ ରାଇମଣୀ ମୁଣ୍ଡା ଓ ୫ ବର୍ଷର ଝିଅ ଆରନୀ ଜାମୁକୁଣ୍ଡିଆ ହାଟକୁ ଯାଇଥିଲେ । ସେଠାରୁ ମାଛ କିଣି ରାତିରେ ଘରକୁ ଫେରିଥିଲେ । ତେବେ ଘରେ ଲାଗିଥିବା ଲୁହା କବାଟ ଫିଟାଇ ଭିତରକୁ ଯିବାବେଳେ, ସେମାନଙ୍କୁ ଜୋରଦାର ବିଦ୍ୟୁତ୍ ସକ୍ ଲାଗିଥିଲା । ଉଭୟ ସ୍ବାମୀ ସ୍ତ୍ରୀ ସେହିଠାରେହିଁ ଟଳିପଡ଼ିଥିଲେ।

ତେବେ ଝିଅ ଆରନୀକୁ ବିଦ୍ୟୁତ୍ ସକ୍ ଲାଗିଥିଲେ ବି ସେ ମୃତ୍ୟୁ ମୁଖରୁ ଅଳ୍ପକେ ବର୍ତ୍ତିଯାଇଥିଲା । ତା’ର ଏକ ଗୋଡ଼ରେ ବିଦ୍ୟୁତ୍ ଆଘାତ ଲାଗିଥିବାରୁ ସେ ସାମାନ୍ୟ ଆହତ ହୋଇଥିବା ଜଣାପଡିଛି । ଯେଉଁ ଘର ଭିତରକୁ ଏମାନେ ପ୍ରବେଶ କରୁଥିଲେ ସେହି ଘରର କବାଟଟି ଲୁହ ନିର୍ମିତ କବାଟ ରହିଥିଲା । ଏହି କବାଟ ଉପର ଦେଇ ବିଦ୍ୟୁତ୍ ତାର ଘର ଭିତରକୁ ନିଆଯାଇଛି ।

ତେଣୁ ବିଦ୍ୟୁତ୍ ତାର ଲୁହା କବାଟରେ ଲାଗି ରହିଥିବାରୁ ସେଥିରୁ ହିଁ କବାଟରେ ବିଦ୍ୟୁତ୍ ଚାର୍ଜ ହୋଇଥିବା ଅନୁମାନ କରାଯାଉଛି । ତେଣୁ କବାଟ ଖୋଲିବା ସମୟରେ ଶକ୍ତ ବିଦ୍ୟୁତ୍ ଆଘାତ ଲାଗିଥିବା ସନ୍ଦେହ କରାଯାଉଛି । ଯୋଡ଼ା ପୋଲିସ୍ ଖବର ପାଇ ଘଟଣା ସ୍ଥଳରେ ପହଞ୍ଚି ମୃତଦେହକୁ ଜବତ୍ କରି ତଦନ୍ତ ଆରମ୍ଭ କରିଛି । ଘଟଣା ପରେ ଗାଁରେ ଏକ ପ୍ରକାର ଶୋକାକୁଳ ପରିସ୍ଥିତି ସୃଷ୍ଟି ହୋଇଛି ।

   Related Posts