ଭୁବନେଶ୍ଵର ୨୮/୧୦- ଦାମକୁ କଟାକ୍ଷ କାଲେ ତାଙ୍କ ଅନୁଗତ  ତଥା ବାଲିକୁଦା ଏରସମା ବିଧାୟକ ପ୍ରଶାନ୍ତ ମୁଦୁଲି ।  ଯାହାକୁ ବିଧାୟକ ଭାବେ ଠିଆ କରିଥିଲେ ସେ ହି ଦାମଙ୍କୁ ତୀର ମାରିଛନ୍ତି ।  ଦାମ କୁଆଡେ ଭଡାଟିଆ ବକ୍ତା ।  ଭଡାରେ ସରାକର ବିରୋଧରେ ଗପିବାକୁ ଯାଉଛନ୍ତି। ଆଉ ନିଜ ନିର୍ବାଚନ ମଣ୍ତଳୀରେ ସମାବେଶ କରିବା ପାଇଁ ସାହାସ ନଥିବା କଥା କହିଛନ୍ତି ବିଧାୟକ ପ୍ରଶାନ୍ତ ମୁଦୁଲି ।  କେବଳ ଏତିକି ନୁହେଁ ଆହୁରି ମଧ୍ୟ କହିଛନ୍ତି ।  କୁଆଡେ ଦାମଙ୍କର ଆଉ ସାହାସ ନାହିଁ ।  ସେଥିପାଇଁ ସେ ପାରାଦ୍ବୀପରେ ସମାବେଶ କରି ପାରୁ ନାହାନ୍ତି ।  ଆଗାମୀ ନିର୍ବାଚନରେ ଦାମ କୌଣସି ପ୍ରଭାବ ପଡିବ ନାହିଁ ।  ଜିଲ୍ଶା ହେଉ ବା ନିର୍ବାଚନ ମଣ୍ତଳୀ କେଉଁଠି ବି କିଛି ପ୍ରଭାବ ପଡିବ ନାହିଁ ​‌ବୋଲି ବାଲିକୁଦା ଏରସମା ବିଧାୟକ ପ୍ରଶାନ୍ତ ମୁଦୁଲି କହିଛନ୍ତି । ଯାହାକୁ ଦାମ ବିଧାୟକ କରିଛନ୍ତି ସେ ପୁଣି ବିରୋଧରେ ବିଷ ଓଗାଳୁଛନ୍ତି । ଏହାକୁ ସହଜେ ଦାମ କେମିତି ଗ୍ରହଣ କରିବେ ।  ସେ ବି ଛାଡିବା ଲୋକ ନୁହଁନ୍ତି । ସିଧା ସିଧା ବିଧାୟକ ପ୍ରଶାନ୍ତ ମୁଦୁଲିଙ୍କ ବିଧାନସଭା ଆସିବା​‌ ନେଇ ପ୍ରଶ୍ନ ଉଠାଇଛନ୍ତି ।  କହିଛନ୍ତି ଆଗାମୀ ନିର୍ବାଚନରେ ପ୍ରଶାନ୍ତ ମୁଦୁଲି କୁଆଡେ ବିଧାନ ସଭା ଆଉ ଦେଖିପାରିବେନି ।  ସାହାସ କଥା ବି ଉଠାଇଛନ୍ତି ଦାମ ।  କହିଛନ୍ତି ବିଧାୟକ ନିଜେ ନିଜ ନିର୍ବାଚନ ମଣ୍ତଳୀରେ କୁଆଡେ ରାବଣ ପୋଡି ଅୟୋଜନ କରିଥିଲେ ସେଠିକୁ ଯାଇଥିଲେ ପୋଲିସ ସୁରକ୍ଷାରେ  ଆଉ ଆସିଥିଲେ ମାତ୍ର ୨ଶହ ଲୋକ ।  ବାଲି ତୁଠ ରାବିଣ ପୋଡିକୁ ବି ପ୍ରଶାନ୍ତ ମୁଦୁଲିଙ୍କୁ କାହିକିଁ ଡାକି ନାହାନ୍ତି ବୋଲି ଦାମ ଓଲଟା ପ୍ରଶ୍ନ କରିଛନ୍ତି ।  ଆଉ ବିଧାୟକ ହେଉ ହେଉ କେମିତି କୋଟିପତି ହେଲେ । ଏନଆରଜିଏସ କାମରେ ଟଙ୍କା ହେର ଫେର କରିଥିବା ଅଭିଯୋଗ କରିଛନ୍ତି ଦାମ । ବିଜେଡିରୁ ଦାମ ବହିଷ୍କାର ହେବା ପରେ ଦାମ ଜିଲ୍ଲା ପରେ ଜିଲ୍ଲା ବୁଲି ସରକାର ବିରୋଧରେ ଦୁର୍ନୀତି  କଥା ଉଠାଇଛନ୍ତି ବୋଲି ବିଧାୟକ ପ୍ରଶାନ୍ତ ମୁଦୁଲି ।