ନୂଆପଡ଼ା ୦୩।୧୨ : ୧୩ ନାବାଳକ ସହ ୨୦ରୁ ଅଧିକ ଦାଦନ ଶ୍ରମିକ ଉଦ୍ଧାର । ଏହାସହ ଏକ ପିକଅପ୍‌ ଭ୍ୟାନ୍‌ ମଧ୍ୟ ଜବତ ହୋଇଛି ।  ନୂଆପଡ଼ା ଜିଲ୍ଲା ଡୁମେରଡିହି ଛକରୁ ଦାଦନ ଶ୍ରମିକଙ୍କୁ ଉଦ୍ଧାର କରିଛି ଖରିଆର୍‌ ରୋଡ ଜୋଙ୍କ ପୋଲିସ ।

ଖବର ଅନୁଯାୟୀ,  ଶୁକ୍ରବାର ବିଳମ୍ବିତ ରାତିରେ ପାଟ୍ରୋଲିଂ କରୁଥିଲା ପୋଲିସ । ଏହି ସମୟରେ ଏକ ପିକଅପ୍‌ ଭ୍ୟାନ୍‌କୁ ସନ୍ଦେହ କରି ଅଟକାଇଥିଲା ପୋଲିସ । ଯାଞ୍ଚ ବେଳେ ଏଥିରୁ ୧୨ଜଣ ପୁରୁଷ, ୯ ଜଣ ମହିଳାଙ୍କ ସହ ୧୩ ଜଣ ନାବାଳକଙ୍କୁ ଉଦ୍ଧାର କରିଛି ପୋଲିସ । ସମସ୍ତେ ୟୁପିକୁ ଚାଲାଣ ହେଉଥିବା ସୂଚନା ଦେଇଛି ଜୋଙ୍କ ପୋଲିସ । ସେହିପରି ବରଗଡ ଜିଲ୍ଲା ପାଇକମାଲ ଥାନା ନୂଆପଡା ଗ୍ରାମର ଅଶ୍ବିନୀ ସାହୁଙ୍କ ଗିରଫ କରାଯାଇଛି ।