ଗଞ୍ଜାମ ୧୦|୧୦:  ବାତ୍ୟା ‘ତିତଲି’କୁ ନେଇ ସବୁଠୁ ବେଶୀ ଆତଙ୍କିତ ହୋଇପଡିଛନ୍ତି ଗଞ୍ଜାମ ଜିଲ୍ଲାର ଗୋପାଳପୁରବାସୀ । ଗୋପାଳପୁର ସମେତ ସାରା ଗଂଜାମ ଜିଲ୍ଲାରେ ଆରମ୍ଭ ହୋଇଯାଇଛି ଝିପି ଝିପି ବର୍ଷା । ଏହାସହ ପବନ ବି ବହୁଛି । ଏହାକୁ ନେଇ ଛାନିଆ ହୋଇପଡିଛନ୍ତି ଲୋକେ । ସମୁଦ୍ରକୂଳିଆ ଲୋକଙ୍କୁ ସ୍ଥାନାନ୍ତର ପାଇଁ ଚାଲିଛି ବ୍ୟବସ୍ଥା । ବାତ୍ୟା ଆଶ୍ରୟସ୍ଥଳୀରେ ଖାଦ୍ୟ ପଦାର୍ଥ ମହଜୁଦ୍ ରଖାଯାଇଛି । ଆଜି ସକାଳେ ଜିଲ୍ଲାପାଳ ବିଭିନ୍ନ ସ୍ଥାନ ବୁଲି ସବୁ ବ୍ୟବସ୍ଥାର ଅନୁଧ୍ୟାନ କରିଛନ୍ତି ।