scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ରାଜଧାନୀର ଖୁଚୁରା ବଜାରରେ ମଧ୍ୟ ‘ତିତ୍‌ଲି’ର ପ୍ରଭାବ : ଆଳୁ-ପିଆଜ କିଲୋ ପିଛା ୩ ରୁ ୫ଟଙ୍କା ବୃଦ୍ଧି କରିଛନ୍ତି ମୁନାଫାଖୋର ବ୍ୟବସାୟୀ

11/10/2018 at 7:01 PM

ଭୁବନେଶ୍ବର ୧୧|୧୦: ରାଜଧାନୀର ଖୁଚୁରା ବଜାରେ ମଧ୍ୟ ‘ତିତ୍‌ଲି’ର ପ୍ରଭାବ ଦେଖିବାକୁ ମିଳିଛି । ବାତ୍ୟା ଆଳରେ କିଛି ଅସାଧୁ ବ୍ୟବସାୟୀ କଳାବଜାରୀ ଆରମ୍ଭ କରିଦେଇଥିବା ବେଳେ ଅଧିକ ରେଟ୍‌ରେ ଜିନିଷ କିଣିବାକୁ ବାଧ୍ୟ ହୋଇଛନ୍ତି ଗ୍ରାହକ । ବିଶେଷ କରି ମାର୍କେଟ୍‌ରେ  ଆଳୁ-ପିଆଜ କିଲୋ ପିଛା ୩ରୁ ୫ଟଙ୍କା ବଢ଼ିଯାଇଥିବାର ଦେଖିବାକୁ ମିଳିଛି ।  ତେବେ ଆନ୍ଧ୍ରପଟୁ ଆସୁଥିବା ପରିବା ଟ୍ରକ୍‌ ବିଭିନ୍ନ ସ୍ଥାନରେ ଅଟକି ରହିଥିବାରୁ ମାର୍କେଟ୍‌ରେ ପରିବାର ପରିମାଣ କମ୍‌ ରହିଛି ବୋଲି କହୁଛନ୍ତି ବ୍ୟବସାୟୀ ।

ବାତ୍ୟା ସହ ଆଳୁ-ପିଆଜର ସମ୍ପର୍କ ଭାରି ନିବିଡ଼ । ଏକଥା ଏବେର ନୁହେଁ, ଯେତେବେଳେ ବି ବାତ୍ୟାର ସମ୍ଭାବନା ଦେଖାଦିଏ, ସେତେବେଳେ ବଜାରରୁ ଉଭାନ୍‌ ହୋଇଯାଏ ଆଳୁ-ପିଆଜ । ନହେଲେ ହଠାତ୍‌ ଦର ବଢ଼ିଯାଏ । ଏଥର ତିତ୍‌ଲିକୁ ନେଇ ମଧ୍ୟ ଠିକ୍‌ ସେଇ ସମାନ କଥା ନଜରକୁ ଆସିଛି ।  ତିତ୍‌ଲି ନାଁ ଶୁଣୁ ଶୁଣୁ ରାଜଧାନୀର ଖୁଚୁରା ବଜାରରେ ଆଳୁ-ପିଆଜ ଦର ହଠାତ୍‌ ୩ରୁ ୫ଟଙ୍କା ବଢ଼ିଯାଇଥିଲା । ଦୁଇ ଦିନ ପୂର୍ବରୁ ୧୭-୧୮ରେ ବିକ୍ରି ହେଉଥିବା ଆଳୁ କୋଉଠି ୨୨-୨୩ ହୋଇଗଲା ତ ଆଉ କୋଉଠି ୧୮-୨୦ରେ ବିକ୍ରି ହେଉଥିବା ପିଆଜ ୨୫ରୁ ୨୭ଟଙ୍କାକୁ ବଢ଼ିଗଲା ।   ଖାଲି ଆଳୁ-ପିଆଜ କାହିଁକି ଚୁଡ଼ା, ଚିନି ଭଳି ସାମଗ୍ରୀର ଦର ମଧ୍ୟ ବଢ଼ାଇଦେଲେ ବ୍ୟବସାୟୀ ।

ହେଲେ ଦରବୃଦ୍ଧି ସମ୍ପର୍କରେ ବ୍ୟବସାୟୀଙ୍କ ଯୁକ୍ତି ଥିଲା କିଛି ଅଲଗା । ଆନ୍ଧ୍ରରୁ ଆସୁଥିବା ପରିବା ବୋଝେଇ ଟ୍ରକସବୁ ବିଭିନ୍ନ ସ୍ଥାନରେ ଅଟକି ରହିଥିବାରୁ ବଜାରରେ ପରିବାର ପରିମାଣ କମ୍‌ ରହିଛି । ତେଣୁ କିଛି ଯାଗାରେ ଦର ସାମାନ୍ୟ ବଢ଼ିଛି ବୋଲି କହୁଛନ୍ତି ବ୍ୟବସାୟୀ ।

ଆଳୁ-ପିଆଜର ହୋଲସେଲ ଦର ଅପରିବର୍ତ୍ତିତ ଥିବା ବେଳେ କିଛି ଖୁଚୁରା ବ୍ୟବସାୟୀ  ମନଇଚ୍ଛା ଦର ବଢ଼ାଇଥିବା ଦେଖିବାକୁ ମିଳିଛି । ତେବେ ରାଜଧାନୀରେ ବିଭିନ୍ନ ହାଟରେ ପରିବା ଦର ସାମାନ୍ୟ ବଢ଼ିଛି ଏକଥାକୁ ବ୍ୟବସାୟୀ ବି ମାନୁଛନ୍ତି ।

ପ୍ରଶାସନର କଟକଣା ସତ୍ବେ ଗଳିପଶି ଦୁଇ ପଇସା ଅଧିକ ମୁନାଫା କମାଇବା ଚକ୍କରରେ କିଛି ଅସାଧୁ ବ୍ୟବସାୟୀ ମଉକା ଦେଖି ଦାମ୍‌ ବଢ଼ାଉଛନ୍ତି ।  ଯାହା ଗ୍ରାହକଙ୍କୁ ଅସନ୍ତୁଷ୍ଟ କରିଛି ।

 

   Related Posts