scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ପଶ୍ଚିମବଙ୍ଗ ମୁହାଁ ହୋଇଛି ‘ତିତଲି’ : ଆସନ୍ତାକାଲି ଉତ୍ତର ଏବଂ ଆଭ୍ୟନ୍ତରୀଣ ଓଡିଶାରେ ବର୍ଷା ; ଗଜପତି, ଗଞ୍ଜାମ ବେଶୀ କ୍ଷତିଗ୍ରସ୍ତ

11/10/2018 at 3:57 PM

ଭୁବନେଶ୍ବର ୧୧|୧୦: ଦୁର୍ବଳ ହୋଇପଡିଛି ସିଭିଅର ସାଇକ୍ଲେନିକ୍ ଷ୍ଟର୍ମ । ଏହା ପଶ୍ଚିମବଙ୍ଗ ମୁହାଁ ହୋଇଛି । ସଂଧ୍ୟା ସୁଦ୍ଧା ସାଇକ୍ଲୋନିକ୍ ଷ୍ଟର୍ମରେ ପରିଣତ ହେବ । ଯେତିକି ଆଶଙ୍କା କରାଯାଉଥିଲା ତା ତୁଳନାରେ ବହୁତ କମ୍ କ୍ଷୟକ୍ଷତି ହୋଇଛି । ତେବେ ସରକାରୀ ଭାବରେ କାହାରି ମୃତ୍ୟୁ ହୋଇନଥିବା କୁହାଯାଇଛି । ଏବେ ଉପକୂଳ ଏବଂ ଦକ୍ଷିଣ ଓଡିଶାରେ ବର୍ଷା ହେଉଛି । ଆସନ୍ତାକାଲି ଉତ୍ତର ଏବଂ ଆଭ୍ୟନ୍ତରୀଣ ଓଡିଶାରେ ବର୍ଷା ହୋଇପାରେ । ୧୨ତାରିଖ ପର୍ଯ୍ୟନ୍ତ ସମୁଦ୍ରକୁ ଯିବାକୁ ମତ୍ସ୍ୟଜୀବୀଙ୍କୁ ବାରଣ କରାଯାଇଛି ।

ପ୍ରବଳ ପବନ ଯୋଗୁଁ ଗଜପତିରେ ସର୍ବାଧିକ କ୍ଷୟକ୍ଷତି ହୋଇଛି । ଅନେକ ସ୍ଥାନରେ ବଡ ଗଛ ଉପୁଡି ଯାତାୟତ ବନ୍ଦ ହୋଇଛି । ମୋହନାରେ ସର୍ବାଧିକ ବର୍ଷା ରେକର୍ଡ କରାଯାଇଛି । ଗଜପତି ଜିଲ୍ଲା ମୋହନା ଅଠରନଳା ପୋଲ ଉପରେ ୫ ଫୁଟ ଉଚ୍ଚରେ ପାଣି ଚାଲିଛି । ଏଥିଯୋଗୁଁ ମୋହନା-ଅନ୍ତରମା ମଧ୍ୟରେ ଯୋଗାଯୋଗ ବିଚ୍ଛିନ୍ନ ହୋଇଯାଇଛି ।

ଗଞ୍ଜାମରେ ତିତଲିର ପ୍ରଭାବ ପଡିଛି । ଗୋପାଳପୁର, ଅଲିପୁର, ଛତ୍ରପୁର ଯିବା ରାସ୍ତାରେ ପାଣି ପ୍ରବାହିତ ହେଉଛି । ରାସ୍ତା ଉପରେ ବଡ ବଡ ଗଛ ଉପୁଡି ପଡିଛି । ଏବେ ଗଛପଡି ଗଞ୍ଜାମରେ ଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ବିଭିନ୍ନ ସ୍ଥାନରେ ହୋଇଥିବା କ୍ଷୟକ୍ଷତିର ଆକଳନ ପାଇଁ ଯୁଗ୍ମ କମିଟି ଗଠନ ହୋଇଥିବା ଏସଆରସି କହିଛନ୍ତି । ଏହି କମିଟି ୧୫ଦିନ ଭିତରେ ରିପୋର୍ଟ ଦେବ ।

‘ତିତଲି’ କ୍ଷୟକ୍ଷତି ନେଇ ମୁଖ୍ୟମନ୍ତ୍ରୀ ସମୀକ୍ଷା କରିଛନ୍ତି । ବୈଠକ ପରେ ମୁଖ୍ୟ ଶାସନ ସଚିବ ଆଦିତ୍ୟ ପ୍ରସାଦ ପାଢୀ ସୂଚନା ଦେଇଛନ୍ତି ଯେ ଭୋର ସାଢେ ୪ଟାରୁ ୫ଟା ମଧ୍ୟରେ ଲ୍ୟାଣ୍ଡଫଲ କରିଥିଲା ତିତଲି । ବର୍ତ୍ତମାନ ଏହା ଉତ୍ତର ପଶ୍ଚିମ ଦିଗରେ ଗତି କରୁଛି । ଗଜପତିକୁ ଆଉ ୨ଟି ଏନଡିଆରଏଫ ଟିମ୍ ପଠାଯାଇଛି । ଗଜପତି ଜିଲ୍ଲାରେ ମୋଟ୍ ୨୦୦ ମିଲିମିଟର ବର୍ଷା ରେକର୍ଡ କରାଯାଇଛି । ମୋହନାରେ ସର୍ବାଧିକ ୩୧୫ ମିଲିମିଟର ବର୍ଷା ରେକର୍ଡ କରାଯାଇଛି ।  ବିଭିନ୍ନ ସ୍ଥାନରେ ମୋଟ୍ ୩ ଲକ୍ଷ ଲୋକଙ୍କୁ ସ୍ଥାନାନ୍ତର କରାଯାଇଛି । ରିଲିଫ କେନ୍ଦ୍ରରେ ଥିବା ଲୋକଙ୍କୁ ଖାଦ୍ୟ ଯୋଗାଇ ଦିଆଯାଉଛି । ବିଦ୍ୟୁତ୍ ଓ ଜଳ ଯୋଗାଣ ଉପରେ ଗୁରୁତ୍ବ ଦିଆଯାଉଛି ।

   Related Posts