suno sunao
Hari omm 2
hari om films
suno sunao new
HARI-OMM_728X90_B
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନିଶ୍ଚିନ୍ତକୋଇଲି: ଜୁଏଲାରୀ ଦୋକାନରୁ ଚୋରି, ତାଲା ଭାଙ୍ଗି ଲୁଟିନେଲେ ୧୯ ଲକ୍ଷରୁ ଅଧିକ ସୁନା ଗହଣା
  • ||
  • ପୁରୀ: ଶ୍ରୀମନ୍ଦିରରେ ଶ୍ରୀଜିଉଙ୍କ ନୀତି ବିଳମ୍ବ, ଦର୍ଶନ ନପାଇ ଭକ୍ତ ଅସନ୍ତୋଷ
  • ||

ତାମିଲନାଡ଼ୁରେ ବାତ୍ୟା ‘ମାଣ୍ଡସ୍’ର ଭୀଷଣ ରୂପ, ମାମଲାପୁରମ୍ ନିକଟରେ ଛୁଇଁଲା ସ୍ଥଳଭାଗ, ୬ଜିଲ୍ଲାରେ ପ୍ରବଳ ବର୍ଷା, ସଜାଗ ସରକାର

10/12/2022 at 8:09 AM

ଚେନ୍ନାଇ: ସ୍ଥଳଭାଗ ଛୁଇଁଲା ବାତ୍ୟା ‘ମାଣ୍ଡସ୍’ । ଭୀଷ ରୂପ ଧାରଣକରି ଲ୍ୟାଣ୍ଡଫଲ କରିଛି ସାମୁଦ୍ରିକ ଝଡ଼ । ତାମିଲନାଡୁର ତଟବର୍ତ୍ତୀ ଅଞ୍ଚଳରେ  ଲ୍ୟାଣ୍ଡଫଲ୍ ପ୍ରକ୍ରିୟା ଜାରି ରହିଛି। ଶୁକ୍ରବାର ବିଳମ୍ବିତ ରାତିରେ ମାମଲାପୁରମ୍ ନିକଟରେ ‘ମାଣ୍ଡସ୍’ ସ୍ଥଳଭାଗ ଛୁଇଁଛି ।  

ଭାରତୀୟ ପାଣିପାଗ ବିଜ୍ଞାନ କେନ୍ଦ୍ରର ରିପୋର୍ଟ ଅନୁଯାୟୀ, ସାମୁଦ୍ରିକ ଝଡ଼ ‘ମାଣ୍ଡସ୍’ ତାମିଲନାଡୁର ମାମଲାପୁରମ୍ ନିକଟରେ ଲ୍ୟାଣ୍ଡଫଲ୍ କରିଛି । ସ୍ଥଳଭାଗ ଛୁଇଁବା ପରେ ଏହା ଭୀଷଣ ରୂପ ଧରି ତାଣ୍ଡବ ଆରମ୍ଭ କରିଛି । ତାମିଲନାଡ଼ୁର ଉତ୍ତର-ପଶ୍ଚିମ ଦିଗରେ ଗତି କରିଛି ବାତ୍ୟା ‘ମାଣ୍ଡସ’ । ଏହାର ପ୍ରଭାବରେ ତାମିଲନାଡୁର ୬ଟି ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ଜାରି ରହିଛି । ଘଣ୍ଟାପ୍ରତି ୫୫-୬୫ କିଲୋମିଟର ବେଗରେ ପବନ ବହୁଛି । ଆଗାମୀ ୧ଘଣ୍ଟା ଭିତରେ ଲ୍ୟାଣ୍ଡଫଲ୍ ପ୍ରକ୍ରିୟା ସମ୍ପୂର୍ଣ୍ଣ ହେବ । ଏଣୁ ଲୋକମାନଙ୍କୁ ଘରୁ ନବାହାରିବାକୁ ସତର୍କ କରାଇଛନ୍ତି ତମିଲନାଡୁ ସରକାର । ପ୍ରବଳ ବର୍ଷା ଯୋଗୁ ତଳି ଅଞ୍ଚଳରେ ବର୍ଷା ପାଣି ଭରି ଯାଇଛି । ପବନରେ ବଡ଼ ବଡ଼ ଗଛ ମଧ୍ୟ ଉପୁଡ଼ି ଯାଇଛି ।  

ବାତ୍ୟା ପ୍ରଭାବରେ ଆନ୍ଧ୍ରପ୍ରଦେଶ ଉପକୂଳରେ ମଧ୍ୟ ବର୍ଷା ଜାରି ରହିଛି । ସାମୁଦ୍ରିକ ଝଡ଼ ‘ମାଣ୍ଡସ୍‌’କୁ ନଜରରେ ରଖି ତାମିଲନାଡ଼ୁ ସରକାର ସଜାଗ ହୋଇଛନ୍ତି ।  ତାମିଲନାଡୁର ୧୦ଟି ଜିଲ୍ଲାରେ ଏନଡିଆରଏଫ ଏବଂ ରାଜ୍ୟ ସୁରକ୍ଷାବଳର ୧୨ଟି ଟିମ୍ ନିୟୋଜିତ ହୋଇଛନ୍ତି । ସେହିପରି ଆନ୍ଧ୍ରପ୍ରଦେଶର ସରକାର ଭୀଷଣ ବାତ୍ୟାକୁ ଦୃଷ୍ଟିରେ ରଖି ବିଭିନ୍ନ ଜିଲ୍ଲାର ଜିଲ୍ଳାପାଳମାନଙ୍କୁ ସତର୍କ ରହିବାକୁ ନିର୍ଦ୍ଦେଶ ଦେଇଛନ୍ତି । ଏବେ ଚେନ୍ନାଇରେ ପ୍ରବଳ ବର୍ଷା ଜାରି ରହିଛି। ଚେନ୍ନାଇ ଏୟାରପୋର୍ଟରୁ ୧୩ଟି ବିମାନ ଉଡାଣ ବାତିଲ କରି ଦିଆଯାଇଛି । ପ୍ରବଳ ବର୍ଷା ଆଶଙ୍କା ଥିବାରୁ ପୁଡ୍ଡୁଚେରୀ ଓ କାରଈକାଲରେ ସମସ୍ତ ସ୍କୁଲ୍ ଓ କଲେଜ ବନ୍ଦ ରଖାଯାଇଛି। ତାମିଲନାଡୁର ତୁତୁକୁଡ଼ି, ତେନି ଏବଂ ସିରୁମଲାଇରେ ବି ବର୍ଷା ଆଶଙ୍କାରେ ସ୍କୁଲ୍ କଲେଜ୍ ଛୁଟି ଘୋଷଣା କରାଯାଇଛି

   Related Posts