ନୂଆଦିଲ୍ଲୀ: ଆଫ୍ରିକାର ଦିକ୍ଷଣ ଭାଗରେ ଫ୍ରେଡୀ ବାତ୍ୟା ତାଣ୍ଡବ ରଚି ଚାଲିଛି । ଶନିବାର ଠାରୁ ବତ୍ୟା ଫ୍ରେଡୀ ମଲାୱି ଏବଂ ମୋଜାମ୍ବିକରେ ଅନେକ ଘର ନଷ୍ଟ ହୋଇଯାଇଛି । ଅନେକ ସ୍ଥାନରେ ଭୂସ୍ଖଳନ ହୋଇଛି । ଅନ୍ୟପଟେ ନଦୀ ଗୁଡିକ କୂଳ ଭାଙ୍ଗି ବନ୍ୟା ଆଣିଛି । ବାତ୍ୟାରେ ବର୍ତ୍ତମାନ ସୁଦ୍ଧା ୬୦ରୁ ଅଧିକ ଲୋକଙ୍କ ମୃତ୍ୟୁ ହୋଇସାରିଛି । ଏଥିରୁ ମଲାୱିର ବ୍ୟବସାୟୀକ ପେଣ୍ଠସ୍ଥଳୀ ବ୍ଲଣ୍ଟାୟର ସହରରେ ୪୦ରୁ ଅଧିକ ମୃତ ହୋଇଛନ୍ତି, ଏଥିରେ ଅନେକ ଲୋକ ଆହତ ଏବଂ ନିଖୋଜ ମଧ୍ୟ ଅଛନ୍ତି ।

ଅନ୍ୟପଟେ ମୋଜାମ୍ବିକରେ ୨୦ ଜଣଙ୍କ ମୃତ୍ୟୁ ହୋଇଛି । ମୃତଙ୍କ ସଂଖ୍ୟା ଆହୁରି ବଢିବା ନେଇ ଆଶଂକା କରାଯାଉଛି । ପୋଲିସ ବର୍ତ୍ତମାନ ସୁଦ୍ଧା ସବୁ ଅଞ୍ଚଳରୁ ତଥ୍ୟ ସଂଗ୍ରହ କରିପାରି ନାହିଁ । ପୋଲିସ ସୂଚନା ଅନୁସାରେ ମଲାୱି ମୃତକଙ୍କ ମଧ୍ୟରେ ଗୋଟିଏ ପରିବାରର ୫ ଜଣ ଅଛନ୍ତି ।

ଫ୍ରେଡୀ ବାତ୍ୟା କେତେ ଭୟଙ୍କର ତାର ଅନୁମାନ ଏଥିରୁ କରାଯାଇ ପାରିବ ଯେ ଆମେରିକାରେ ଗୋଟିଏ ବର୍ଷର ବାତ୍ୟାରେ ଯେତେ ଶକ୍ତି ଥାଏ, ତାହାଠୁ ଅଧିକ ଭୟଙ୍କର ଥିଲା ଏହି ବାତ୍ୟା । ଫ୍ରେଡୀ ବାତ୍ୟା ଫେବ୍ରୁଆରୀରେ ଅଷ୍ଟ୍ରେଲିଆରୁ ଆରମ୍ଭ ହୋଇଥିଲା, ପରେ ଏହା ପୂରା ଦକ୍ଷିଣ ଭାରତ ମହାସାଗରକୁ ଆତିକ୍ରମ କରି ଏଠାରେ ପହଞ୍ଚିଛି । ଏହା ଆଜି ପର୍ଯ୍ୟନ୍ତର ସବୁଠୁ ଲମ୍ୱା ଟ୍ରପିକାଲ୍ ସାଇକ୍ଲୋନ୍ ଅଟେ । ଏହା ୧୯୯୪ ମସିହାରେ ୩୧ ଦିନ ଯାଏ ଚାଲିଥିବା ବାତ୍ୟା ଜନର ରେକର୍ଡ ଭାଙ୍ଗିଛି ।