vridhi excotica
ratha jatra live
star kirano
ori homes
vridhi excotica
ratha jatra live
star kirano
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଆସିଲା ସ୍ପଷ୍ଟ ଚିତ୍ର : ସୁନ୍ଦରବନରେ ଲ୍ୟାଣ୍ଡଫଲ୍ କରିବ ‘ବୁଲ୍‌ବୁଲ୍’, ଭଦ୍ରକ ଓ ବାଲେଶ୍ବରକୁ ବେଶୀ ବିପଦ

8/11/2019 at 12:45 PM

ଭୁବନେଶ୍ବର ୮।୧୧:  ଘଣ୍ଟାପ୍ରତି ୧୨ କିଲୋମିଟର ବେଗରେ ଉତ୍ତର-ଉତ୍ତରପଶ୍ଚିମ ଦିଗରେ ଗତି କରୁଛି ବାତ୍ୟା ‘ବୁଲବୁଲ’ । ଆସନ୍ତା ୧୦ତାରିଖ ଭୋରରୁ ସ୍ଥଳଭାଗ ଛୁଇଁବ ‘ବୁଲବୁଲ’ । ପଶ୍ଚିମବଙ୍ଗ ଓ ବାଂଲାଦେଶ ମଝି ସୁନ୍ଦରବନରେ ବାତ୍ୟା ‘ବୁଲବୁଲ’ ଲ୍ୟାଣ୍ଡଫଲ୍ କରିବାର ସମ୍ଭାବନା ରହିଛି । ଭୁବନେଶ୍ବରଠାରୁ ୩୯୪ କି.ମି. ଦୂର ସୁନ୍ଦରବନ । ବାତ୍ୟା ‘ବୁଲବୁଲ’ ସୁନ୍ଦରବନରେ ଲ୍ୟାଣ୍ଡଫଲ କଲେ ବାଲେଶ୍ବର ଓ ଭଦ୍ରକ ଜିଲ୍ଲା ବେଶୀ ପ୍ରଭାବିତ ହେବ । ଏହି ଦୁଇ ଜିଲ୍ଲାରେ ପ୍ରବଳ ବର୍ଷା ସାଙ୍ଗକୁ ପବନ ମଧ୍ୟ ହେବ ।

ବାତ୍ୟା ‘ବୁଲବୁଲ’ ପ୍ରଭାବରେ ଆଜିଠାରୁ ଉତ୍ତର ଉପକୂଳରେ ଆରମ୍ଭ ହୋଇଯାଇଛି ବର୍ଷା । ଓଡିଶା ଅତିକ୍ରମ କଲାବେଳକୁ ଏହା ଭୀଷଣ ରୂପ ନେବ । ଆସନ୍ତା ୧୦ରେ ବାଂଲାଦେଶରେ ଲ୍ୟାଣ୍ଡଫଲ କରିବ ‘ବୁଲବୁଲ୍’ । ଲ୍ୟାଣ୍ଡଫଲ କରିବା ସମୟରେ ପାରାଦୀପରୁ ୧୩୪ କି.ମି. ଦୂରରେ ବାତ୍ୟା ‘ବୁଲବୁଲ’ ରହୁଥିବାରୁ ୪ ଜିଲ୍ଲାରେ ବିଶେଷ ପ୍ରଭାବ ପଡିବ । ଜଗତସିଂହପୁର, କେନ୍ଦ୍ରାପଡା, ବାଲେଶ୍ବର ଓ ଭଦ୍ରକ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା ରହିଛି । ଘଣ୍ଟା ପ୍ରତି ୬୫ କି.ମି. ବେଗରେ ପବନ ବୋହିବା ସମ୍ଭାବନା ରହିଛି । ଆସନ୍ତାକାଲି ପବନର ବେଗ ୭୦ରୁ ୮୦ କି.ମି. ରହିବ । ୧୦ ତାରିଖ ବେଳକୁ ବାତ୍ୟା ପ୍ରଭାବ ରହିବ ନାହିଁ । ଅପରାହ୍ନରୁ ପବନର ବେଗ ବଢିବ ।

୯ ଜିଲ୍ଲାକୁ ଏନଡିଆରଏଫ ଓ ଓଡ୍ରାଫ୍ ଟିମ୍ ପଠାଯାଇଛି । ବାତ୍ୟା ସମୟରେ ପଦାକୁ ନବାହାରିବାକୁ ପରାମର୍ଶ ଦିଆଯାଇଛି । ଅତିରିକ୍ତ ଆଧୁନିକ ଉପକରଣ ସହ ଦୁଇଟି ଅଗ୍ନିଶମ ଟିମକୁ ବି ପଠାଯାଇଛି । ଭୁବନେଶ୍ବରରେ ୬୦ ଜଣ ଅତିରିକ୍ତ ଅଗ୍ନିଶମ କର୍ମଚାରୀଙ୍କୁ ପ୍ରସ୍ତୁତ ରଖାଯାଇଛି।

   Related Posts