ନୀଳଗିରି ୨୭/୧୨: ସାଇକେଲ ଚାଳକଙ୍କ ଉପରେ ଚଢ଼ିଗଲା ମାଟି ବୋଝେଇ ଟ୍ରକ। ଘଟଣାସ୍ଥଳରେ ସାଇକେଲ ଆରୋହି ମୃତ। ଏଭଳି ଘଟଣା ବାଲେଶ୍ଵର ଜିଲ୍ଲା ନୀଳଗିରି କଦମ୍ବସାହିରେ ଘଟିଛି। ମୃତକଙ୍କ ପରିଚୟ ସନାତନ ରାଉତ। ସେ ଘାଟଘରସାହିର ବାସିନ୍ଦା।

ଏକ ମାଟି ବୋଝେଇ ଟ୍ରକ ଧକ୍କା ଦେଇ ତାଙ୍କ ମୁଣ୍ଡ ଉପରେ ଚଢ଼ି ଯିବାରୁ ଏପରି ମର୍ମନ୍ତୁଦ ସଡ଼କ ଦୁର୍ଘଟଣା ହୋଇଛି। ଘଟଣା ସ୍ଥଳରେ ତାଙ୍କର ମୃତ୍ୟୁ ହୋଇଛି। ଟ୍ରକଟି ସେଠାରୁ ଫେରାର ହୋଇଯାଇଛି। ନୀଳଗିରି ପୋଲିସ ଶବ ଜବତ କରି ବ୍ୟବଚ୍ଛେଦ କରିବାକୁ ପଠାଇବା ସହ ତଦନ୍ତ ଜାରିରଖିଛି।