ସରୋ, ୨୮/୧୨: ସାଇକେଲ୍ ଚୋରୀକୁ ନେଇ ତୁମୁଳକାଣ୍ଡ । ବଜାରରେ ଗୋଡ଼ାଇ ଗୋଡ଼ାଇ ତେଲେଙ୍ଗା କଟୁରୀରେ ହଣିବା ଫଳରେ ଦୁଇଜଣ ଗୁରୁତର ହୋଇଥିବା ଜଣାପଡ଼ିଛି l ବାଲେଶ୍ୱର ଜିଲ୍ଲା ଖନ୍ତାପଡ଼ା ବଜ଼ାରରେ ଗତକାଲି ଜଣଙ୍କର ସାଇକେଲ ଚୋରି ହୋଇଯାଇଥିଲା l ସ୍ଥାନୀୟ ଲୋକ ସାଇକେଲ ଚୋରକୁ ଧରି ଉତ୍ତମ ମଧ୍ୟମ ଦେଇଥିଲେ l ଚୋରି କରିଥିବା ସ୍ୱୀକାର କରିବା ସହିତ ସାଇକେଲଟିକୁ ବନ୍ଧକ ରଖିଥିବା କହିଥିଲା ଚୋର l ପରେ ସ୍ଥାନୀୟ ଲୋକ ସାଇକେଲ ଚୋରକୁ ଛାଡି ଦେଇଥିଲେ l
ଆଜି ସାଇକେଲ ଚୋରି କରିଥିବା ଯୁବକର ଭାଇ ଓ ତାର ସାଙ୍ଗମlନେ ଆସି ଖନ୍ତାପଡ଼ା ବଜାରରେ ଖନ୍ତାପଡ଼ା ବଜାରର ଅନୁ ମହାନ୍ତି ଓ ବେଗୁନିଆ ଗ୍ରାମର ଘୁଁଟିଆ ପାନ ଦୋକାନୀକୁ ତେଲେଙ୍ଗା କଟୁରୀରେ ହାଣିଥିଲେ l ଖନ୍ତାପଡ଼ା ଥାନାରେ ଏନେଇ ଅଭିଯୋଗ ହୋଇଛି । ପୋଲିସ ଅଭିଯୋଗ ପାଇ ତଦନ୍ତ କରୁଥିବା ବେଳେ ଅପରାଧି ମାନେ ଫେରାର ରହିଛନ୍ତି ।